पूर्णपुष्टि, कार्तिक १६
नेपाल कम्युनिष्ट पार्टी एकीकृत समाजवादीको त्रियुगा नगरपालिका वडा नम्वर १२ को वडा कमिटी प्रथमलाल चौधरीको अध्यक्षतामा गठन भएको छ । आज गाईघाटमा आयोजित एक कार्यक्रममा ५१ सदस्यीय वडा कमिटी गठन भएको हो ।
वडा कमिटीको उपाध्यक्षमा शिबकुमार चौधरी, जोहरा खातून सचिव निर्मला मगर सह–सचिव बिमला बिक र कोषाध्यक्ष पदमा सुनिता भगत सर्वसम्मत रुपमा चयन भएका छन । कमिटीमा करिब ६१ प्रतिशत महिलाहरुको प्रतिनिधित्व रहेको छ । कमिटीका सबैलाई एकीकृत समाजवादीका पोलिटब्यूरो सदस्य बलदेव चौधरीले शपथ ग्रहण गराउनु भएको थियो । सोही कार्यक्रममा एमाले र काँग्रेस परित्याग गरी आउने ३५ जनालाई पोलिटब्यूरो सदस्य चौधरीले स्वागत गर्दै सदस्यता प्रदान गर्नु भएको छ । कार्यक्रममा नेपालको कम्युनिष्ट आन्दोलनमा दक्षिणपन्थी धारलाई पछ्याउँदै ओली एमालेले कम्युनिष्टको बदनाम गरेको धारणा व्यक्त गर्दै चौधरीले एकीकृत समाजवादीको गठन गर्नु परेको बताउनु भयो । दुर्गानन्द चौधरीको अध्यक्षतामा सञ्चालित कार्यक्रममा जिल्ला तथा नगरका अगुवा कार्यकर्ताहरुले शुभकामना मन्तव्य व्यक्त गरेका छन ।
