Month: ७ वर्ष अगाडि

पूर्णपुष्टि, साउन ११ गते । मोरङको एक सामुदायिक वनबाट २ थान भरुवा बन्दुकसहित २ जनालाई प्रहरीले समातेको छ ।  कानेपोखरी गाउँपालिका ७ स्थित जनजागृती सामुदायिक वनबाट समातेको हो । स्थायी प्रहरी चौकी कानेपोखरी, वन कार्यालय कानेपोखरी र जनजागृती वन उपभोक्ता समितिका प्रतिनिधीहरुको संयुक्त टोलीले गस्तीको क्रममा शुक्रबार साँझ समातेको प्रदेश प्रहरी कार्यालय, विराटनगरले जनाएको छ । समातिनेहरुमा कानेपोखरी गाउँपालिका ५ जहदाका २६ वर्षिय धनकेशर राई र उर्लाबारी नगरपालिका ४ का ४४ वर्षिय शम्भु गहतराज रहेका छन् । उनीहरुबाट बारुद भरिएको २ नाल भरुवा बन्दुक फेला परेको थियो । हतियार सहित पक्राउ परेका दुवै जनालाई ईलाका प्रहरी कार्यालय पथरीमा राखि थप अनुसन्धान भईरहेको प्रहरीले जनाएको छ ।...

उदयपुर, साउन १० गते । उदयपुरको कर्णाली भनेर चिनिने लिम्चुङबुङ गाउँपालिकामा शुक्रबार ५० क्विन्टल खाद्यान्न हेलीबाट लगिएको छ । प्रदेश सरकारले  राहतस्वरुप उपलब्ध गराएको खाद्यान्न पालिका अध्यक्ष मेजरकुमार राईले हेलीबाट लगेका हुन् । दाल, नुन, तेलसहितको खाद्यान्न नेपाली सेनाको हेलीबाट विराटनगरदेखि लगिएको हो । हिजोदेखि दुर्गम पालिकाहरु ताप्ली र लिम्चुङबुङमा हेलीबाट खाद्यान्न लगिएको हो । भिषण वर्षातपछि सडक सञ्जाल सबै तहसनहस भएपछि खाद्यान्न संकटलाई सम्बोधन गर्न पालिकाको मागमा प्रदेश सरकारले खाद्यान्न उपलब्ध गराएको हो । यसैबीच खाद्यान्न बोकी लगेको हेलीले एक विरामीको उद्धार पनि गरेको छ । लिम्चुङबुङ गाउँपालिका खाद्यान्न बोकी लगेको हेलिले सो पालिकाको वडा नं. २ की विरामी यसोदा राईको उद्धार गरेको हो । अध्यक्ष राई आफैले विरामीलाई काठमाडौं लिएर गएका छन् । सडक भत्किएकाले उपचार गराउन अस्पताल जान...

दमन राई  सानोछँदा रेडियो नेपालको घटना र विचार नछुटाई सुन्ने गर्थेँ । जोसिलो स्वरमा फरर्र खबर वाचन गरेको मलाई औधी मनपथ्र्यो । मावलीमा बस्दा हजुरबाको रेडियो सुनेर ममा रेडियोप्रतिको प्रेम सुरु भएको थियो । रेडियो सुन्दा रेडियोभित्र कत्रा–कत्रा मान्छे होलान्जस्तो लाग्थ्यो । कहिलेकहीँ त हजुरबाले जे बोल्नुहुन्छ त्यही कुरा रेडियोमा सुनिन्छ जस्तो पनि लाग्थ्यो । साँझमा बालबाटिका होस् या बेलुका प्रहरी कार्यक्रममा आउने सन्देशमुलक नाटक सकेसम्म छुटाउन मनले मान्दैनथ्यो । गाउँकै एकजना भाईको सानो रेडियो किन्नका लागि आमालाई रोईकराई गरेको अहिलेजस्तो लाग्छ । साथमा पैसा थिएन । आमाले गाउँमै सरसापटी गरेर जुटाउनु भएको पैसाले रेडियो हातमा पर्दा फुरुङ्ग बनेको थिएँ । जे होस् एक किसिमले सानैदेखि रेडियोप्रेमी बनेको थिएँ । बेलुकाको ७ बजेपछि प्रशारण हुने घटना र बिचारको वाचन र शैली सुन्दा ‘यसरी नै बोल्न पाए हुन्थ्यो’ ...

