पूर्णपुष्टि,पुष १६
झापामा चोरीको मोटरसाईकल सहित चोरी गर्ने २ जना पक्राउ परेका छन् । गौराहद नगरपालिका–२ का २४ बर्षीय मोहन प्रसाद ताजपुरिया र २९ बर्षीय दिपक न्यौपानेलाई मोटरसाईकल सहित प्रहरीले पक्राउ गरेको हो ।
गत मंगलवार राती साँढे १२ बजे दमक नगरपालिका–७ मा रहेको एडभान्स अस्पताल परिसरबाट प्रदेश १–०२–०४३ प ६८७७ नम्बरको पल्सर मोटरसाईकल हराएको भनी जानकारी पाए लगत्तै खोजतलासमा प्रहरी टोलीले खटेको थियो । प्रहरी टोलीले सोही दिन बेलुका ७ बजे गौरादह नगरपालिका–७ को एक घरबाट चोरी भएको मोटरसईकल फेला पारेको थियो ।
प्रहरीले मोटरसाईकल फेला परेसंगै चोरीमा संग्लग्नहरुको खोजतलास गर्ने क्रममा चोरीमा संग्लग्न रहेका दुवैलाई पक्राउ गरेको हो ।
पक्राउ परेका सम्बन्धमा थप अनुसन्धान भईरहेको ईलाका प्रहरी कार्यालय दमकले जनाएको छ ।