विराटनगरको खदम खोला किनारमा पहिचान नखुलेको शव फेला

पूर्णपुष्टि, कार्तिक २१
विराटनगर महानगरपालिका–१६ स्थित दरैया मुसहरी वस्ती नजिक खदम खोला किनारमा पहिचान नखुलेको एक युवकको शव फेला परेको छ । उक्त शव करिब २५÷२६ वर्षका युवकको रहेको प्रहरीले जनाएको छ ।
शवको पहिचान नभएकोले आफन्तलाई सम्पर्क गर्न प्रहरीले अनुरोध गरेको छ । पहिचानका लागि प्रहरीले मृतक युवकको हुलिया समेत उल्लेख गरेको छ ।
कालो रंगको टिसर्ट र कालै रंगको ट्राउजर, गोरो अनुहार, पाँच फिट चार इन्च उचाइ, कालो कपाल, घाटीमा गणेशको टाउको भएको खैरो रंगको माला र बायाँ कानमा पहेँलो धातुको कुन्डल लगाएका व्यक्तिको शव भेटिएको प्रहरीले जनाएको छ ।
शव पोष्टमार्टमका लागि कोशी अस्पताल विराटनगरको शव गृहमा राखिएको प्रहरीले जनाएको छ ।