पूर्णपुष्टि, १९ बैशाख ।
आज राष्ट्रिय सूचना तथा प्रविधि दिवस । उक्त दिवस मे २ का दिन देशैभरी मनाईने गरिन्छ । सूचना तथा प्रविधि सँग सम्बन्धीत ब्यक्ति संघ संस्थाहरुले यस दिवसलाई बिषेश रुपमा मनाउँछ । यसै सन्दर्भमा उदयपुरको गाईघाटमा पनि क्यान महासंघले भव्य दिवस मनाएको छ । शुक्रबार गाईघाट बजारमा प्रभातफेरी र्याली सहित कोणसभा गरेर यो दिवस मनाईएको हो । बिभिन्न विद्यालय, इन्सिटट्युच, प्राविधिक कलेज लगायतको सहभागीतामा उक्त दिवस सम्पन्न गरिएको क्यान महासंघ उदयपुरका सचिव पेशल राईले जानकारी दिए ।
राईका अनुसार यो बर्ष अन्य गतिविधि भने गर्न नसकिएको जनाए । सूचना प्रविधि जस्तो क्षेत्रमा सरकारले बजेट नछुटाउँदा सोचे जस्तो कार्यक्रमहरुलाई अघि बढाउन नसकिएको सचिव राईको गुणासो छ । गत बर्ष भने र्याली तथा कोण सभा सहित बक्तित्वकला लगायत अन्य कार्यक्रमहरु पनि गरिएको थियो । यस बर्ष स्रोत अभाककै कारण गत बर्ष झै अन्य कार्यक्रमहरु गर्न सकिएन, सचिव राईले भने,” । “सूचना प्रविधिको अभियान, डिजिटल नेपालको निर्माण” भन्ने मुख्या नाराको साथ क्यान महासं उदयपुरको आयोजना तथा त्रियुगा नगरपालिकाको सहयोगमा उक्त दिवस मनाईएको हो ।
सूचना प्रविधिले देश र समाजलाई फास्ट बनाईरहेको बेला यसलाई सरकारले हेर्ने र लगानी गर्ने दृष्टी सुस्त रहेको राई बताउँछन् । यस क्षेत्रलाई स्रोत उपलब्ध गराएर थप व्यापक बनाएमा देशको डिजिटल सेवा प्रवाह थप प्रभावकारी बन्ने क्यान महासंघ उदयपुरको अपेक्षा छ । आउँदो समय सरकारले यसलाई स्रोत सुनिश्चित गरी भव्य कार्यक्रमहरु अघि बढाउन सकोस भन्ने क्यानको माग छ ।
