समाचार

सुनसरी, असोज १२ गते । सुनसरीको बर्जुबाट हतियार र लागु औषधसहित दुई जना पक्राउ परेका छन् । बर्जु गाउँपालिका–३ अमडुवाबाट पेस्तोल र लागुऔषध सहित करणकुमार चौधरी र प्रकाश चौधरीलाई प्रहरीले पक्राउ गरेका हुन् । बिशेष सूचनाको आधारमा १ नं प्रदेश प्रहरी कार्यालय विराटनगरको अनुसन्धान टोली तथा ईलाका प्रहरी कार्यालय दुहवीबाट खटिएको प्रहरी टोलीले सुन्दरहरैचा नपा–५ मगर टोल निबासी २७ वर्षीय करणकुमार र २१ वर्षीय  प्रकाशलाई बिहान ७ बजे प्रहरीले पक्राउ गरेका प्रहरीले जनाएको छ । पक्राउ परेकाहरुको साथबाट मेडीईन यूएस्ए ७.६३ लेखिएको पेस्तोल १ थान, त्यसमा प्रयोग हुने म्याग्जिन २ थान, गोली ३ थान र फेनारगन ३५ एम्पुल, लुपिजेसिक ३५ एम्पुल, एभिल ३५ एम्पुल, डाईजोल्याव ३५ एम्पुल र सिरिन्ज १ थान बरामद गरेको प्रहरीले जनाएको छ । पक्राउ परेकाहरुलाई थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।...

मोरङ, असोज १२ गते । मोरङको सुन्दरहरैचा टिपरको ठक्करबाट एक बालकको मृत्यु भएको छ । सुन्दरहरेचा नगरपालिका–६ मा टिपरको ठक्करबाट ९ वर्षीय लुकास थपलियाको घटना स्थलमै मृत्यु भएको हो । उत्तरबाट दक्षिण तर्फ जाँदै गरेको को १ ख ६२७३ नम्बरको टिपरले दिउँसो पौने ३ बजे बालकलाई ठक्कर दिएको प्रहरीले जनाएको छ । प्रहरीले टिपर र टिपर चालकलाई नियन्त्रणमा लिई थप अनुसन्धान भईरहेको प्रहरीले जनाएको छ ।...

ईलाम, असोज १२ गते । ईलामको सुनमाईमा पानीको दहमा डुबेर एक जनाको मृत्यु भएको छ । सुनमार्ई नगरपालिका–१२ मलिम निबासी ५६ बर्षीय दिलमाया राईको मृत्यु भएको हो । घर नजिकै रहेको पानीको दहमा डुबेर मृत अबस्थामा बिहान ८ बजे स्थानीयले फेला पारेको थियो । घटनाको जानकारी पाउनासाथ प्रहरी घटनास्थल पुगी घटनाको थप अनुसन्धान भईरहेको प्रहरीले जनाएको छ ।...

सुनसरी, असोज १२ गते । सुनसरीको रामधुनीमा नालिमा डुबेर एक जनाको मृत्यु भएको छ । रामधुनी नगरपालिका–५ भमरी चोक निबासी ४७ बर्षीय गोपाल गौतमको मृत्यु भएको हो । बिहान ७ बजे नालीमा डुबेर मृत अवस्थामा स्थानीयले फेला पारेपछ प्रहरीलाई खबर गरेको थियो । घटनाको जानकारी पाउनासाथ प्रहरी घटना स्थलप पुगी शव परिक्षणको लागी जिल्ला अस्पताल ईनरुवा पठाईएको प्रहरीले जनाएको छ । घटनाको थप अनुसन्धान भईरहेको प्रहरीले जनाएको छ ।...

मोरङ, असोज १२ गते । मोरङको बिराटनगरबाट लागु औषधसहित दुई जना पक्राउ परेका छन् । विराटनगर–१३ झमेली चोकबाट पूर्णबहादुर तामाङ्ग र सुवास राईलाई प्रहरीले पक्राउ गरेका हुन् । गतराती ११ बजे पैदल हिडिरहेका धरान उप–महानगरपालिका–८ निबासी ४६ वर्षीय तामाङ्ग र धरान उप–मनपा–११ निबासी राईको साथबाट डाईजोल्याप एम्पुल एक सय १० थान, लुपिजेसिक एम्पुल एक सय १० थान र एभिल एम्पुल एक सय १० थान बरामद गरेको प्रहरीले जनाएको छ । लागुऔषधसहित पक्राउ परेका दुवै जनालाई थप अनुसन्धान भईरहेको प्रहरीले जनाएको छ ।...

