पूर्णपुष्टि, माघ १४
गाईघाटमा महिलाहरुलाई लक्षित गरी संञ्चालन गरिएको १४ दिने बित्तिय साक्षरता तथा सुरक्षा आवास तालिम शुक्रवार सम्पन्न भएको छ । तालिमको समापन गाईघाट स्थित जगत भवनमा रहेको नेपाल कपडा तथा सिलाई व्यवसायी संघको कार्यालयमा गरिएको हो ।
साहारा नेपाल बचत तथा ऋण सहकारी संस्था उदयपुर शाखाद्धारा आयोजित १४ दिने तालिमले महिलाहरुलाई बित्तिय साक्षरता सम्बन्धि धेरै ज्ञान सिकाएको आयोजकले जनाएको छ । साहारा नेपाल उदयपुरका प्रमुख प्रदिप कुमार पुरीले कुनै पनि आर्थिक क्षेत्रमा विज्ञ र सफल हुन बित्तिय साक्षरताको सिप अति नै महत्वपूर्ण रहेको जनाएको । पुरीले यसै कुरालाई मध्यनजर गर्दै गाईघट स्थित त्रियुगा नगरपालिका भित्र रहेको महिलाहरुलाई सिकाईएको यस १४ दिने तालिमले ठुलो सहयोग गर्ने जनाए । मानिसहरु सँग जति नै धेरै पैसा भएपनि त्यस्लाई प्रयोग गर्ने वित्तिय साक्षर ज्ञान नभए उचित प्रतिफल लिन नसकिने पुरीले बताए ।
पुरीले कुनै पनि व्यक्ति समाज र राष्ट्रमै आर्थिक पहुँच बढाउने हो भने पहिले वित्तय साक्षर सम्बन्धि तालिमहरुको खाँचो रहेको भन्दै यस तालिमको आयोजना गरेको जनाए । उनले आर्थिक सुदृढ हुने वित्तिकै सुरक्षित आवासको पनि व्यवस्था गर्न सकिने भन्दै वित्तिय साक्षर तथा सुरक्षित आवास कार्यक्रमलाई जोडेर तालिमको आयोजना गरिएको जनाए । यस संस्थाले योजनामुखी महिलाहरुलाई बिना धितो ऋण समेत उपलब्ध गराने समेत जनाए । संस्थाले यस भन्दा पहिले उदयपुर जिल्लामा २ ओटा एम्वुलेन्स समेत प्रदान गरी सामाजिक सयहयोगलाई समेत अघि सारेको पुरीले समापन कार्यक्रममा बताए ।
यस्तै समापन कार्यक्रममा त्रियुगा नगरपालिका ११ नं वडाका अध्यक्ष विश्वराज भट्राईले बित्तिय साक्षर तालिम महिलाहरुको लागि लक्षीत गरी संञ्चालन गरिरहेको भएपनि यसको अवश्यकता पुरुषहरुलाई पनि अत्यावश्यक देखिएको जनाए । उनले पैसाको सुरक्षित लगानी र पैसाको प्रयोग बारे यस साक्षरता तालिमले सिकाउने भन्दै यो तालिम हरेक व्यक्तिहमा आवश्यक रहेको जनाए । भट्टराईले यस्तो तालिम त्रियुगा नगरपालिकाको प्रत्यक टोल विकासहरुमा समेत आवश्यक रहेकाले यसका लागि साहारा नेपाल सँगको सहकार्यमा कार्यक्रमहरु अगाडी बढाईने समेत जनाए ।
यसैगरी त्रियुगा उद्योग बाणिज्य संघ गाईघाटका अध्यक्ष रमेश विश्वकर्माले आर्थिक क्षेत्रमा सफल हुन बित्तिय साक्षर तालिम अत्यावश्यक रहेको जनाए । रसाईलीले मान्छेहरु सबै पैसाकै लागि काम गरिरहेको हुन्छ र पैसा पनि कमाउँछ तर वित्तिय ज्ञान नहुँदा कमाउनु भन्दा बढी गुमाउने गरिरहेको पाईएको बताए । उनले पैसा कसैले धेरै कमाउने र कसैले थोरै अथवा बराबरी कमाए पनि त्यसलाई प्रयोग गर्ने तरिका भने फरक फरक हुने बताए ।
