मोटरसाईकल एक आपसमा ठोक्किदा एकको मृत्यु, दुई घाईते

पूर्णपुष्टि, भदौ २२
झापा कचनकवल गाउँपालिका–६ बिशाल बस्ति नजिक भित्री सडक खण्डमा दुईवटा मोटरसाईकल एक आपसमा ठक्कर खाई दुर्घटना हुँदा एक जनाको मृत्यु भएको छ, भने दुई जना घाईते भएका छन् । दुर्घटनामा सोही स्थानका ३७ वर्षीय सोम दाहालको मृत्यु भएको हो । सोही पालिका–५ का २६ वर्षीय करण राजबंशी र कचनकवल–३ की १८ वर्षीया जयमती राजबंशी भने घाईते भएका छन् ।
हिजो बेलुका ८ बजे पुर्व तर्फ जादै गरेको मे १० प ५३८९ नम्बरको मोटरसाईकल र बिपरित दिशाबाट आउदै गरेको मे ८ प २१३७ नम्बरको मोटरसाईकल एक आपसमा ठक्कर खाई दुर्घटना हुँदा गम्भिर घाईते भएका २१३७ नम्बरको मोटरसाईकल चालक दाहालको बी एण्ड सी अस्पताल बिर्तामोडमा उपचारको क्रममा राती ९ बजे मृत्यु थियो ।
त्यस्तै, सोही दुर्घटनामा घाईते भएका ५३८९ नम्बरको मोटरसाईकल चालक राजबंशी र पछाडी सवार जयमती राजबंशीको सोही अस्पतालका उपचार भईरहेको छ । दुर्घटना भएका दुवै मोटरसाईल ईलाका प्रहरी कार्यालय बनियानी झापाको नियन्त्रणमा रहेको प्रहरीले जनाएको छ ।