स्वास्थ्य

पूर्णपुष्टि, असोज १८ स्पेनमा कोरोना परिक्षण १५ मिनटमै हुने भएको छ । दोस्रो पटक कोरोनाको लहर सुरु भएको स्पेनमा अब १५ मिनेटमै कोरोना परीक्षणको नतिजा आउने प्रविधि विकास भएको अन्तराष्ट्रिय संचारमाध्यमले जनाएको छ । यो नतिजा ९५ प्रतिशत सही भएको स्पेनका स्वास्थ्य अधिकारीले दाबी गरेका छन् । अहिलेसम्म ८ लाख १० हजारमा कोरोना पुष्टि भएको स्पेनमा ३२ हजारको मृत्यु भईसकेको छ । गत २४ घण्टामा साढे ३ हजार नयाँ सङ्क्रमित थपिएका र १ सय १३ जनाको मृत्यु भएको वल्ड्रोमिटरले जनाएको छ ।...

पूर्णपुष्टि, असोज १७ प्रधानमन्त्री केपी शर्मा ओलीका तीन जना सल्लाहकार र एक स्वकीय सचिवमा कोरोना सङ्क्रमण पुष्टि भएको छ । मुख्य सल्लाहकार रिमालसहित प्रेस सल्लाहकार सूर्य थापा, विदेश मामिला सल्लाहकार राजन भट्टराई र स्वकीय सचिव इन्द्र भण्डारीमा कोरोना संक्रमण पुष्टि भएको हो । सबैले सामाजिक सञ्जालमार्फत आफूलाई कोरोना देखिएको  र आफूसँग सम्पर्कमा आएका सबैलाई स्वास्थ्यको ख्याल गर्न पनि आग्रह गर्नुभएको छ । केही चालकमा पनि कोरोना पुष्टि भएको छ । तर कसैलाई पनि लक्षण नदेखिएको जनाईएको छ  तीन दिनअघि प्रधानमन्त्रीको परीक्षण गर्दा नेगेटिभ रिपोर्ट आएको तर सल्लाहकारहरु र स्वकीय सचिवमा पोजेटिभ देखिएपछि फेरि स्वाब सङ्कलनको तयारी भएको पनि जनाईएको छ ।...

पूर्णपुष्टि, असोज १७ नेपालमा आज थप दुई हजार एक सय २० जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ८४ हजार पाँच सय ७० जना पुगेको स्वास्थ्य तथा जनसंख्या मन्त्रालयले जनाएको छ । त्यस्तै पछिल्लो २४ घण्टामा दुई हजार ४४ जना कोरोना सङ्क्रमणबाट निको भएसँगै निको हुनेको सङ्ख्या ६२ हजार सात सय ४० पुगेको छ । अब नेपालमा २१ हजार तीन सय दुई जना सक्रिय सङ्क्रमित रहेका छन् । त्यस्तै गत २४ घण्टामा आठ जनाको मृत्यु भएसँगै नेपालमा सङ्क्रमणबाट मृत्यु हुनेको सङ्ख्या पाँच सय २८ जना पुगेको स्वास्थ्य मन्त्रालयले जनाएको छ ।...

पूर्णपुष्टि, असोज १७ भारतमा कोरोना सङ्क्रमणबाट मृत्यु हुनेको संख्या एक लाख नाघेको छ । पछिल्लो २४ घण्टामा एक हजार ७१ जनाको मृत्यु भएसँगै भारतमा कोरोना सङ्क्रमणबाट मृत्यु हुनेको संख्या एक लाख ८ सय ७५ पुगेको वल्डोमिटरले जनाएको छ । त्यस्तै गत २४ घण्टामा झण्डै ८० हजारको रिपोर्ट पोजेटिभ आएसँगै भारतमा सङ्क्रमितको संख्या ६४ लाख ७१ हजार नाघेको छ । उक्त संक्रमितमध्ये ५४ लाख २५ हजार निको भएका छन् ।...

पूर्णपुष्टि, असोज १७ उदयपुरमा जनप्रतिनिधिसहित थप ६ जनामा कोरोना संक्रमण पुष्टि भएको छ । धरानस्थित विपी कोईराला स्वास्थ्य विज्ञान प्रतिष्ठानको कोरोना प्रयोगशालामा गरिएको परीक्षणमा बेलका नगरपालिकाका मेयर सहित ६ जनामा कोरोना संक्रमण पुष्टि भएको हो । ५४ बर्षिय मेयरसहित ४०, ४३, २८, ४२ बर्षिय पुरुष र १८ बर्षिया महिलालाई कोरोना पोजेटिभ देखिएको स्वास्थ्य कार्यालयका प्रमुख मोहन सुवेदीले बताउनुभयो । उनीहरुमध्ये एक जना स्वास्थ्यकर्मीसमते रहेका छन् । एक साता अघि मेयरका ८२ बर्षिय वुवालाई उपचारका क्रममा विपी कोईरालामा स्वास्थ्य विज्ञान प्रतिष्ठान धरानमा कोराना देखिएपछि शनिबार देखिएका ६ जना नै कन्ट्रयाक टे«सिङ्गमा थिए । यसअघि जिल्लामै पहिलोपटक सोही नगरपालिकाका ६५ बर्षिय वडाध्यक्षमा कोरोना पोजेटिभ देखिएको थियो । योसंगै जिल्लामा कोरोना संक्रमितको संख्या एक सय २४ जना पुगेको स्वास्थ्य कार्याल...