उदयपुर, साउन १० गते । नेपाल पत्रकार महासंघ, १ नं. प्रदेशका अध्यक्ष विक्रम लुईटेलले उदयपुरबाट प्रकाशित पूर्णपुष्टि साप्ताहिकको नयाँ कार्यालय र अनलाईनको उद्घाटन गाईघाटमा शुक्रबार गरेका छन् । एक विशेष कार्यक्रमकाबीच अध्यक्ष लुईटेलले रिबन काटेर पूर्णपुष्टिको नयाँ कार्यालय उद्घाटन गरेका हुन् । त्यस अवसरमा उनले पूर्णपुष्टिको नयाँ लोगो पनि सार्बजनिक गर्नुभयो । साथै डब्लुडब्लुडट पूर्णपुष्टि डटकम क्लिक गरी अनलाईनको विमोचन गरे । जिल्ला समन्वय समितिका उपप्रमुख गंगा राईको विशेष आतिथ्यमा भएको कार्यक्रममा पूर्णपुष्टि मिडियाले खबर तथा सूचना, सन्देश प्रवाह गरेर समाजका लागि गरेको योगदानको चर्चा गरिएको थियो । १४ वर्षे यात्रामा रहेको पूर्णपुष्टिले कार्यालय व्यवस्थित पार्नुका साथै संस्थागत विकासमा जोड दिएकोले आगामी दिनमा अझ बढि समाजमा योगदान दिनसक्ने भन्दै साथ, सहयोग दिने प्रतिबद्धता वक्ताहरुले राखेका थ...

उदयपुर, साउन १० गते ।  बन्चरो प्रहार गरी ज्यान मारेको उद्दोगमा फरार रहेका प्रतिबादी तीन वर्षपछि पक्राउ परेको छ । २०७३ सालदेखि फरार रहेका प्रतिबादी त्रियुगा नगरपालिका – ५ निबासी ३३ वर्षीय होमबहादुर बुढाथोकीलाई विहिबार प्रहरीले पक्राउ परेको हो । २०७३ साल मंसिर २४ गते मोहन बुढाथोकीलाई बन्चरो प्रहार गरी गम्भिर घाईते बनाएको थियो । घाईते मोहनको न्यूरो अस्पताल विराटनगरमा उपचारको क्रममा ३० गते मृत्यु भएपछि होम विदेश भागेको प्रहरीले जनाएको छ । प्रतिबादी होम मलेसिया भागेपछि २०७५ साल पुस २ गते रेडकर्नर नोटिस समेत जारी गरी खोजतलास गरिरहेको थियो । होम मलेसिया तीन वर्ष बसेर काठमाण्डौँ आई लुकिछिपी बसेको गोप्य सुचनाको आधारमा निरन्तर पिछागर्दै जानेक्रममा काठमाण्डौँबाट उदयपुर तर्फ आउदै गरेको अवस्थामा लालपत्ताबाट प्रक्राउ गरेको जिल्ला प्रहरी कार्यालय उदयपुरले जनाएको छ । प्रविधिक सुचना प्रप्त भएपछ...

मोरङ, साउन ९ गते ।  मोरङको राम जानकी मन्दिरबाट लागुऔषध सहित एक जना पक्राउ परेको छ । विराटनगर महानगरपालिका – १५ को राम जानकी मन्दिर छेउबाट लागुऔषध सहित अरजिना खातुन पक्राउ परेको हो । विशेष सुचनाको आधारमा विहान करिब ६ बजे प्रहरीले स्थानिय ३० वर्षीय खातुनलाई लागु औषध सहित पक्राउ गरेको प्रहरीले जनाएको छ । झोलामा लुकाई छिपाई ल्याएका लुपिजेसिक २ सय एम्पुल, एभिल २ सय एम्पुल, डाईजोल्याव २ सय एम्पुल, स्पास्मो १ सय ४४ चक्कि, नाईट्रोजन ३० चक्कि, डाईजेल्याप ५ बोतल र नगद २६ हजार रुपैया खातुनको साथबाट बरामद गरेको जिल्ला प्रहरी कार्यालयले जनाएको छ । पक्राउ परेको खातुनलाई जिल्ला अदातल मोरङबाट लागुऔषध नियन्त्रण ऐन २०६३ बमोजिम म्याद थप गरी अनुसन्धान भईरहेको प्रहरीले जनाएको छ ।...

ओखलढुङ्गा, साउन ९ गते । ओखलढुङ्गाको लिखुमा भिरबाट लडेर एक जनाको मृत्यु भएको छ । लिखु गाउँपालिका – ५ निबासी ३७ वर्षीय लोकबहादुर परियार भिरबाट लडेर मृत्यु भएको हो । विहान करिब १० बजे बजारबाट घर आउने क्रममा भिरमा चिप्लिएर लड्दा परियारको मृत्यु भएको जिल्ल प्रहरी कार्यालय ओखलढुङ्गाले जनाएको छ ।

झापा, साउन ९ गते ।  झापाको हल्दीबारीमा खेतमा जमेको पानीमा डुबेर एक युवा मृत अवस्थामा फेला परेको छ । हल्दीबारी गाउँपालिका –१ निबासी ३८ वर्षीय बिरेन्द्र बुढाथोकी खेतमा जमेको पानीमा डुबेको अवस्थामा मृत फेला परेको हो । विहान करिब २ बजे घरबाट निस्केका बुढाथोकी अबेरसम्म घर नफर्कीएपछि खोजतलास गर्ने क्रममा खेतमा जमेको पानीमा डुबी मृत अवस्थामा फेला परेको प्रहरीले जनाएको छ । घटनाको स्थानियले जानकारी दिएपछि प्रहरी टोली घटना स्थल पुगी कानुनी प्रक्रिया पुरा गरी अनुसन्धान भईरहेको प्रहरीले जनाएको छ ।...