राजेन्द्र दुष्ट बेल्टार/असोज १२ गते । अहिलेसम्म तीनै तहका सरकारले नल्याएको निति तथा कार्यक्रम चौदण्डीगढी नगरपालिकाको ६ नम्बर वडाले ल्याएको छ । ईतिहासमै पहिलो पटक वडाले शिक्षा, स्वास्थ्य र पूर्वाधार विकासको योजनाहरु ल्याएको वडाध्यक्ष कमलध्वज राईले दावी गरेको हो । सर्वसाधारण गरिव निमुखा जनताका छोरा/छोरी पढ्ने थलोको रुपमा रहेको  सरकारी विद्यालयमा सरकारले कक्षा १ देखि १० कक्षासम्मैका विद्यार्थीलाई पाठ्यपुस्तक निशुल्क उपलब्ध गराउँदै आएको छ । पुस्तकको अलावा पठनपाठनमा आवश्यक पर्ने कलम, कपि पनि विद्यार्थीले निशुल्क पाउने भएको हो । वडाले निशुल्क दिन लागेको कलप, कपि आवश्यक परेको बेला तुरुन्तै उपलव्ध हुने गरि योजना ल्याईएकोे वडाध्यक्ष राईले बताए । नेपालमै पहिलो पटक र देशमै अहिले सम्मकै उत्कृष्ठ योजना ल्याएको वडाध्यक्ष राईले बताए । अहिलेसम्म कुनै स्थानीय तह, प्रदेश र संघले ल्याउन नसकेको का...

उदयपुर, असोज १२ गते । शिक्षकहरुले चार महिनाको पुरा तलवसँगै दशैँ पेश्कि नपाएपछि त्रियुगा नगरपालिकामा ध्यानाकर्षण पत्र बुझाएको छ । त्रियुगा नगरपालिका भित्रका सामुदायीक विद्यालयमा कार्यरत शिक्षकहरुले दुई महिनाको तलब र दशैँ पेश्की मात्रै पाएपछि नगरपालिकामा आईतबार ध्यानाकर्षण पत्र बुझाएको हो । नेपाल शिक्षक संघ त्रियुगा नगर कार्यसमिति, नेपाल राष्ट्रय शिक्षक संगठन त्रियुगा नगर कार्यसमिति र एअ नेपाल शिक्षक संगठन त्रियुगा नगर कार्यसमितिले संयुक्त रुपमा नगरका उपमेयर देवी कुरमारी चौधरी र प्रमुख प्रशासकिय अधिकृत लक्ष्मण विक्रम थापालाई ध्यानाकर्षण पत्रसँगै प्रेस विज्ञप्ति समेत बुझाएको थियो । नगरपालिकाले यस विषयलाई गम्भिर रुपमा लिएकाले कुनै श्रोत भए तत्काल उपलब्ध गराउने व्यावस्था मिलाउने नगरपालिकाका उपमेयर चौधरीले बताईन् । पहिला दिने चौमासिक तलब अहिले त्रैमासिक भएर आएकाले केन्द्रिय सरकारले नै द...

असोज १२ गते ।  जलमार्गको लागि भारतले नेपाल–भारत वाणिज्य (व्यापार) सन्धि पुनरावलोकन समितिको वैठकमा एलओईमा सहमत भएको छ । भारतीय पक्षले गंगा जलमार्गमा नेपाली पानी जहाज चलाउने सम्बन्धी लेटर आफ एक्सचेन्जमा (एलओई)मा पनि सहमति जनाएको स्रोतले जनाएको छ । बैठकमा पारवहन व्यापारका सम्बन्धमा पनि छलफल भएको थियो । एलओईको मस्यौदा नेपालले यसअघि नै भारतलाई बुझाएको थियो । एलओईमा भारतले सहमति जनाएपछि नेपालले जलमार्ग प्रयोगको बाटो खुलेको छ । यो समाचार आजको कान्तिपुर दैनिकमा छपिएको छ ।...

ईलाम, असोज ११ गते । ईलामको छाँगा खोलामा मोटरसाईकल दुर्घटना हुदा एक जना असईको मृत्यु भएको छ भने एक जना जवान घाईते भएको छ । ईलाम नगरपालिका–५ छाँगा खोलामा दुर्घटना हुदा नेपाल प्रहरीका प्रहरी सहायक निरिक्षक रवि मगरको मृत्यु भएको हो । ईनपा–२ सुम्बेकमा  झगडा भएको खबर आएपछि त्यस तर्फ जाने क्रममा अविरल वर्षा र कच्चि सडकमा चिप्लोको कारण को १ ब २२८८ नम्बरको मोटरसाईकल एक्कासी मोटरसाईकल दुर्घटना हुदा सनुसरीको ईटहरी–१ घर भएका ४७ वर्षीय असई मगर मृत्यु भएको प्रहरीले जनाएको छ । सिराहाको पिडरवनी–१ निबासी जवान रामसेवक मोची घाईते भएको प्रहरीले जनाएको छ । मोटरसाईकल सडकदेखि करिब ६० मिटर तल खसेर दुर्घना भएको थियो । घटनाको जानकारी पाउनासाथ जिल्ला प्रहरी कार्यालय ईलामबाट उद्दारका लागि तत्काल प्रहरी टोली घटना स्थल पुगी उद्दार गरी जिल्ला अस्पताल ईलाम ल्याएपनि डाक्टरले असाई मगरलाई मृत घोषणा गरेको थियो । घाई...