पूर्णपुष्टि, असोज १७ बिराटनगरमा कोरोना संक्रमणबाट थप एक जनाको मृत्यु भएको छ । बिराटनगरकी ६८ वर्षीया महिलाको आज बिहान मृत्यु भएको हो । बिराटनगर महानगरपालिका–३ घर भएकी उनको कोशी अस्पताल कोभिड–१९ उपचार केन्द्र बिराटनगरमा बिहान करिब २ बजे मृत्यु भएको जिल्ला जनस्वास्थ्य कार्यालय मोरङले जनाएको छ । कोरोना पुष्टि भएसँगै उनलाई ११ असोजमा आइसोलेसनमा भर्ना गरिएको थियो । उनमा श्वासप्रश्वासको समस्या थियो ।...

पूर्णपुष्टि, असोज १७ अमेरिकी राष्ट्रपति डोनाल्ड ट्रम्पलाई अस्पताल लगिने भएको छ । हिजो दिउँसो कोरोना पुष्टि भएपछि राष्ट्रिपति ट्रम्पलाई अस्पताल लगिने भएको हो । ह्वाइट हाउसले विज्ञप्ती जारी गर्दै स्वास्थ्य सावधानीको लागि उहाँलाई वाल्टर रीड नेश्नल मिलिट्री मेडिकल सेन्टरमा लैजाने तयारी गरिएको जनाएकोे छ । कोरोना सङ्क्रमण पुष्टि भएका ट्रम्पमा लक्षण देखिन थालेको छ । हल्का ज्वरो आउँनुका साथै थकान पनि धेरै महसुस हुन थालेको अन्तराष्ट्रिय संचारमाध्यमले जनाएको छ । अमेरिकी राष्ट्रपति चुनाव हुन एक महिना मात्र बाँकी रहेका बेला उहाँलाई कोरोना पुष्टि भएको हो । उहाँले दोस्रो कार्यकालको लागि राष्ट्रपतीय चुनावमा डेमोक्रेटिक पार्टीका जो बाइडेनसँग प्रतिस्पर्धा गर्ने तय भएको छ । केही दिन डाक्टरको सल्लाह अनुसार सावधानी अपनाएर अस्पतालबाट नै सबै काम गर्ने ह्वाइट हाउसले जनाएको छ । आफ्नी ३१ वर्षीया सल्लाहका...

पूर्णपुष्टि, असोज १६ नेपालमा आज थप २ हजार ७ सय २२ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ८२ हजार चार सय ५० पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा १४ हजार सात सय २२ जनाको नमुना परीक्षण गर्दा २७ सय २२ जनामा सङ्क्रमण देखिएको हो । त्यस्तै गत २४ घण्टामा ३३ सय सात जना निको भएर फर्किएसँगै डिस्चार्ज हुनेको सङ्ख्या ६० हजार ६ सय ९६ पुगेको छ । अब नेपालमा २१ हजार दुई सय ३४ जना सक्रिय सङ्क्रमित आइसोलेशनमा रहेका छन् । यस्तै चार हजार आठ सय ८५ जना क्वरेण्टीनमा रहेको मन्त्रालयले जनाएको छ । त्यस्तै गत २४ घण्टामा ११ जनाको मृत्यु भएसँगै कोरोना सङ्क्रमणबाट मृत्यु हुनेको सङ्ख्या पाँच सय २० पुगेको मन्त्रालयले जनाएको छ ।...

पुर्णपुष्टि,असोज १६  पाँच दिनदेखि हराइरहेका गुल्मी इस्मा गाउँपालिका–३ दर्लामचौरका एक पुरुष मृत वस्थामा भेटिएको छ । दर्लामचौरको खाँसिचौर बस्ने ४९ वर्षीय वीरबहादुर कुमाल आज मृत भेटिएको हो । कुमालको शव इस्मा–५ अँधेरी खोलामा सडेको अवस्थामा भेटिएको जिल्ला प्रहरी कार्यालय गुल्मीले जनाएको छ । स्थानीयवासीले शव देखेपछि प्रहरीलाई खबर गरेको थियो । घटनाको जानकारी पाउनासाथ तत्काल प्रहरी टोली खटि गई स्थलगत मुचुल्का गरेर शव पोष्टमार्टमका लागी गुल्मी अस्पताल तम्घास ल्याइने तयारी भईरहेको प्रहरीले जनाएको छ ।...

पुर्णपुष्टि,असोज १६  कोरोना संक्रमित दुई पुरुषको आज मोरङस्थित विराट मेडिकल कलेजमा उपचारका लागि लैजाँदै गर्दा एम्बुलेन्समै मृत्यु भएको छ । सुनसरीको इटहरी उपमहानगरपालिका–१३ खनारका ९२ वर्षीय वृद्ध र सिराहा सुकीपुर नगरपालिका–२ का ५५ वर्षीय पुरुषको मृत्यु भएको हो । उनिहरुको अस्पताल ल्याउने क्रममा एम्वुलेन्सै मृत्यु भएको हो । कोरोना संक्रमण देखिएपछि उपचारका लागि विराट मेडिकल कलेज लगिएका सुनसरी खनारका एक वृद्ध र सिराहाका एक पुरुषको एम्बुलेन्समै मृत्यु भएको मेडिकलले जनाएको छ । इटहरीका वृद्धमा तीन दिनअघि कोरोना पोजेटिभ देखिएको थियो । कोरोना पोजेटिभ देखिएपछि होम आइसोलेसनमा बसेका उनलाई श्वासप्रश्वासमा समस्या भएपछि आफन्तले अस्पताल ल्याएका थिए । अस्पतालमा आइपुग्दा वृद्धको शरीर चिसो भइसकेको अवस्थामा पाइएको मेडिकल कलेजका आइसोलेसन इञ्चार्ज सुनिल  देवले बताउनुभयो । मृतक वृद्धमा दम, उच्च रक्तचाप ...