पूर्णपुष्टि सम्बाददाता १९ जेठ, २०८३ ।
उदयपुर विभिन्न राजनीतिक दल परित्याग गरी श्रम संस्कृति पार्टीमा प्रवेश गरेका नयाँ सदस्यहरूलाई पार्टीका बरिष्ठ नेता सुदन किराँतीले आज सदस्यता वितरण गर्नुभएको छ।
त्रियुगा नगर कमिटीद्वारा आयोजित कार्यक्रममा विभिन्न राजनीतिक दल परित्याग गरि श्रम संस्कृती पार्टीमा प्रवेश गरेकाहरुलाई सदस्यता वितरण गर्नुभएको हो । पार्टीले दिएको जानकारी अनुसार उदयपुरको गाईघाटमा आयोजित एक कार्यक्रममा एकसय जनाको हाराहारीमा सदस्यता वितरण भएको हो । पार्टीको श्रम अभियान, सांस्कृतिक तथा सामाजिक न्यायसम्बन्धी नीति र कार्यक्रमलाई जनस्तरसम्म पुर्याउने उद्देश्यले नयाँ सदस्यहरूलाई पार्टीमा आबद्ध गराइएको बताइएको छ । त्रियुगा नगर कमिटीको आयोजनामा सम्पन्न कार्यक्रममा प्रमुख अतिथि बरिष्ठ नेता किराँतीले प्रवेशी सदस्यहरूलाई सदस्यता प्रदान गर्दै श्रम अभियानमा सक्रिय रूपमा जोडिन आग्रह गर्नुभयो। उहाँले पार्टी सांस्कृतिक र सामाजिक न्यायको पक्षमा दृढतापूर्वक उभिने बताउँदै पार्टीका नीति तथा कार्यक्रम जनतामाझ पुर्याउन सबैलाई आह्वान गर्नुभयो। अधिकांश नेपाल कम्युनिस्ट पार्टी र नेपाल कम्युनिस्ट पार्टी एमाले परित्याग गरी पार्टीमा प्रवेश गरेका हुन् ।
कार्यक्रममा बोल्दै पार्टीका केन्द्रीय सदस्य राजेश खिम्दुङले नयाँ भनिएका दल र पुराना राजनीतिक दलहरूबीच श्रम संस्कृति पार्टी फरक पहिचान र दृष्टिकोणसहित अघि बढ्ने बताउनुभयो । कार्यक्रममा विभिन्न तहका अगुवा तथा श्रमदाताहरुको सहभागिता थियो ।