पूर्णपुष्टि, माघ १३
उदयपुरमा ४३० लिटर तेल चोरी गरी बेच्ने २ जना र तेल किन्ने १ जना गरी ३ जनालाई जिल्ला प्रहरी कार्यालय उदयपुरले पक्राउ गरेको छ ।
उदयपुर सिमेन्ट उद्योगका लोडर अप्रेटर सिराहा जिल्ला गोलबजार नगरपालिका ४ का ५७ बर्षे इन्द्र भटुट र उद्योगकै सवारी चालक त्रियुगा नगरपालिका ६ का ५१ बर्षिय मोहन राई र तेल किन्ने त्रियुगा नगरपालिका ८ का ५२ बर्षिय प्रविन चौधरीलाई मंगलबार प्रहरीले पक्राउ गरेको हो ।
तेल चोरी गरी बेचेको भन्ने बिषेश सूचनाको आधारमा जिल्ला प्रहरी कार्यालयको बिषेश टोलीले किन्ने बेच्ने दुबै पक्षका व्यक्तिहरुलाई पक्राउ गरीएको जिल्ला प्रहरी कार्यालय उदयपुरका डिएसपी बेद प्रसाद गौतमले जानकारी दिनुभयो ।
लोडर, ट्रक र ड्रममा राखिएको तेल चोरी गरी बेचेको आरोपमा अप्रेटर सहित तिनै जनालाई पक्राउ गरी थप अनुसन्धानको प्रक्रिया अगाडी बढाईएको डिएसपी गौतमले बताउनुभयो ।