पूर्णपुष्टि, साउन ५
मानव अधिकार र वातावरण विकास केन्द्र (हुरेण्डेक) उदयपुरले कोरोना बाट प्रभावित परिवारहरुको पहिचान गरी राहत तथा स्वास्थ्य आहारा वितरण कार्यक्रमको आयोजना गरेको छ ।
वल्र्ड भिजन इन्टरनेशनलको आर्थिक सहयोग स्थानीय सरकार तथा स्वास्थ्य केन्द्रहरुको समन्वय र हुरेण्डेकको आयोजनामा जिल्लामा रहेको ६ ओटा पालिकाहरुमा राहत तथा सर्वोत्तमको लागि सामाग्री वितरण गरिएको हो ।
कोरोना भाईरसको चपेटामा परेका उदयपुरका करिब १०२८ घर परिवारलाई सर्वोत्तमको सामाग्री र २७४६ परिवारलाई राहत वितण गरिएको हुरेण्डेक, उदयपुरको अध्यक्ष शंकर बहादुर थापाले बताउनुभयो ।
कोरोना भाईरसको चपेटामा परेका उदयपुरका करिब १०२८ घर परिवारमा राहत तथा पौष्टिक आहाराका लागि आवश्यक सर्वोत्तम पिठो बनाउने सामाग्री वितण गरिएको हुरेण्डेक, उदयपुरको अध्यक्ष शंकर बहादुर थापाले बताउनुभयो ।
कार्यक्रममा राहत प्याकेजहरुमा (चामल (मन्सुली) ३० केजि, दाल ३ केजि, चिनी २ केजि, तेल २ लिटर, सावुन (१०० ग्राम) ४ वटा र नुन (आयोडिन) २ केजितथा सर्वोत्तमपिठो बनाउने सामग्रीमा (चामल (मन्सुली) १५ केजि, दाल ५ केजि, चिनी १ केजि, तेल (सुर्यमुखि) १ लिटर, नुन (आयोडिन) १ केजि, गहँुको पिठो (५केजिका)े १ प्याकेटर अण्डा (३०) १ क्यारेटको दरले सामग्री वितरण गरिएको अध्यक्ष थापाले बताउनुभयो ।
जिल्लाको २ नगरपालिका र ४ गाउँपालिकामा रहेको प्रभावित तथा ,एकल महिला, अपांङ्गता, अति विपन्न, गर्भवती तथा सुत्केरी घरपरिवार लाई सामाग्री वितरण गरिएको हो । त्रियुगा नगरपालिकाको पहाडी भुभाग १५ नं वडा खाँबु र कटारीको नगरमा ८ नं वडा थलियाटार र ९ नं वडा लिम्पाटरमा राहत वितरण गरिएको छ भने अन्य गाउँपालिकाहरुमा भने थुप्रै वडाहरुमा राहत वितरण गरिएको छ ।
राहत रौतामाईमा सबै भन्दा बढी वडा नं १ बाहेकको सबै ७ ओटा वडाहरु र लिम्चुङबुङमा सबै भन्दा कम एउटा मात्र वडा ५ नं वडामा मात्रै राहत वितरण गरिएको छ । यता ताप्लीको ४ ओटा वडा १, २, ३, ५ र उदयपुरगढीमा २ ओटा वडा १ र २ मा राहत वितरण गरिएको छ । २७४६ परिवारलाई राहत र १०२८ परिवारलाई सर्वोत्तम पिठोका सामाग्री गरी जम्मा ३७ सय ७४ परिवारलाई संस्थाले राहत प्याकेज वितरण गरेको हो ।