पूर्णपुष्टि, साउन २६
नेपाल खानेपानी संस्थान बुटवलका प्रमुख इन्जिनियर घुस सहित पक्राउ परेको छ ।
अख्तियार दुरुपयोग अनुसन्धान आयोगको टोलीले प्रमुख इन्जिनियर सन्तोष साहलाई दुई लाख ३३ हजार पाँच सय र बैंकमा जम्मा गरेको आठ लाख २२ हजार रुपैयाँको भौचरसहित आइतबार धादिङको धुनिबेँसीबाट पक्राउ गरेको हो ।
खानेपानी शाखा कार्यालयका सेवाग्राहीसँग घुसबापतको रकम उठाएर काठमाण्डौ आएको सूचनाका आधारमा आयोगको केन्द्रीय कार्यालयबाट खटिएको टोलीले उनलाई पक्राउ गरेको आयोगले जनाएको छ ।