समाचार

उदयपुर-बालिकालाई ठक्करदिई फरार भएको आशंकामा एक युवालाई मंगलबार मोटरसाईकलसहित प्रहरीले नियन्त्रणमा लिएको छ । जिल्लाभन्दा बाहिरबाट नियन्त्रणमा लिइएको युवा र मोटरसाईकललाई जिल्ला प्रहरी कार्यालय उदयपुर लगिएको प्रहरीले जनाएको छ । हिजो उदयपुरको बेलाका नगरपालिका ५ मा सोही ठाउँकी ७ बर्षिया बालिका आरती सदालाई कालो रंगको बुलेट मोटरसाईकलले ठक्कर दिई फरार भएको थियो । ठक्करबाट गम्भिर घाइते भएकी बालिकाको उपचारका लागि न्यूरो हस्पिटल विराटनगर लैजादै गर्दा बाटैमा मृत्यु भएको थियो । खोजतलासको क्रममा पक्राउ परेको मोटरसाईकल र चालक जिल्लामा ल्याई बेलुकासम्ममा सोधपुछ तथा अनुसन्धान गरी किटानी हुने प्रहरी नायव उपरिक्षक मेघराज अधिकारीले बताए । पिडितद्वारा चक्काजाम, कारवाही र क्षतीपूर्तीको सहमति यसैबीच पिडित पक्षले पिडकलाई कारवाही र पिडितलाई क्षतिपूर्तीको माग गर्दै मंगलबार विहानै रामपुर–चतरा सडकमा चक्...

गाईघाट–दशैं लागिसकेको भन्दै उदयपुरको त्रियुगा नगरपालिकाकाका कार्यकारी अधिकृत घर हिडिदिएपछि जनताको काम प्रभावित बनेको छ । सरकारी विदा हुनुअघि नै कार्यालय छाडेर कार्यकारी अधिकृत उद्धवप्रसाद रिजाल घर हिडिदिएपछि नगरको कामकारवाही प्रभावित बनेको नगरप्रमुख मेयर बलदेव चौधरीले बताउनुभयो । नगरप्रमुखको हैसियतले आफुलाईसमेत जानकारी नदिइ हिडेको उहाँले बताउनुभयो । अधिकृत रिजाल आइतबार नै घरतर्फ लागेर मंगलबारदेखि मात्र निमित्त तोकेको जनाइएको छ । आफु अनुपस्थित भएपनि सोमबार आप्mनो हाजिरी देखाउन खोजेको बुझिएपछि छड्के गर्न प्रशासनलाई अनुरोध गरिएको मेयर चौधरीले बताउनुभयो । आफु विशेष कामले काठमाडौंमा रहेको बेला विना जानकारी कार्याकारी अधिकृतले पनि कार्यालय छाडेपछि जनताको काम कारवाही प्रभावित भएको स्विकार गर्दै उहाँले आफुलाई जनगुनासोका फोनहरु आइरहेको बताउनुभयो । कार्यकारी अधिकृत रिजालले नगरपालिकाको खास ...

विक्रम राई उदयपुर-दशैंमा गाउँघर फर्किने यात्रुहरुको चाप उदयपुरमा बढेको छ । दशैं आउन पाँच दिनमात्र बाँकी रहदा उदयपुरको सदरमुकाम गाईघाटमा यात्रुहरुको चाप अत्याधिक बढेको हो । विभिन्न ठाउँबाट गाउँघरतर्फ हिडेका यात्रुहरु गाईघाट हुदै जाने हुँदा अत्याधिक चाँप बढेको हो । देशको विभिन्न ठाउँमा रोजागारी, व्यापार व्यवसायी गर्ने देखि विदेशसम्मका यात्रुहरु गाईघाट हुदै पहाडी क्षेत्रमा जाने गर्दछन् । उदयपुरकै पहाडीभेग र खोटाङ क्षेत्रका यात्रुहरु जानेगर्दछन् । यात्रुको चाँपलाई धान्न हिमाली यातायात व्यवसायी संघलाई धौधौ परेको जनाएको छ । संघले त्यसक्षेत्रका लागि २५ वटा बसहरु सञ्चालनमा ल्याएको छ । विहानदेखि दिउसोसम्म सञ्चालन गरिने ती बसहरुमा यात्रु खचाखच भरिने गरेका छन् । भनेजस्तो सिट नपाउने र समयमा बस नपाउने समस्या यात्रुहरुको रहेको छ । यात्रुहरु बसको प्रतिक्षामा गाईघाटको पिपलचौकमा जम्मा हुने गरे...

