समाचार

पूर्णपुष्टि/उदयपुर, असार १३ गते पहाडी जिल्लाहरु ओखलढुङ्गा, सोलु र खोटाङलाई जोड्ने सिद्धिचरण राजमार्ग अन्तर्गत कटारी–घुर्मी सडकखण्ड एक महिनादेखि बन्द रहेकोमा सुचारु हुन अझ दुईदिन लाग्ने भएको छ । सो सडकखण्डको ठाटी भन्ने ठाउँमा पहिरोले सडक एक महिनाअघि भत्काएसंगै यातायात सेवा बन्द भएको थियो । भत्किएको सडक मर्मतका लागि सडक भिडिजन कार्यालय लहानलाई एक महिनाको समय प्रदान गरेको थियो । कटारी नगरपालिकाले यातायात व्यवसायी, उद्योग वाणिज्य संघ, स्थानीय प्रशासन, प्रहरी लगायतका सरोकारवालाहरुसंग समन्वय गरी सडकलाई मर्मतका लागिग एकमहिने अवधी प्रदान गरेको थियो । सडक मर्मत कार्यका लागि दिइएको एक महिने समय आज पुरा भएपनि मर्मतका लागि अझ काम बाँकी रहेकाले दुईदिन पछि मात्र सञ्चालनमा ल्याउने कटारी नगरपालिकाले निर्णय गरेको छ । सडक डिभिजन कार्यालय लहानबाट साईडमा खटिएका इन्जिनियर चित्र रञ्जनका अनुसार करिब ...

पूर्णपुष्टि/उदयपुर, असार १० गते । सञ्चारिका समुहले खोज पत्रकारिताका लागि दक्ष पत्रकार जन्माउने उद्देश्यले सञ्चालन गरेको खोज पत्रकारिता तालिमका सहभागिहरुलाई गाईघाटमा आजदेखि  पुनर्ताजगी तालिम सञ्चालन गरेको छ । गत बैसाखमा सिन्धुलीमा सञ्चालित तीन दिने “लैंगिक हिंसा न्यूनिकरणका लागि खोज पत्रकारिता तालिम” का सहभागिहरुका लागि उदयपुरको गाईघाटमा दुईदिने पुनर्ताजगी तालिम सञ्चालन भएको हो । संयुक्त राष्ट्र संघीय जनसंख्या कोष (यूएनएफपीए) र स्वीस सरकार विकास सहयोग (एसडिसी) को सहयोगमा आयोजित तालिममा उदयपुर, सिन्धुली, ओखलढुङ्गाका पत्रकार सहभागि छन् । तालिमको उद्घाटन गर्दै प्रमूख जिल्ला अधिकारी विष्णुकुमार कार्कीले तालिमबाट पत्रकारलाई कुनै पनि समस्या पत्ता लगाउने मात्र नभई तथ्यसहितको समाधानसमेत खोज्न सक्ने क्षमतावान बनाउने अपेक्षा राख्दै तथ्यपरक समाचारमा कारवाही बढाउन सजिलो हुने बताउनुभयो । पत्रका...

पूर्णपुष्टि/उदयपुर, असार ९ गते । परीक्षा नियन्त्रण कार्यालय सानोठिमी भक्तपुरले गत चैतमा लिएको माध्यममिक शिक्षा परीक्षा (एसईई) को नजिता सनिबार सार्बजनिक भएको छ । एसईईको नतिजा ग्रेडिङ प्रणालीअनुसार सार्बजनिक भएको जनाइएको छ । नतिजा थाहा पाउने विभिन्न तरिका र सुविधा दिइउको छ । नजिता थाहा पाउने तरिकानतिजा थाहा पाउन, शिक्षा मञ्त्रालयको वेवसाईट mow.gov.np, शिक्षा विभाग सानोठिमी भक्तपुरको doe.gov.np र परीक्षा नियन्त्रण कार्यालय सानोठिमी भुक्तपुरको nev.gov.np मा हेर्न सकिन्छ । त्यसैगरी नेपाल टेलिकमको वेवसाईड see.ntvnpt.np मा पनि हेर्न सकिन्छ । त्यसैगरी टेलिकमले १६०० मा डायल गरी सुन्न सकिन्छ ।...

पूर्णपुष्टि/उदयपुर, जेठ २५ गते -पछिल्लो ६ महिनामा उदयपुरमा बम विष्फोटदेखि बलात्कारसम्मको करिब तीन दर्जन घटनाह घटेको एक तथ्यांकले देखाएको छ । अनौपचारिक क्षेत्र सेवा केन्द्र (इन्सेक) उदयपुरले शुक्रबार नेपाल मानव अधिकार बर्ष पुस्तक २०१९ मा समेटिने घटनाहरुको पूर्व समीक्षा कार्यक्रममा यस्तो तथ्यांक देखाएको हो । मानव अधिकार उल्ल्ङघन तथा ज्यादतीका घटनाहरु ३० वटा घटनाहरु घटेको तथ्यांकले देखाएको छ । घटनाहरुमध्ये वम विस्फोटबाट बालक घाईते १, घरेलु हिंसा ९, महिला बलात्कार तथा बलात्कारका प्रयास ९, बालिकामाथि बलात्कार र बलात्कार प्रयास ५, अपहरणपछि बालिका बलात्कार १, वहुविवाह २, कर्मचारीमाथि दुव्र्यवहार २ र जनप्रतिनिधिमाथि दुव्र्यवहार १ वटा रहेको जनाइएको छ । यसैविच राष्ट्रिय मानव अधिकार आयोग क्षेत्रीय कार्यालय जनकपुरले शुक्रबार नै जिल्लाको मानव अधिकारको अबस्था बारे विश्लेषण कार्यक्रम गरेको छ ...

