समाचार

पूर्णपुष्टि, कात्तिक १३ गते । उदयपुर–सिद्धिचरण राजमार्ग अन्तर्गत कटारी घुर्मी सडक खण्डको लेखानीमा सोमबार सुमो दुर्घटना हुदा ८ को घटनास्थलमै मृत्यु भएको छ भने ३ जना गम्भिर घाइते भएका छन् । घटनास्थल पुगेका इलाका प्रहरी कार्यालय कटारीका इन्चार्ज डिएसपी दीपक श्रेष्ठका अनुसार कटारीदेखि ओखलढुंगातर्फ जादै गरेकोको ना १ ज ३४०४ नम्बरको सुमो जीप उदयपुरको कटारी नगरपालिका ११ लेखानी गाउँको खाँदी भन्ने ठाउँमा दुर्घटना भएको हो । मृतकहरुको सनाखत हुन बाँकी रहेकोले घाइतेहरुको उद्धार भइरहेको प्रहरीले जनाएको छ । घाइते मध्ये एकजना कटारी नगरपालिका २ का अन्दाजी २५ बर्षिय चालक हरी कार्की, एक चारबािषर््य बालिका र एक महिला रहेको कटारी ट्राफिक इन्चार्ज डिवि दियालीले बताए । घाइतेहरुलाई उपचारका लागि कटारी अस्पताल पठाइने उनले बताए । नाजुक अवस्था रहेको उक्त राजमार्गमा सडक भिरालो र साँघुरो रहेको ठाउँमा दुर्...

पूर्णपुष्टि, कात्तिक १२ गते । उदयपुर–खेलकुद विकास परिषद्का सदस्य सचिव केशब विष्टले छ महिनामा व्याड्मिन्टन कवर्डहल निर्माण गर्ने भनी गरेको प्रतिबद्धता नौं महिना वितिसक्दा पनि अधुरै बनेको छ । चौथो उदयपुर गोल्डकपको उद्घाटनको सिलसिलामा गतबर्षको माघमा आएका सदस्य सचिव विष्टले जिल्ला खेलकुद विकास समितिको कार्यालय परिषरकै खाली जग्गामा कवर्डहलको सिलान्यास गर्दै छ महिनामा निर्माण सम्पन्न गर्नेगरी ३० लाख रुपैया बजेट विनियोजनको प्रतिबद्धता गरेका थिए । सिलान्यास समारोहमा प्रतिबद्धता गरिरहदा सबैको ताली खाएका विष्टले भने अनुरुप प्रतिबद्धता पुरा नगरेपछि आजभोली गाली पाउन थालेका छन् । जिल्ला व्याड्मिन्टन संघ र जिल्ला खेलकुख विकास समितिको पहलमा निर्माण गर्न लागिएको व्याड्मिन्टन कवर्डहल, ३० लाख बजेट मध्ये तत्काल १० लाख उपलब्ध गराई बाँकी रकम क्रमिकरुपले उपलब्ध गराई छ महिनाभित्रमा निर्माण पुरा गर्ने स...

पूर्णपुष्टि, कात्तिक १० गते । गाईघाट–जिल्ला प्रहरी कार्यालय उदयपुरले प्रदेश तथा प्रतिनिधि सभाको निर्वाचनका लागि उदयपुरमा म्यादी प्रहरी छनौट कार्य सुक्रबार सम्पन्न गरेको छ । सुक्रबार म्यादी प्रहरी छनौटको अन्तिम परिणाम सार्बजनिक भएको छ । म्यादी प्रहरी छनौटका लागि असोज २४ देखि ३० गतेसम्म आवेदन आव्हान गरेको जिल्ला प्रहरीले उदयपुरमा ९ सय ३९ जना म्यादी प्रहरी छनौट गरेको जनाएको छ । १ सय ८७ जनाको नाम बैंकल्पिकमा निस्किएको छ । म्यादी प्रहरीका लागि २ हजार २ सय १९ जनाले फारम भरेका थिए । फारम भरेकालाई उचाई, तौल नाप्नुका साथै स्वस्थ्य परिक्षण, सेटअप, पसअप, रनिङ गराइएको थियो । त्यसमा पास हुनेहरुलाई लिखित र मौखिक परिक्षा लिई अन्तिम परिणाम निकालिएको जिल्ला प्रहरी प्रमुख एसपी नवराज भट्टले बताए । म्यादी प्रहरी छनौट भएकाहरुलाई तालिम दिईने जनाइएको छ । उनीहरुलाई जिल्लाको कटारी, बेल्टार, रामपुर ठोक्...

