पूर्णपुष्टि, मंसिर १४
गाईघाटको जगत भवनमा घरेलु तथा साना उद्योग कार्यालयको आयोजनामा ४५ दिने एड्भान्स सिलाई कटाई तालिम सोमबार सम्पन्न भएको छ । जिल्ला सम्मन्यन समितिको उप–प्रमुख गंगा राईको प्रमुख आतिथ्यमा घरेलु तथा साना यद्योग कार्यालयको सिलाई कटाई तालिम समापन भएको हो ।
“उद्योग र पूर्वाधार, समृद्धिको आधार” भन्ने नाराका साथ सञ्चालित ४५ दिने तालिममा त्रियुगा नगरपालिका भित्रका १२ जना महिलाको सहभागिता रहेको थियो । तालिममा सहभागि सम्पूर्णले अनुशासित ढङगले काम सिकेको प्रशिक्षक ग्यानु प्रधानले बताउनुभयो । महिला दिदिबहिनीहरुलाई यहाँ सम्म ल्याइ पुर्याउन निकै मेहेनत गरेको उहाँले बताउनुभयो । उहाँका अनुसार वडा, नगर र जिल्लाबाट सहयोग पाए महिलाहरुलाई आर्थिक तथा व्यावसायीक रुपमा निकै अगाडी लान सकिने छ ।
छोटो समयको तालिममा धेरै कुरा सिक्न पाएको सहभागी भविमाया विकले बताउनुभयो । चौबन्दी चोली, कुर्ता सुर्वाल, सर्ट पाईन्ट, ग्राउन लगाएतका ७ आईटहरु तालिमका सिकाइएको विकको भनाई छ ।
महिलाहरु अझै पनि विभिन्न कारणले हिंसामा परेका छन्, जस मध्ये एक महिलाहरु आर्थिक रुपले सक्षम नहुन पनि हो । महिलाहरुलाई सिप सिकाएर आर्थिक रुपले सक्षम बताउन सकिएका अधिकांस हिंसा न्युनिकरण हुने जिसस उप–प्रमुख गंगा राईले बताउनुभयो । उहाँले भन्नु भयो “बजारको माग सिलाई कटाई रहेको छ । यो व्यावसाय नाफामुखी रहेको छ । तालिम लिईसकेपछि व्यावसायीक हुनुपर्छ ।”
वडा नम्बर ११ का वडा अध्यक्ष विश्वराज भट्टराईका अनुसार कुनै पनि सिप सिकिसकेपछि त्यसमा दिृढ विश्वारका साथ निरन्तर रुपमा अघि बढेमा सफल अवस्य हुन्छ । वडाबाट गर्न सकिने साथ सहयोग सधै रहने प्रतिवद्धता समेत भट्टराईले गर्नुभयो ।
