पूर्णपुष्टि, बैशाख १३
त्रियुगा नगरपालिका वडा नं १६ का लागि नेकपा माओवादी केन्द्र र नेकपा एसको संयुक्त गठबन्धनबाट मान वहादुर राईको नृतृत्वमा उम्मेदवारी दर्ता भएको छ । सोमवार गाईघाट स्थित मुख्य निर्वाचन अधिकृतको कार्यालयमा उम्मेदवारी दर्ता भएको हो । राई पुराना तथा अनुभवी जनताको लोकप्रिय जनप्रतिनिधि नेता समेत मानिन्छ ।
त्रियुगा नगरपालिका भरीकै उत्कृष्ट मध्ये एक जनप्रतिनिधको रुपमा स्थापीत राईले पून : वडाअध्यक्षका लागि टिकट पाए सँगै मनोनयन दर्ताको काम समेत सकिएको हो । राई ७४ सालको चुनावमा पनि माओवादीको तर्फबाट जनप्रिय मतका साथ बिजयी बनेका थिए । राई सहित खुल्ला वडा सदस्यमा घमान सिंह राई, खुल्ला सदस्य राम नारायण श्रेष्ठ, खुल्ला महिला वडा सदस्य गोमा कार्की र दलित महिला सदस्यमा कुन्ती परियार सहितले उम्मेदवारी दर्ता गराएको हो ।
उम्मेदवारी राई सहितको टिम निकै मजवुद मानिएको छ । हालको राम श्रेष्ठ बाहेक यसै टिमले पहिले पनि वडामा नेतृत्व गरेका थिए । यी नेतृत्वले १६ नं वडामा अतुलनिय विकास पनि गरेको छ । राईले रात दिन नभनी जनताको सेवामा निरन्तर खटेर १६ नं वडालाई विकासमुखी बनाएको छ । उनि जनताको सेवामा फुर्तिका साथ खटेकै कारण जनताले फेरी पनि आफुलाईनै बिजयी गराउने कुरामा आफु ढुक्क रहेको जनाए ।
राईले ५ बर्षे कार्याकालमा वडालाई दुुर्गमबाट सुगम, वडाको विकास पूर्वधार, स्वास्थ्य, शिक्षा, खानेपानी, विजुली, सुरक्षा, नागरिकहरुलाई आत्मानिर्भरमुखी अनुदानको वितरण, कृषी तथा पशुपालमा जोड दिएका थिए । सँगै जेष्ठ नागरिक, महिला तथा अपाङगताहरुको सम्मान र वडावासी नागरिकहरुको सँधै चिन्तामा रहेर वडाको नेतृत्व र जनताको अबिभावक बन्न सफल राईले आउँदो कार्यकालका लागि सबै सँग भोटको अपिल समेत गर्नुभयो । राईलाई भौद्धिक, नैतिक र सक्षम वडाअध्यक्षको रुपमा समेत यहाँका जनताहरुले मानेका छन् ।