पूर्णपुष्टि, कात्तिक ९ गते । गाईघाट–नेपाल सरकारको तर्फबाट निर्बाचन सम्पन्न गर्ने र न्याय परिषद, सर्बोच्च अदालतको तर्फबाट न्याय सम्पादन गर्ने दुई मुख्य जिम्मेवारी रहेको भन्दै उदयपुरका मुख्य निर्वाचन अधिकृत तेजेन्द्रप्रसाद शर्माले सबैसंग सहयोगको आग्रह गरेका छन् । दोस्रो चरणमा मंसीर २१ गते उदयपुर सहित ४५ जिल्लामा हुने प्रदेश तथा प्रतिनिधि सभाको निर्वाचनलाई परिवर्तन व्यवस्थानको संज्ञा दिदै सबैले आप्mनो सिप र शैली प्रयोग गरेर प्रयोगमा ल्याउन आग्रह गरे । उनले बस रोकिदा सबै एकैचोटी पोको परेर पस्नु भन्दा लाईनमा बसेर चढ्दा छिटो हुने उदाहरण दिदै सोही ढंगले निर्वाचन व्यवस्थापन गरिनुपर्ने तर्क राख्दै उनले राजनीतिक दललाई लोकतान्त्रिक विधी र पद्धतीमा चलिदिन आग्रह गरे । साथै लोकतान्त्रिक विधी र पद्धती अनुरुप नै व्यवस्थापनमा जुट्ने उनले बताए । सुरक्षा प्रमुखहरु, मिडिया, कर्मचारीलाई सक्रिय ...

पूर्णपुष्टि, कात्तिक ९ गते । गाईघाट-प्रदेश तथा प्रतिनिधि सभा सदस्यको निर्वाचनका लागि विहिबार उदयपुरमा मुख्य निर्वाचन अधिकृत र निर्वाचन अधिकृतको कार्यालय एकसाथ स्थापना गरिएको छ । निर्वाचन आयोगले दोस्रो चरणमा मंसिर २१ गते निर्वाचन गर्न लागेको ४५ जिल्ला मध्ये उदयपुरमा निर्वाचन अधिकृतको कार्यालय स्थापना गरिएको हो । जिल्ला समन्वय समिति उदयपुरको कार्यालय भवनको दुईओटा कोठामा मूख्य निर्वाचन अधिकृत र निर्वाचन अधिकृतको कार्यालय स्थापना गरिएको हो । उदयपुरमा मुख्य निर्वाचन अधिकृत न्यायधिस तेजेन्द्रप्रसाद शर्मा तोकिएका छन् । उनले मुख्य निर्बाचन अधिकृतको भुमिका संगै क्षेत्र नं. १ र त्यस अन्तर्गतका २ वटा प्रदेशको जिम्मेवारी सम्हाल्ने छन् । क्षेत्र नं. २ र त्यस अन्तर्गतका २ वटा प्रदेशका लागि निर्वाचन अधिकृत सर्बोच्च अदालतका उपसचिव सन्देश श्रेष्ठलाई तोकिएको छ । कार्यालय स्थापनासंगै मुख्य ...

पूर्णपुष्टि, कात्तिक ९ गते । गाईघाट–उदयपुरमा विहिबार विहान एकजना ट्याक्टर चालक मृत अवस्थामा फेला परेको छ । जिल्ला प्रहरी प्रमुख एसपी नवराज भट्टका अनुसार उदयपुरगडी गाउँपालिका ७ र रौतामाई गाउँपालिका ९ को सिमानामा पर्ने चिहानेखोला नजिकै त्रियुगा नगरपालिका ६ जलजलेका अन्दाजी ३० बर्षिय शिवकुमार सदा मृतअवस्थामा फेला परेको हो । स १ त ५९६० नम्बरको ट्याक्टरका चालक ट्याक्टरकै छेउमा मृतअवस्थामा भेटिएको र ट्याक्टरको साईड लाईटसमेत बलिरहेको भेटिएको घटनास्थल नै पुगेका एसपी भट्टले बताए । ट्याक्टर दुर्घटनाकै कारण उनको मृत्यु भएको जस्तो देखिएपनि घटनालाई प्रहरीले हत्याको आशंका गरेको छ । घटनास्थलको प्रकृति मुचुल्का उठाएको प्रहरीले गहिरो अनुसन्धान थालेको जनाएको छ ।...

पूर्णपुष्टि, कात्तिक ८ गते । गाईघाट–रातभर देउसीभैली खेलेर बटुलेको पैसाले पिकनिक खाने पुरानो चलनलाई निरन्तरता दिने हुँदा बुधबार गाईघाट स्थित पिकनिक स्पोर्टमा झडप भएको छ । जिल्ला प्रहरीका अनुसार पिकनिक खान गएका दुई समुहबीच झडप हुँदा एक युवा घाइते भएको छ । त्रियुगा नगरपालिका १० बोक्सेका २२ बर्षिय यमन राई घाइते भएको हो । उनको जिल्ला अस्पताल उदयपुरमा उपचार भईरहेकोे छ । घटनामा संलग्न भएको आशंकामा प्रहरीले तीन जनालाई नियन्त्रणमा लिई अनुसन्धान गरिरहेको पनि प्रहरीले जनाएको छ । प्रहरीका अनुसार मादक पदार्थ सेवनका कारण झगडा भएको बुझिएको छ । त्रिनपा ११ ढिम्की स्थित पिकनिक स्पोर्टमा बुधबारमात्रै आधा दर्जन बढी समुह पिकनिकका लागि जम्मा भएका थिए । विगतका बर्षदेखि नै तिहारपछि एकसाता भन्दा बढि निरन्तर दैनिक दर्जनबढि पिकनिक खाने समुह जम्मा हुने स्थानीयहरु बताउछन् । पिकनिकलाई सभ्यढंगले मनाउने भ...