पूर्णपुष्टि, फागुन १३
गाईघाटमा भोली हुने जिल्ला स्तरीय शारिरीक सुगठन च्याम्पियनसिप प्रतियोगिताको भव्य तयारी पुरा भएको छ । उक्त खेल शनिवार गाईघाट स्थित टाउन हल एण्ड पार्टी प्यालेर्समा दिउँसो १ बजे बाट हुँदैछ । आयोजक टिमका सदस्य तथा इनर्जी फिटनेस क्लबका संञ्चालक मनोज कटुवालले खेलमा आवश्यक सबै तयारी सकिए सँगै भोली खेल भव्य हुने समेत जानकारी दिए ।
कटुवालले खेललाई उत्कृष्ट बनाउन सबै सामाग्री सहित आवश्यक कामहरु पुरा भएकोले भोलीको खेलमा सहभागी हुन सबैमा आग्रह समेत गरेको छ । खेलका लागि अन्तराष्ट्रिय तथा राष्ट्रिय खेलाडीहरु जर्जको रुपमा आईसकेको जनाएको छ ।
प्रतियोगितामा अन्तराष्ट्रिय जर्ज शिव मुखिया, राष्ट्रिय खेलाडी एवम् निर्णयक पूर्ण तामाङ, राष्ट्रिय निर्णायक शारदा दाहाल, राष्ट्रिय तथा अन्तराष्ट्रिय खेलाडी राम दाहाल, शारिरीक सुगठन प्रदेश नं १ का अध्यक्ष केशव श्रेष्ठ सहित आवश्य व्यक्तिहरु सबै आईसकेको आयोजकले जनाए ।
भोली सामान्य औपचारिक कार्यक्रम सहित प्रतियोगितालाई मुख्य प्राथामिकता दिईने आयोजक समितिका अर्का सदस्य दिल कटुवालले जनाए । उक्त खेल उदयपुरमा पहिलो पटक ठुलो राशी पुरस्कार सहित आयोजना गरिएको छ । उदयपुरलाई खेल क्षेत्रको माध्यम बाट पनि पहिचान गराउने उदेश्यले मिस्टर उदयपुर शारिरीक सुगठन प्रतियोगिता गरेको आयोजकको भनाई छ ।
उदयपुरका खेलाडीहरुले मात्र भाग लिन पाउने यस प्रतियोगिताको प्रथमले रु ५१ हजार नगद ट्रफी, प्रमाण पत्र र मेडलको पाउने छ भने, दोस्रो पुरस्कार रु २५ हजार र तेस्रो पुरस्कार रु १५ हजार तथा ट्रफी, प्रमाण पत्र र मेडलको व्यवस्था रहेको आयोजकले जनाएको छ ।
