पूर्णपुष्टि,चैत्र ५ । कञ्चनपुरमाको बेलौरीमा अखिल क्रान्तिकारीले स्ववियु निर्वाचनमा खाता खोलको छ । अखिल (क्रान्तिकारी)को तर्पबाट रामपुर बहुमुखी क्याम्पसमा अनेरास्ववियु र नेविसंघका उम्मेदवारलाई हराउँदै अखिल (क्रान्तिकारी)को तर्फबाट स्ववियु अध्यक्षका उम्मेदवार सरस्वती तिरुवासहित पुरै प्यानल निर्वाचित भएको हो ।
तिरुवाले १५ मत पाएकी छिन् । त्यस्तै नेविसंघका धनीराम चौधरीले ५ र अनेरास्ववियुकी बिमला रेग्मीले ४ मत मात्र ल्याएकी थिइन् ।
त्यस्तै सचिवमा क्रान्तिकारीका रमिता चौधरी र कोषाध्यक्षमा रविना राना निर्वाचित भएका छन् । रमिताले १७ मत पाएकी निर्वाचित भएकी हुन् । उनका प्रतिस्पर्धी अनेरास्ववियुकी सोभा विष्टले ३, नेविसंघकी सीता पुजाराले ३ मत ल्याए । त्यस्तै कोषाध्यक्षमा क्रान्तिकारीका रविना रानाले १६ मत पाइन् । नेविसंकी लिला रानाले ५ र अनेरास्ववियुकी निसा विकले ३ मत पाइन् ।
सदस्यहरूमा अखिल क्रान्तिकारीकै बबिता चौधरी, निशा लम्साल र राजेश्वरी राना निर्वाचित भएका छन् ।
निर्वाचित भएका सबैलाई रामपुर बहुमुखी क्याम्पस प्रमुख एव निर्वाचन अधिकृत मदन बहादुर चन्दले प्रमाणपत्र प्रदान गरेका छन् ।