दशवटै स्थानीय तह सडक सञ्जालमा जोडियो
पूर्णपुष्टि/खोटाङ, ७ पुस ।
जिल्लाको दशवटै स्थानीय तह सदरमुकाम दिक्तेलसँग सडक सञ्जालमा जोडिएको छ । दुई नगरपालिका र आठ गाउँपालिका रहेको जिल्लामा सबै स्थानीय तह दिक्तेलसम्मको सिधा सडक सञ्जालमा जोडिएको हो ।
गत वर्षसम्म सदरमुकाम दिक्तेलबाट सिमित ठाउँमा मात्र यातायात सेवा सञ्चालन हुँदै आएको जिल्लामा यस वर्षबाट सबै स्थानीय तहमा सञ्चालन गरिएको यातायात व्यवसायी सङ्घ खोटाङका महासचिव रामकुमार हिङ्माङले बताउनुभयो । “यसअघि जिल्लामा निर्माण भएका सडकमा पनि यातायात सञ्चालन भएको थिएन ।” उहाँले भन्नुभयो, “सेवाग्राहीको समस्यालाई ध्यानमा राखेर यस वर्षबाट सबै स्थानीय तहसँग जोडिएको सडकमा यातायात सेवा सञ्चालनमा ल्याइएको हो ।”
सबै स्थानीय तहबाट सदरमुकाम दिक्तेलसम्म सिधा यातायात शुरु भएपछि दुर्गम क्षेत्रका स्थानीयवासी समेत एकै दिनमा घरबाट हिँडेर पुनः घरै पुग्न थालेका छन् । यातायात सेवा नहुँदा यसअघि जिल्ल...
