पूर्णपुष्टि, मंसिर १५
खोटाङको खोटेहाङ गाउँपालिका स्थित सावाकटहरे अन्तर वडा स्तरीय भलिवल प्रतियोगिता आजबाट हुँदैछ । खोटेहाङ गाउँपालिका वडा नं ३ सावाकटहरे खोटाङको मुख्य प्रायोजन र युवा तथा खेलकुद विकास समितिको आयोजनामा दोस्रो सावाकटहरे अन्तर वडा स्तरीय भलिवल प्रतियोगिता आज बाट सुरु भएको आयोजकले जनाएको छ ।
गाउँपालिका प्रमुख प्रदिप राईले खेलको औपचारिक उद्घाटन गर्ने भएको छ । आयोजक सहित करिब १० टिमले खेलमा सहभागी जनाउने कार्यक्रम संयोजक आभिष राईले जानकारी दिए । खेलको भव्य तयारीका साथ बुधबार बाट प्रतियोगिता भएको राईले बताए । खेल आज बाट सुरु भई १८ गते सम्म हुने भएको छ । प्रतियोगितामा प्रथम हुनेले रु ५५ हजार नगद अन्य पुरस्कारहरु समेत पाउने छ ।