समाचार

पूर्णपुष्टि/उदयपुर, बैसाख २४ गते -जेडआईइसी लामा एण्ड शर्मा जे.भि.ले राष्ट्रिय गौरबको आयोजनाको नाममा उदयपुरको सदरमुकाम गाईघाट स्थित बरुवा खोलामा लापरवाहीपूर्ण ढंगले उत्खनन् गरेको छ । पूर्व पश्चिम बैकल्पिक राजमार्गको बसाहादेखि सिन्धुलीको विमानसम्मको खण्डमा निर्माण ठेक्का पाएको उसले सदरमुकाम गाईघाटको बरुवाखोलाबाट लापरवाहीपूर्ण ढंगले गिटिबालुवा उत्खनन् गरेको हो । बरुवा पुल छेउभन्दा करिब दुई सय मिटरको दुरीबाट अस्वभाविकरुपमा खाल्डो पारी बालुवा निकबासी गर्दै आएको छ । यसरी निकालेको बालुवा आउदो असार, साउन महिनाका लागि भन्दै त्रियुगा नगरपालिका १३ भाँतीखर्कमा जम्मा गरिरहेका छन् । प्रारम्भिक वातावरणीय परिक्षणले बरुवा पुलबाट पाँचसय मिटर टाढा र आधा मिटर गहिराई भन्दा बढि उत्खनन् नगर्न भनेपनि सो को उलंघन गर्दै पाँच मिटरसम्म गहिराई खनिएको छ ।  जिल्ला समन्वय समितिले सो ठाउँबाट ११ हजार घनमिटर गिटि, ...

पूर्णपुष्टि/उदयपुर, बैसाख २४ गते –उदयपुरका अग्रजका साथै पत्रकार महासंघ शाखा उदयपुरको संस्थापक अध्यक्ष कौशल चेम्जोङले बरिष्ठ पत्रकारको सम्मान पाएका छन् । प्रेस स्वतन्त्रता सेनानीको उपाधीले समेत सम्मानीत भईसकेका पत्रकार चेम्जोङलाई आज एक विशेष समारोहकाबीच सिंहदरबार स्थित सञ्चार मञ्त्रालयमा राष्ट्रपति विद्यादेवी भण्डारीले बरिष्ठ पत्रकारको सम्मान प्रदान गर्नुभएको हो । पत्रकार महासंघका पूर्व केन्द्रिय उपाध्यक्षसमेत रहेका चेम्जोङको नेपाली पत्रकारिताप्रतिको योगदान र लगावको उच्च कदर गर्दै राज्यले दुुई लाख नगद पुरस्कारसहित सो सम्मान गरेको हो । उहाँसंगै बरिष्ठ पत्रकारबाट सम्मानीत हुनेहरुमा बबिता बस्नेत र नीमबहादुर बुढाथोकी छन् । चेम्जोङ लगायत तीनजना बरिष्ठ पत्रकारबाट सम्मानीत हुदैगर्दा यसवर्षको राष्ट्रिय पत्रकारिता पुरस्कारबाट डा. महेन्द्र विष्ट र डा. राजेश अहिराज पुरस्कृत भएका छन् । उहाँहर...

पूर्णपुष्टि/उदयपुर, बैसाख २० गते -सत्ता र शक्तिको दुरुपयोग गर्ने जो कोहीलाई नछाड्ने चेतावनी पत्रकारहरुले दिएका छन् । विश्व प्रेस स्वतन्त्रता दिवसको अवसरमा बिहिबार प्रभातफेरी गरेका जिल्लाका पत्रकारहरुले जनप्रतिनिधिहरुलाई लक्षीत गर्दै यस्तो चेतावनी दिएका हुन् । जनप्रतिनिधिहरु जनताको हितमा काम भन्दा पनि आफु अनुकुलको काम, गतिविधिमा लिप्त हुदै गएको गुनासाहरु आइरहेको भन्दै पत्रकारहरुले त्यसप्रति सचेत रहन सुझाए । जनताको काम गर्ने भनेर सत्ता र शक्तिमा गएकाहरुले जनतालाई अलिकति पनि धोका दिननहुनेमा जोड दिए । सत्ता र शक्तिको दुरुपयोग गर्नेहरुलाई जनताकै सामु नंग्याउने उद्घोष उनीहरुले गरेका छन् । गाईघाटको पिपलचौकबाट सुरु भएको र्यालीले बजार परिक्रमा गरी सोही ठाउँमा आएर कोणसभा भएको थियो । प्रेस स्वतन्त्रता सेनानी, पत्रकार महासंघ शाखा उदयपुरका पूर्व अध्यक्षहरुसमेतको सहभागिता रहेको कार्यक्रमलाई...