पूर्णपुष्टि, बैशाख १९
त्रियुगा नगरपालिका २ नं का वडाअध्यक्ष उम्मेदवार राम श्रेष्ठ चौधरीले वडाको नेतृत्व पाएको खण्डमा आफ्नो सेवा सुविधा जनताको निम्ति प्रयोग गर्ने जनाएको छ । चौधरीले वडावाट प्राप्त सरकारी सेवा सुविधा बाट जनतालाई आवश्यकीय बस्तुहरु उपलब्ध गराउने जनाए । म जनताहरुको काम गर्न र वडाको विकास गर्नका लागि उम्मेदवारी बनेको हुँ, यदी मैले वडाको नेतृत्व पाएमा आफ्नो सेवा सुविधा बापतको रकमले “सहिद स्मृति फाउण्डेसन त्रिनपा २” स्थापना गर्ने छु,” “उनले भने, चौधरीले वडाको सेवा सुविधालाई सदुपयोग गर्दै वडावासीहरुको निम्ति एम्वुलेन्स समेत खरिद गर्ने जनाए ।
चौधरीले लोकतन्त्र र गणतन्त्र ल्याउन क्रममा आफ्नो अमूल्य जिवन आहुती गर्ने वडाका बिर सहिदहरुलाई स्मरण र उनिहरुको योगदानको निम्ति सम्मान गर्ने हिसावले उक्त कोष स्थापना गरी सहिद परिवारलाई सम्मान सहयोग गर्ने प्रतिबद्धता घोषणा पत्रमै उल्लेख गरेको छ । आशन्न स्थानीय चुनाव नजिकिदै गर्दा चौधरीले आफ्नो वडामा चुनावी प्रसारलाई समेत व्याप्त बनाएको छ । उनले वडाका सम्पूर्ण जनताहरुलाई आफ्नो घोषणा पत्रको बुद्धाहरु प्रस्टाउँदै चुनावी प्रचारमा जुटेको हो ।
उनले आफ्नो उम्मेदवारीको कारण सुख, शान्ती र समृद्ध वडाको विकास, विपद्को व्यवस्थापन, जनताहरुलाई सुरक्षाको अनुभूती भ्रष्टचार अन्त्य जस्ता महत्वपूर्ण काम र योजनाहरुका लागि रहेको जनाए । बिषेशगरी वडावासीहरुलाई सँधै सताउने त्रियुगा नदी र ल्वाले खोलाको नियन्त्रण गरी जनताहरुको सुरक्षा गर्ने आफ्नो मुख्य एजेण्डा रहेको जनाए । अध्यक्ष उम्मेदवारी चौधरी सँगै खुल्ला वडा सदस्य केशव अधिकारी,जगत वहादुर सार्की र महिला तर्फको सदस्य घमिता लुईटेल सँगै दलित महिला सदस्य कुशुम विक लगायत चुनावी प्रचारमा ब्यापक लागि परेको छ ।
