समाचार

पूर्णपुष्टि/उदयपुर, फागुन १५ गते -त्रियुगा उद्योग वाणिज्य संघले गाईघाटमा आयोजना गरेको पहिलो प्रदेश महोत्सव त्रियुगा –२०७४ विवादितको कारण मुख्यमन्त्री शेरधन राई प्रमुख अतिथिकको रुपमा नआउने भएका छन् । परिक्षाको मुखमा महोत्सव राखेको, बर्षैपिच्छे महोत्सव लगाएपनि एउटा उपलब्धी देखाउन नसकेको, संस्थाभित्र आर्थिक घोटला रहेको र संस्थै नविकरण नरहेको लगायतका कुराहरु सञ्चारमाध्यमहरुमा आएपछि कार्यव्यस्तताको कारण देखाउदै मुख्यमन्त्री राई नआउने भएका हुन् । “मुख्यमन्त्री ज्यूको कार्य व्यस्तताको कारण आउन नसक्ने अवस्था भो” पत्रकार ध्रुव सुवेदीले भन्नुभयो । फागुन १५ देखि २५ सम्म सञ्चालन हुने महोत्सवमा मुख्यमन्त्री नआउने भएपछि नयाँ प्रमुख अतिथिको खोजीमा आयोजक लागेको छ । संघका उपाध्यक्ष रमेश विकले विहानसम्म मुख्यमन्त्री आउने कुरा थियो, फेरी नआउने भन्ने कुरा आएको बताउनुभयो । मुख्यमन्त्री नआउने भएप...

पूर्णपुष्टि, उदयपुर, फागुन १४ गते । -त्रियुगा उद्योग वाणिज्य संघ, गाईघाटले जहिले पनि विद्यार्थीको परीक्षाको मुखमा महोत्सव गरेर शैक्षिक वातावरण खलल पुर्याउने काम गरेपनि सम्बन्धीत निकायले रोक्न सकेको छैन । यसपटक पनि संघले विद्यार्थीको परीक्षाको मुखैमा महोत्सव राखेर शैक्षिक वातावरण खलल पुर्याउने निश्चित छ तर, सम्बन्धीत निकायहरु शिक्षा कार्यालय, प्रशासनले रोक्ने काम गरेको छैन । बरु उल्टै प्रशासनले सञ्चालनको अनुमति प्रदान गरेको छ । अझ नविकरण नै नभएको सो संस्थालाई महोत्सव गर्ने अनुमति दिएर त्रुटी भएको छ । करोडौंको कारोवार हुने मात्र नभई शान्ति सुरक्षादेखि विविध चुनौती रहने महोत्सव नविकरनै नभएको संस्थालाई सन्चालनको अनुमति दिनाले प्रशासनसमेत आलोचनामा परेको छ । अभिभावक तथा केही व्यापारीहरुले विरोध गरेपनि अन्यवेला विद्यार्थीको हकहितको नारा लगाउने विद्यार्थी संगठनहरु, बालअधिकारका कुरा गर्ने ...

पूर्णपुष्टि/उदयपुर, फागुन १३ गते -राई विद्यार्थीहरुको शिक्षा, हक, अधिकार र सामाजिक तथा राजनैतिक विषयलाईसमेत नजिकबाट अध्ययन गर्ने एकमात्र अगुवा संगठन किराँत राई विद्यार्थी संघको उदयपुर जिल्ला कमिटीको नेतृत्व गर्ने अवसर इशाक राईले पाएका छन् । नेतृत्व पाएसंगै राईले जिल्लाभरीका विद्यार्थीहरुलाई समेट्दै राई विद्यार्थीहरुको शिक्षामा टेवा पुग्ने सिर्जनशिल काम र गतिविधिहरु गर्ने प्रतिबद्धता जनाएका छन् । “किराँत प्रदेश प्राप्तीको लागि हाम्रो अभियान, त्रिभाषिक शिक्षा नीतिको पक्षमा सातौं जिल्ला सम्मेलन” भन्ने मुल नाराका साथ शनिबार सम्पन्न किराँत राई विद्यार्थी संघ उदयपुरको सातौं जिल्ला सम्मेलनले २१ सदस्यीय नयाँ कार्यसमिति चयन गरेको हो । उपाध्यक्षमा देविका राई, सचिव बिपन राई, सहसचिव प्रमिला राई र कोषाध्यक्षमा रोजिना राई रहेका छन् । सदस्यहरुमा निशा राई, हेमराज राई, ज्योती राई, निरुता राई, अम्...

