पूर्णपुष्टि / भदौ ८, उदयपुर
गाईघाट । कायाकल्प उदयपुरले हिन्दू नारीहरूको महान् पर्व हरितालिका तीजको अवसर पारेर निर्माण गरिएको गीत ‘तीज आयो बरी लै’ को म्युजिक भिडियोको छायांकन सम्पन्न भएको छ ।
कृष्ण कल्प दुलालको छायांकनमा तयार भएको भिडियोमा एमजे मिथुनको कोरियोग्राफी र विरसबाबु शाहीको निर्देशन रहेको भिडियोको परिकल्पना टिकटक स्टार गोपाल कृतिले गरेका छन् ।
तीज पर्वको सांस्कृतिक मौलिकता, महिला दिदीबहिनीको उत्साह तथा मनोरञ्जनलाई केन्द्रमा राखेर भिडियो निर्माण गरिएको निर्माण पक्षको भनाइ छ । भिडियोले तीजको सांस्कृतिक पक्षसँगै स्थानीय कला र कलाकारलाई समेत प्रवद्र्धन गर्ने अपेक्षा गरिएको छ ।
सुनिता रेग्मी राई,दीपा खडका,सबु थापा,नमू न्यौपाने लगायताका तीन दर्जनभन्दा बढी कलाकार उदयपुर जुम्बा टोलीको सहभागितामा उदयपुर सदरमुकाम गाईघाटमा भिडियोको छायांकन गरिएको हो । गीतको कथावस्तु टिकटक स्टार गोपाल कृति, कोशी प्रदेशकी उपसभामुख सिर्जना दनुवार, त्रियुगा नगरपालिकाकी उपप्रमुख महेश्वरी राई तथा समाजसेवी भागवत राउतलगायतको विशेष उपस्थिति रहेको निर्माण पक्षले जनाएको छ ।
म्युजिक भिडियो छिट्टै सार्वजनिक गर्ने तयारी गरिएको निर्माण पक्षले जनाएको छ ।