Author: पूर्णपुष्टि खबर

उदयपुर, कात्तिक २२ गते । तीन लाख बढि नगद सहित १० जना जुहाडेलाई बिहीबार उदयपुरको चौडण्डिगढी नगरपालिका ५ सुन्दरपुर सिवाइबाट प्रहरीले बिहान पक्राउ गरेको छ । नगद ३ लाख ४ हजार ७ सय १५ रुपैँयासहित एक काठ मिलमा जुवा खेलिरहेको भन्ने गोप्य सूचनाका आधारमा छापामार्दा प्रहरीले जुहाडे पक्राउ गरेको हो । पक्राउ पर्नेमा चौडण्डिगढी नगरपालिकाका सन्तोष मगर, होमबाहदुर राउत, सुजन अधिकारी, महेश राउत, बेलका नगरपालिकाका बिष्णु श्रेष्ठ र सप्तरीको सप्तकोशी नगरपालिका फत्तेपुरका बिनोदकुमार चौधरी, दिपक कार्की, आलोक राई, सन्तोष चौधरी र शंकर बस्नेतलाई पक्राउ गरिएको इलाका प्रहरी कार्यलय बेल्टारका प्रहरी निरीक्षक गंगाप्रसाद पौडेलले बताए । नगद, एक सेट कौडा र २० बुक तास र एक थान गलैचा पनि पक्राउ गरिएको पौडेलले जानकारी दिए । जुहाडेलाई इलाका प्रहरी कार्यलयले नियन्त्रणमा लिइ आवश्यक कारबाही अगाडि बढाएको जनाइएको छ ।...

विक्रम राई/उदयपुर, कार्तिक १२ गते एउटा सामान्य सर्वसाधारणले आप्mनो रगत पसिनाको कमाईबाट जोडेको घरजग्गा थाहै नपाई खोसिन्छ भने उसका लागि त्यो भन्दा अन्याय अरु हुदैन । उदयपुरमा एक सर्बसाधारणमाथि यस्तै अन्याय भएको छ । त्यो पनि राज्यकै निकायबाट भएको हो । जिल्ला नापी र मालपोत कार्यालयले कुनै पनि हिसावले पर्दै नपर्ने मुल सडकभन्दा करिब ६ सयमिटर माथिको जग्गा सडकको नाममा पारिदिएपछि त्रियुगा नगरपालिका वडा नं. ४ का मोहन गोलेको परिवार घरबारविहिन भएको छ । श्रीमती आशामाया तामाङको नाममा रहेको घरसहितको एक कठ्ठा जमिन थाहै नपाई आजभन्दा १२ वर्षअघि गाईघाट–कदमाहा सडकको नाममा पास भएपछि गोले परिवार सुकुम्बासी भएको छ । मालपोत र नापीले गम्भीर गल्ती भएको स्विकार गरेका छन् । सडकको मध्येबीन्दुबाट दायाँबायाँ २५÷२५ मिटरको जग्गा सडकको नाममा लागतकट्टा गर्नुपर्नेमा तत्कालिन नापी र मालपोतका कर्मचारीको चरम लापरवाही व...