पूर्णपुष्टि, असोज २३
झापा अर्जुनधारा नगरपालिका–२ भेलेनी चौक छेउ स्थित भित्री सडक खण्डमा मोटरसाईकल आफै अनियन्त्रित भई दुर्घटना हुँदा चालकको घटना स्थलमानै ज्यान गएको छ । मोटरसाईकल चालक झापा अर्जुनधारा नगरपालिका–६ का ३० वर्षीय निरज तामाङको दुर्घटनामा ज्यान गएको हो ।
हिजो बेलुका ४ बजे खुदुनाबारीबाट शनिश्चरे जादै गरेको मे. ४ प. २८१५ नम्बरको मोटरसाईकल आफै अनियन्त्रीत भई कल्भर्टमा ठोकी दुर्घटना हुँदा चालक तामाङको घटनास्थलमानै मृत्यु भएको प्रहरीले जनाएको छ । घटनाबारे ईलाका प्रहरी कार्यालय अनामनीबाट प्रहरी टोली खटि गई थप अनुसन्धान भईरहेको छ ।