पूर्णपुष्टि/उदयपुर, जेठ २४ गते  -दक्षिण कोरियाली राजदुत पार्क योङ सिकले देश लोडसेटिङ मुक्त भएपछि मात्र व्यवसायहरु सफल हुने र देश समृद्ध हुने बताउनु भएको छ । नेपाल घरेलु तथा साना उद्योग महासंघको नवौं जिल्ला साधारण सभा तथा जिल्ला महिला उद्यमी भेलाको विहिबार गाईघाटमा उद््घाटन गर्दै राजदुत सिकले दुई/तीन वर्षपछि नेपाल लोडसेटिङ मुक्त हुनसक्ने सम्भावना देखेको र कृषि, वन, पर्यटन जस्ता समृद्धिसंग जोडिएका क्षेत्रको पनि विकास सम्भव देखेको बताउनुभयो । उदयपुरमा महिला उद्यमीहरुको संख्या उल्लेख्य देखेर सहयोगका लागि उत्साहित बनेका राजदुत सिकले लघु उद्यमको प्रचुर सम्भावना रहेको बताउनुभयो । भविष्यमा लघु तथा घरेलु उद्योग क्षेत्रको सम्भावना उदयपुर मात्र नभई सिंगो देशमै राम्रो रहेको उहाँले बताउनुभयो । जसले जिल्ला मात्र नभई सिंगो देशको समृद्धिमा टेवा पुग्ने बताउनुभयो । ४० हजार बढि युवाहरु कोरियामा ...

पूर्णपुष्टि/उदयपुर, जेठ २३ गते -दक्षिण कोरियाली राजदुत पार्क योङ सिकको विशेष उपस्थितिमा नेपाल घरेलु तथा साना उद्योग महासंघको नवौं जिल्ला साधारण सभा तथा जिल्ला महिला उद्यमी भेला कार्यक्रम विशिबार गाईघाटमा हुने भएको छ । महासंघको २९ औं स्थापना दिवसको अवसरमा आयोजित कार्यक्रमलाई प्रतिनिधिसभा सांसद नारायण खड्का र राजदुत सिकले विशेष संबोधन गर्ने कार्यक्रम रहेको आयोजकले जनाएको छ । महासंघका केन्द्रिय अध्यक्ष श्यामप्रसाद गिरीसमेतको उपस्थिति रहने कार्यक्रम संगै विविध घरेलु तथा लघु उद्यमीहरुको उत्पादनहरुको प्रदर्शनीसमेत रहने महासंघ उदयपुरका अध्यक्ष मधुकर थापाले बताए । समृद्धिको सन्देश लिएर मंगलबारनै उदयपुर टेकेका राजदुत सिक बुधबार गाईघाटमा विविध कार्यक्रममा व्यस्त रहे । नगरपालिकाको आयोजनामा होटल वल्र्डदरवार बोक्सेमा उदयपुरको समग्र विकासका लागि अन्तरक्रिया तथा भेटघाट कार्यक्रम भयो । राजदुत सिक...

भोटराज राई/उदयपुर, जेठ २३ गते -यतिबेला पूर्वमा जल यातायात लोकप्रीय बन्दै गएको छ । उदयपुरको बेलका नगरपालिका र सुनसरीको बराहा नगरपालिकाको बीचमा रहेको सप्तकोशी पुलबाट भोजपुरको हलेदे र धनकुटाको सिम्लेसम्मको जल यातायात लोकप्रीय बन्दै गएको हो । त्यहाँ दुईओटा जेटबोटबाट यात्रु तथा पर्यटकहरुलाई जलयात्रा गराईराखिएको र आवत जावतका लागि यात्रुको कमी नरहेको जेटबोटका क्याप्टेन बृक्षसिंह दनुवारले बताउनुभयो । नेपालकै पहिलो जेटबोट क्याप्टेन दनुवारका अनुसार पर्यटक तथा यात्रुहरुले जलयात्रा मनपराईदिएकाले जल यातायातको सम्भावना राम्रो देखिएको छ । सप्तकोशीको वहावसंगै करिब १५ किलोमिटरको दुरीमा रहेको सो ठाउँमा जल यातायात नहुदा विकटताका कारण हिडेर ७ घण्टासम्म लाग्ने गरेकामा जेटबोटबाट १५ मिनेटमै दुरी पार गर्ने गरेका छन् । भोजपुर, धनकुटा र उदयपुरकै माथिल्लो भेगका बासिन्दाहरुलाई मधेस र पहाड आवत जावतमा बरदान झै सा...