पूर्णपुष्टि/गाईघाट, फागुन १० गते -किराँत राई विद्यार्थी संघ उदयपुरले प्रदेश नं. १ को नामाकरण किराँत प्रदेश हुनुपर्ने माग गरेको छ । फागुन १२ गते हुने किराँत राई विद्यार्थी संघको सातौं जिल्ला अधिवेशनको पूर्व सन्ध्यामा सुक्रबार गाईघाट चौकमा दिपावली गर्दै  विद्यार्थीहरुले किराँत समुदायको सहअस्तित्व र जातीय सद्भाव र सम्मानका लागि यस्तो माग गरेको जनाएको छ । प्रदेश नं. १ को नामाकारणमा राजनीतिक दलहरु अड्किरहेको अवस्थामा किराँत राज्य नामाकरण गरेर ऐतिहासिक योगदानको कदर गर्न जोडदार माग गरेका छन् । संघकी केन्द्रिय अध्यक्ष विर्सिका राईको प्रमुख आतिथ्यमा हुने जिल्ला सम्मेलनको भब्य तयारी रहेको पनि संघका जिल्ला सचिव तथा केन्द्रिय सदस्य देवराज राईले बताउनुभयो ।...

पूर्णपुष्टि/गाईघाट, फागुन १० गते -सामुदायिक प्रहरी सेवा केन्द्र उदयपुरको उपाध्यक्ष अम्बिका थापा सांसद बन्नु भएपछि उहाँलाई सम्मानसँगै बिदाई गरिएको छ । थापालाई बिहीबार सांसद बन्नु भएकोमा सम्मान गर्दै पदबाट विदाई गरिएको हो । सेवा केन्द्रका अध्यक्ष प्रकाशकुमार बस्नेत, जिल्ला प्रहरी कार्यालयका प्रहरी प्रमुख एसपी नवराज भट्ट, कोषाध्यक्ष महेश्वरी राई, स्वतन्त्र पत्रकार सेनानी कौशल चेम्जोङ लगायतले अविर र खादा लगाइ सम्मान गर्दै आगामी दिनमा प्रदेश सरकारसँग आबश्यक समन्वय गरी उदयपुरको सामुदायिक प्रहरीलाई देशकै नमुना बनाउन भुमिका खेलिदिन आग्रह गरे । सांसद थापाले जिल्लाका हरेक गतिबिधीहरुमा सामुदायिक प्रहरीले सकारात्मक ढंगले उपस्थितिजनाई कामहरु गरेको चर्चा गर्नुभयो । उहाँले विशेषगरी लागुऔषध नियन्त्रण, समाजमा भईरहेका नकारात्मक सन्देशलाई नियन्त्रण गर्न सफल भएको बताउनुभयो । थापाले माथिल्लो निकायब...

पूर्णपुष्टि/गाईघाट, फागुन ९ गते -त्रियुगा नगरपालिकार्काबाट बुधबार विभिन्न विषयगत कार्यालयहरुको निरक्षण भएको छ । नगरपालिकाका मेयर बलदेव चौधरी, उपमेयर देवि चौधरी रहेको टोलीले विषयगत सरकारी कार्यालयहरुको निरिक्षण गरेको हो । वडा नं. १६ का वडाध्यक्ष तथा सामाजिक फाँटका संयोजक मानबहादुर राई, वडा नं. १५ का वडाध्यक्ष निरबहादुर मगर र वडा नं. १४ का वडाध्यक्ष कुरुङ राईसहितको टोलीले सडक, सञ्चार, खानेपानी लगायतका कार्यालयहरुको निरिक्षण गरेको थियो । नगरक्षेत्रमा सञ्चालित योजनाहरुको अवस्था, कर्मचारीको कार्यसम्पादन तथा जनताले पाउने सेवा सुविधाको अवस्था बारे बुभ्mनुका साथै अवका दिनमा अझ समन्वयात्मक भूमिका बढाउदै प्रभावकारी ढंगले काम कारवाही अगाडी बढाउने उद्देश्यले निरिक्षण कार्यक्रम गरिएको सामाजिक फाँट संयोजक राईले बताउनुभयो । यसका साथै नगर क्षेत्रको विकासमा अवका सम्भावनाहरु के के छन्, तिनिहरुको...