पूर्णपुष्टि, मंसिर १७
अपाङग विकास संघ गाईघाट उदयपुरले अन्तराष्ट्रिय अपाङ्ग दिवस (थर्ड डिसेम्वर २०२१) को अवसरमा उदयपुरमा सरोकारवालाहरु सँग छलफल तथा अन्तरक्रिया कार्यक्रमको आयोजना गरेको छ । संघले सो अवसरको पूर्व सन्ध्यामा बिहिबार गाईघाट पिपलचोकमा दिप प्रज्वलन समेत गरेका थिए ।
अपाङ्गता भएका व्यक्तिहरुलाई राज्यले दया, मायामा सिमित राख्नु भन्दा पनि बढी सहयोग, अवसर, अधिकारहरुमा ध्यान दिनु पर्नेमा जोड दिप प्रज्वलन गरेको हो । उनिहरुलाई जिउन सहज बनाउन उज्वल कामहरुका साथ सेवा सुविधामा कसुर नराखी उज्वल जिवनको आशयका साथ दिप प्रज्वलन गरिएको हो । राज्यमा भएका सबै किसिमको मानिसहरुलाई एउटै अधिकार, निष्पक्षता स्वरुप उज्वल जिवन यापनका लागि समेत राज्यलाई दवाव दिँदै दिप प्रज्वलनले संज्ञा दिएको मानवअधिकारकर्मीहरुको भनाई छ ।
शुक्रबार गाईघाट स्थित शिक्षक संगठनको सभाहलमा सरोकारवालाहरु सँग भएको अन्तरक्रियामा अपाङ्गता भएको व्यक्तिहरुलाई राज्यले दिनु पर्ने सेवा सुविधा र सवालहरुको बिषयमा गहिरो छलफल भएको संघका माहासचिव बुद्ध बहादुर श्रेष्ठले बताए ।
कार्यक्रममा शारिरिक अपाङ्गता भएको कुनै पनि व्यक्तिहरुलाई राज्यले दया माया भन्दा पनि अन्य व्यक्तिहरुलाई भन्दा बढी सेवा, सुविधा र प्रसस्त अवसरहरु दिएर सफल जिवन र राज्यको जिम्मेवारी व्यक्ति वनाउनका लागि तत्काल निति कार्ययोजनाहरु वनाउन अन्तरक्रियाले सहयोग पुराउने माहासचिव श्रेष्ठले बताए ।
कार्यक्रममा त्रियुगा नगरपालिकाका सामाजिक विकास कमिटीका संयोजक मानवहादुर राई, सामाजिक विकास शाखा प्रमुख विश्वजित राई, र सिएमसी नेपालको संयोजक यसोदा राई लगायतको उपस्थिति रहेका थिए ।