कुनै व्यापार होस या जागिर सँगै कमाको सहकर्मीले घर गाडी जोडि सक्दा पनि कोही भने ऋणमै डुविरहेको अवस्था पनि हुन्छ यस्तो अवस्था आउनुमा बित्तिय जानकारी अभाव रसाईलीको बुझाई छ । उनले सहकर्मी सँग बित्तिय ज्ञान भएकोले पैसाको सहि सदुपयोग र नाफामुखी लगानीका कारण उनले घर गाडी जोड्न सक्छ भने सँगै बराबरी कमाउने कुनै सहकर्मीले भने बित्तिय ज्ञानको अभावमा गुमाईरहेको जनाए । उनले यस समस्यालाई निराकण गर्न भने यस बित्तिय साक्षर तालिमले ठुलो भुमिका खेल्ने जनाए । रसाईलीले बित्तिय साक्षरता कार्यक्रमको सहकार्य संस्था नेपाल कपडा तथा सिलाई व्यवसायी संघलाई त्रियुगा उद्योग बाणिज्य संघमा समेत सहकार्य गराउने जनाए । उनले संघमा आएको कार्यक्रमहरु पनि उपलब्ध गराउने गराउने जनाए ।
यस्तै सिलाई व्यवसायी संघकी अध्यक्ष ज्ञानु प्रधानले महिलाहरुलाई सिप बाट अगाडी बढाने क्रममा आर्थिक समस्याले निकै पिरोलेको बताईन् । उनीले संघ खोलेर व्यवसायीहरुलाई अगाडी बढाउने निति तथा कार्यक्रमहरु गर्ने जमर्को गरिरहेको बेलामा कुनै आर्थिक पहलहरु नजुटेको बताईन् । प्रधानले संघकै समितिहरुको खर्चमा सामान्य कार्यक्रमहरु भैईरहेको अवस्थामा कुनै ठुलो लगानीमा भने राम्रो कार्यक्रमहरु लिएर व्यवसायीहरुलाई सिप मुलका बनाउन निकै समस्या परेको बताईन् । उनले स्थानीय सरकारलाई केहि स्रोतहरु व्यवस्था समेत गर्न अनुरोध गरिन् । साथै उद्योग बाणिज्य संघको प्रतिद्धतालाई सम्मान गर्दै व्यवहारमा समेत लागु गर्न अनुरोध गरिन् ।
यसैगरी सहभागीहरुले तालिम अतिनै उपयोगी रहेको जनाएको छ । तालिमका एक सहभागी पार्वती रायमाभीले सर्व प्रथम व्यक्ति, परिवार र समाजमा ब्यवाहारिक आर्थिक निति हुनु पर्ने यस तालिममले महसुस गराएको जनाईन् । उनले घर परिवारमा आर्थिक प्रयोग बारे व्यवहारिकता ज्ञानको पहिलो समस्या वित्तिय साक्षरताको कमि रहेको भन्ने ज्ञान तालिम बाट सिकेको बताईन् । यस साक्षरता तालिमबाट परिवारमा जतिनै पढेलेखेको भएपनि लगानी गर्ने ज्ञान नहुँदा प्रतिफल बढाउन नसकिने कुरा आफुले बुझेको बताईन् । साथै यस सिकाईले पैसाको प्रयोग तथा लगानी, आर्थिक जोखिमका लागि पूर्व तयारी र अति विपन्न गरिवी परिवारहरुलाई पनि बैँक तथा वित्तिय संस्थामा जोडेर प्रगतिको पाईला तर्फ लैजान सकिने जस्ता धेरै ज्ञान बृद्धि भएको सहभागीहरुले बताए ।
