पर्यटन

केदार मगर खोटाङ– जिल्लाको सबैभन्दा पूरानो लामीडाँडा विमानस्थल कालोपत्रेको काम तीब्रगतिमा भइरहेको छ । वि.सं. २०२८ सालबाट सञ्चालनमा आएको विमानस्थल कालोपत्रेको काम गत वैशाखबाट सुरु गरिएको हो । नेपाल नागरिक उड्यन प्राधिकरणको लगानीमा कालोपत्रे थालिएको विमानस्थलको काम अहिलेसम्म पैतीस प्रतिशत सम्पन्न भइसकेको ठेकेदार कम्पनीले जनाएको छ । गत असोज १७ गते सम्झौता भएको विमानस्थल कालोपत्रेका लागि प्राधिकरणको छ करोड ७६ लाख ९३ हजार ८०९ रुपैयाँ ४९ पैसा लगानी रहेको छ । भौतिक निर्माणको काम भइरहेको विमानस्थलमा अहिले ग्याविङ वाल भर्ने, धावन मार्गमा ग्रावेलिङ गर्ने र आसपासमा नाली निर्माणको काम भइरहेको आयोजना प्रमुख इन्जिनियर विनेश मुनाकर्मीले जानकारी दिनुभयो । “हामीले समयमै थालेर समयमै सक्नेगरी काम गरिरहेका छौं ।” उहाँले भन्नुभयो, “आगामी माघ मसान्तभित्र जसरी पनि सम्पन्न गर्ने तयारीमा लागी परेका छौं ।” ...