पूर्णपुष्टि, माघ २५
त्रियुगा नगरपालिका १३ नं वडाको आधारभूत स्वास्थ्य केन्द्र भवन मंगलबार उद्घाटन भएको छ । भवनको उद्घाटन त्रियुगा नगरपालिकाका मेयर बलदेव चौधरीले गर्नुभयो । भवन उद्घाटन गरे सँगै वाडामा आजै बाट ल्याव सहितको स्वास्थ्य सेवा सुरु भएको वडा अध्यक्ष पशुपती चौधरीले बताउनुभयो । चौधरीले हाल वडामा रहेको स्वास्थ्य शाखाले अब बाट आफ्नै भवन बाट सेवा सुरु गर्ने बताउनुभयो । नगर प्रमुख वलदेव चौधरीले स्वास्थ्य सेवा मानव जिवनको अत्यावश्यक क्षेत्र रहेको बताउनुभयो ।
उहाँले यस स्वास्थ्य केन्द्रले १३ नं वडाका जनताहरुलाई स्वास्थ्य रहन ठुलो मदत गर्ने जनाउनुभयो । चौधरीले मान्छे पहिले स्वास्थ्य हुन जरुरी रहेको र स्वास्थ्य रहे संसार रहने स्वास्थ्य नरहे केही नरहने भन्दै यस भवनबाट जनतालाई सेवा सुविधा लिएर स्वास्थ्य बन्न समेत अनुरोध गर्नुभयो ।
यस्तै वडा अध्यक्ष चौधरीले पनि वडामै स्वास्थ्य भवन आएपछि ल्याव सहितको सेवाले याहाँका जनताहरुलाई थप सेवा मिलेको बताउनुभयो । भवन उद्घाटन कार्यक्रममा पार्टीका प्रतिनिधि, टोल विकास संस्था तथा बुद्धिजिवीहरुले आफ्नो मन्तव्य राख्दै १३ नं वडा हरेक क्षेत्रले अगाडी बढेको बताए ।
उनिहरुले यस क्षेत्रमा विकास चाङहरु थपिँदै गएको र अन्य दिनमा अझै बढी थपिने बताए । स्वास्थ्य केन्द्र भवनलाई त्रियुगा नगरपालिकाले ल्याव लगायतका आवश्यकीय सामाग्रीहरु समेत उपलब्ध गराएको छ । उद्घाटट सँगै नगर प्रमुख चौधरीले १३ नं वडाका स्वास्थ्य शाखा प्रमुख युग प्रभा चौधरीलाई स्वास्थ्य सामाग्री ल्याव सहित बिभिन्न सामाग्रीहरु समेत हस्तान्तरण गर्नुभएको छ ।
