पूर्णपुष्टि, मंसिर ११
नेकपा माओवादी केन्द्रका ऐतिहासिक प्रथम त्रियुगा नगर सम्मेलनको खुल्ला सत्र पिपलचोकमा सम्पन्न भएको छ । नगर भरिका १६ ओटै वडाहरुका अध्यक्षसहित कार्यकर्ताहरुको भेलामा कार्यक्रम सम्पन्न भएको हो ।
पार्टीका १ नं प्रदेश अध्यक्ष तथा संघिय सांसद सुरेश कुमार राईको प्रमुख आतिथ्यमा नगर सम्मेलनको खुल्ला तर्फको कार्यक्रम सम्पन्न भएको हो । बन्द सत्रको कार्यक्रममा गाईघाटको होटल टाउन हलमा हुने तयारी भईरहेको छ ।
खुल्ला सत्र कार्यक्रममा र्याली सहित बजार परिक्रमा, सांस्कृतिक कार्यक्रम, कोणसभा र खुल्ला सत्रको कार्यक्रम सम्पन्नको घोषणा गरी सम्पन्न भएको हो । कार्यक्रममा सांसद राई सहित पार्टीका नेताहरु किरण राई, मणि खम्वु लगायतको उपस्थित रहेका थिए ।
माओवादी केन्द्रको हाल देशैभर नगर सम्मेलन भईरहेको छ । सोही अन्गर्तत उदयपुर जिल्लाको आठ ओटै पालिकाहरुमा एकैसाथ सम्मेलन तथा नेतृत्व चुन्ने तयारी भईरहेको छ । शनिवार पार्टीका केन्द्रीय अध्यक्ष पुष्प कमल दाहाल (प्रचण्ड) ले सम्मेलनको उद्घाटन तथा सम्बोधन गर्दै कार्यक्रम सुरु गरिएका थिए ।
फोटोफिचर
