पूर्णपुष्टि, माघ २१
नेशनल लाईफ इन्स्योरेन्स कटारी शाखाले मृतक परिवारलाई कम्पनी नियम अनुसार रकम हस्तान्तरण गरेको छ । शाखाले करिब १० लाख बढी चेक रकम मृतक परिवारलाई बिहिबार हस्तान्तरण गरेको हो ।
३१ बर्षिय बलबहादुर राय क्षेत्रीले केहि बर्ष अघि कम्पनीमा ५ लाख बराबरको बाल अमृत बिमा गरेका थिए । सोही बापत कटारी शाखाले १० लाख ७४ हजार ६ सय ६७ रुपैयाँ मृत्यु दाबी भुक्तानी गरेको शाखा प्रमुख भक्त श्रेष्ठले जानकारी दिए । मृतक परिवार, आफन्त र स्थानीय जनप्रतिनिधिको रोहबरमा कम्पनीको शाखा कटारीले सो रकम उपलब्ध गराएको थियो ।
मृतक परिवार छिमेकी जिल्ला सिन्धुलीको दुधौली नगरपालिका बडा नम्बर ५, सिर्थौलीका ३परिवारलाई सम्पर्क गरी रकम हस्तान्तरण गरिएको कटारी शाखाले जनाएको छ।