गाईघाट–विद्युत प्राधिकरणको चरम लापरवाहीमा परी देशकै सबैभन्दा ठुलो उद्योग उदयपुर सिमेण्ट उद्योगले सातादिनमा अढाई करोड नोक्सान व्यहोर्नु परेको जनाएको छ । उत्पादन र विक्रीका हिसावले उद्योग नाफामै रहेपनि प्राधिकरणबाट नियमित विजुली आपुर्ति नहुदा एक सातामै २ करोड ५० लाख नोक्सान व्यहोर्नु परेको उद्योगका नायब महाप्रबन्धक तथा प्लाण्ट महाशाखा प्रमुख नवलकिशोर साहले बताए । उद्योगको बैंक मौजाद अहिलेपनि ५ करोड बढि रहेको साहले बताए । अघिल्लो आर्थिक बर्षमा २५ करोड मुनाफा गरेको उद्योगले यो बर्ष बिद्युत समस्याका कारण सोचेअनुरुप मुनाफा गर्न सक्ने अबस्था नदेखिएको साहले बताए । प्राधिकरणले उद्योगलाई २४ घण्टा बिद्युत आपुर्ति उपलब्ध गराउने आश्वसन दिएपनि दैनिक सरदर १५ घण्टाभन्दा बढि उपलब्ध गराउन नसकेको गुनासो उनले गरे । साहका अनुसार उद्योगले गति लिएकै बेला दैनिक १० देखि १२ पटक बत्ति जाने आउने गर्दा ठूलो ...

गाईघाट-माओवादी केन्द्र उदयपुरले आगामी मंसिर २१ गते हुने संघ र प्रदेशको निर्वाचनका लागि उम्मेद्वारको सिफारिस गरेको छ । माओवादी केन्द्रको बिहिबार र शुक्रबार बसेको सचिवालयको बैठकले केन्द्र र प्रदेशका लागि उम्मेदवारका नाम सिफारिस गरेको हो । एक पदमा तीन/तीन जनाको नाम सिफारिस गरेको जनाएको छ । माओवादी स्रोतका अनुसार माओवादीका बरिष्ठ नेता राम कार्की संघ (केन्द्र) को उदयपुरको क्षेत्र नम्बर २ बाट चुनाव उठ्ने भएका छन । क्षेत्र नं. २ मा कार्कीको साथै मोहनबहादुर खत्री, केपी बरालकोसमेत नाम सिफारिस भएको छ । भने एक नम्बर क्षेत्रबाट सुरेशकुमार राई, मिनबहादुर ठकुरी र पुष्प बस्नेत सिफारिस भएका छन् । संघको प्रतिनिधि सभा निर्वाचनमा सिफारिस हुने राम कार्की पूर्व संचारमन्त्री हुन् । जिल्ला ईन्चार्जसमेत रहेका खत्री पहिलो संविधान सभामा उदयपुर क्षेत्र नम्बर ३ बाट निर्वाचित र २०७० को चुनावमा पराजित बनेका थिए ।...

गाईघाट–जिल्ला प्रहरी कार्यालय उदयपुरले अबैध ढुंगा गिट्टी, बालुवा निकासी गर्ने २३ वटा ट्रक्याक्टर पक्राउ गरेको छ । प्रहरी प्रमुख एसपी नवराज भट्टका अनुसार सुक्रबारसमेत गरी दुई दिनमा ती ट्याक्टरहरु पक्राउ परेका हुन् । असोज १ गतेदेखि सम्झौतानै नगरी निरन्तर रुपमा विभिन्न खोलाहरुबाट बालुवा, गिट्टी, ढुंगा निकाली गर्ने ट्रयाक्टरहरुमाथि निगरानी बढाइ पक्राउ गरिएको एसपी भट्टले बताए । स्थानीयहरुका अनुसार दिनहु दर्जनौं टयाक्टरले चोरी निकासी गर्नाले जिल्लाभित्र दैनिक लाखौं मूल्य बराबरको ढुंगा, गिट्टी अवैध रुपमा निकासी हुने गरेको अवस्थामा प्रहरीले पक्राउ गरेको हो । रातीरातीसमेत खोलाबाट अबैंधरुपमा निकासी गर्ने गरिएको स्थानीयहरुले बताए । स्थानीयका अनुसार विगतमा प्रहरीले पक्राउ गरेपनि सामान्यरुपमै छाडिदिने गरेको थियो । सम्बन्धीत निकायको फितलो कारवाहीलाई अटेर गर्दै ट्याक्टर व्यवसायीहरुले दिन दहाडै चोरी...

युवराज राई । गाईघाट उदयपुरमा शुक्रबार साँझ मृत अवस्थाको एउटा जंगल हात्ती फेला परेको छ । उदयपुरको पूर्वि क्षेत्र बेलका नगरपालिका–८ मा पर्ने माछापुछे« सामुदायीक वन क्षेत्रमा मृत अवस्थाको जंगली हात्ती फेला परेको छ । स्थानीयवासीले देखेपछि सुरक्षा निकायलाई खबर गरेका थिए । हात्तीको पुच्छर र दारा भने काटिएको अवस्थामा रहेकोले तस्करले गायव पारेको अनुमान गरिएको छ । हात्तीको दारा र पुच्छरकै लागि चोरी सिकारीले मारेको हात्ती मारेको हुनसक्ने अनुमान गरिएको छ । हाती के कसरी मरेको भन्ने पत्ता लगाउन प्रहरी र वन कर्मचारीहरु खटिरहेको जिल्ला प्रहरी प्रमुख एसपी नवराज भट्टले बताए । घटना बारे अनुसन्धान गर्न सेक्टर वन कार्यालय सुन्दरपुर र सेक्टर वन कार्यालय चक्रघटी सुनसरीको टोलीसमेत खटिएको जिल्ला वन अधिकृत विष्णुप्रसाद बरालले बताए । मृत हात्तीको पोष्टमार्टमका लागि कोशी वन्यजन्तु आरक्षणको पशु चिकित्सकको ...