पूर्णपुष्टि, बैशाख २०
ताप्ली गाउँपालिका अध्यक्ष उम्मेदवार बाबुराम राईले बिभिन्न नेता तथा जनप्रतिनिधिहले अनावश्यक सपनामा जनतालाई रणभुलमा पार्ने गरेको जनाएको छ । गर्न नसक्ने काम प्रति जनताहरुलाई झुटो आश्वासान देखाउनु भनेको जनताहरुबाट आफै अविश्वासको पात्र बन्नु भन्दा केहि विकल्प नरहेको भन्दै सम्पूर्ण जनप्रतिनिधि तथा नेतृत्वहरुमा सजग रहन समेत सुझाप दिए ।
राईले जनताको विश्वास जित्न पहिले साना साना आवश्यकताहरु पुरा गर्न जरुरी रहेको जनाए । साना तर महत्वका कामहरु स्वास्थ्य, शिक्षा, सडक, बिजुली, खाने पानी, कृषि जस्ता कामहरु बाटै जनताहरु प्रेरीत हुने भएकाले अर्बौ अर्बको योजनाले जनताहरुलाई आश्वासन दिनु भनेको नेतृत्वको लागि निकै घातक व्यवासथा रहेको जनाए ।
पहिलो पुस्ताहरुले यस्ता व्यवस्थालाई निरन्तरर्ता दिँदै गर्दा पछिल्लो पुस्ताहरुको नेतृत्वमा निकै ठुलो असर पुगेको समेत जनाए । जनताले अहिले नेता तथा उम्मेदवारहरुलाई भोट माग्न जाँदा झुटा आश्वासनका लागि आएको बताउने गरेको हुँदा जति सकिन्छ त्यो भन्दा बढी सपना देखाउन नहुने जनाए । उनले भनेका छन्” “ म आफुले गर्न नसक्ने काम र बजेटले भ्याउने भन्दा ठुलो विकासको सपना देखाएर जनताहरुको मिठो निन्द्रा बिगार्न चाहान्न । नेता तथा नेतृत्व जनताको अविभावक समेत भएकाले उनिहरुले बोलेको कुरालाई मनन गर्ने र विश्वास गर्ने हुँदा आवश्यक भन्दा बढी बोलेको कुरा पछि आफ्नै लागि घातक हुने राईले जनाए । उनले पालिका प्रमुखको उम्मेदवारी दिँदै गर्दा पहिले जनताको साना आवश्यक पुरा गर्ने र पछि सम्भावनको विकासहरुलाई विस्तार गर्ने जनाएको छ ।