संसार

पूर्णपुष्टि, कात्तिक २६  भारतको बिहार राज्यमा जनता दल युनाइटेड (एनडीए) लाई बहुमत प्राप्त भएको छ । २ सय ४३ विधानसभाको लागि भएको चुनावमा एनडीएले १ सय २५ सिट जितिसकेको छ । बहुमतका लागि चाहिने १ सय २२ सिटको आँकडा पार लगाउँदै भाजपा र जनता दल युनाइटेडको गठबन्धन (एनडीए) को सरकार बन्ने पक्का भएको हो । एनडीएको टक्कर दिने महागठबन्धनले १ सय १० सिटमा जित निकालेको छ भने जेडीयूले ४३ सिटमा जितेको छ । अहिले पनि मतगणना चलिरहेको छ ।  बिहार विधानसभाको ३ चरणमा चुनाव सम्पन्न भएको थियो । कोरोना महामारीले चुनावको नतिजा प्रकाशनमा यस पटक केही ढिलाइ भएको निर्वाचन आयोगले जनाएको छ । कोरोना संक्रमणले गर्दा सामाजिक दूरी कायम गर्नुपर्ने जनाउँदै यस पटक मतदान केन्द्रको सङ्ख्या ७२ हजार ७ सय २३ वटा थप गरिएका कारण पनि चुनावी मतगणनामा ढिलाइ भएको अन्तराष्ट्रिय संचारमाध्यले जनाएको छ । यस चुनावमा ३ हजार ७ सय ५५ जना उम्म...

पूर्णपुष्टि, कात्तिक २५  लामो समयदेखि भइरहेको युद्ध रोक्न रुस, अर्मेनिया र अजरबैजानबीच सहमति भएको छ ।  अजरबैजान र आर्मीनीयाबीच ६ हप्तादेखि चलेको युद्धपछि सहमति भएको हो । नगोर्नो काराबाख क्षेत्रलाई लिएर लामो समयदेखि यी दुई देशबीच विवाद छ । विवादित यो भूमि अन्तर्राष्ट्रिय रूपमा अजरबैजानको मानिन्छ । तर त्यो क्षेत्र सन् १९९४ देखि अर्मेनियाको जातीय समूहको नियन्त्रणमा छ । नयाँ सम्झौताअनुसार युद्धका क्रममा नगोर्नो काराबाख क्षेत्रमा आफ्नो नियन्त्रणमा लिन सफल स्थान अजरबैजानले प्राप्त गर्नेछ । त्यसबाहेक अन्य केही क्षेत्रबाट समेत आफू हट्न अर्मेनियाले सहमति जनाएको अन्तराष्ट्रिय संचारमाध्यले जनाएको छ । युद्धका क्रममा अजरबैजानले रुसको सैन्य हेलिकप्टर खसालेको पनि स्वीकार गरेको छ । यो आक्रमणमा चालक दलका दुई सदस्यको मृत्यु भएको थियो भने एक जना घाइते भएका थिए । यो क्षेत्रमा रुसी शान्ति सेनाको उपस्थि...

पूर्णपुष्टि, कात्तिक २५  अमेरिकी राष्ट्रपतिमा निर्वाचित जो बाइडेनले कोरोना भाइरस नियन्त्रणको प्रयासका लागि टास्क फोर्स घोषणा गर्नु भएको छ । १३ सदस्यीय टास्क फोर्स गठनको घोषणासँगै बाईडेनले महामारीलाई नियन्त्रण गर्न विज्ञान र विशेषज्ञको कुरालाई मान्ने बताएको अन्तराष्ट्रिय संचारमाध्यले जनाएको छ । कोरोना महामारीलाई नियन्त्रण गर्नु आफ्नो पहिलो प्राथमिकता रहेको बाईडेनले बताउँदै आउनु भएको छ । त्यस्तै, बाइडेनले आफ्नो जीवन रक्षाका लागि मास्क लगाउन पनि आग्रह गर्नु भएको छ । तीव्र गतिमा कोरोना भाइरसको महामारी फैलिरहेकाले मास्कको प्रयोग गर्न उहाँले अनुरोध गर्नु भएको हो । बाइडेनले अझै खराब अवस्था आउन सक्ने सम्भावना रहेकाले सचेत हुन आग्रह गरेको अन्तराष्ट्रिय संचारमाध्यमले जनाएको छ । कोरोना महामारीसँग जुध्न र कोरोना विरुद्धको खोप खोजीका ठूलो चुनौती रहेको जनाईएको छ । अमेरिका कोरोना भाइरसको महामारीब...

पूर्णपुष्टि, कात्तिक २५  अमेरिकी रक्षामन्त्रि मार्क एस्पर पदबाट हटेको छ । अमेरिकी राष्ट्रपति डोनाल्ड ट्रम्पले रक्षामन्त्री मार्क एस्परलाई पदबाट हटाउनुभएको हो । अमेरिकी राष्ट्रपति ट्रम्पले ट्वीटरमार्फत् एक जना उच्च अधिकारीलाई पदबाट बर्खास्त गरिएको घोषणा गर्नुभएको हो । नेशनल काउन्टर टेरोरिजम सेन्टरका प्रमुख क्रिस्टोफर मीलरले रक्षा मन्त्रीको भूमिका निर्वाह गर्ने अन्तराष्ट्रिय संचारमाध्यले जनाएको छ । एस्परलाई निष्कासित गरिएकोबारे कारण भने खुलाइएको छैन । पछिल्ला केही हप्ता ट्रम्प र एस्परबीच सार्वजनिक रुपमै फरक मत देखिन थालेको थियो । केही समयअघि जातीय विभेदका विषयमा भएको प्रदर्शन मत्थर पार्नका लागि ह्वाइट हाउसले सेना प्रयोग गर्ने विषयमा एस्पर ट्रम्पको विपक्षमा उभिनुभएको थियो । अमेरिकामा डेमोक्रेटिक पार्टीका उम्मेदवार जो बाइडेन राष्ट्रपतिमा निर्वाचित भइसकेको भए पनि ट्रम्पले हार स्वीकार गर...

पूर्णपुष्टि, कात्तिक २४ चालु आर्थिक वर्षको चार महिनामा चीनले नेपालमा सबैभन्दा बढी प्रत्यक्ष वैदेशिक लगानी (एफडीआई) को प्रतिवद्धता जानाएको छ । यस अवधिमा चीनले नेपालमा १ सय ३२ अमेरिकन डलर लगानी गर्ने प्रतिवद्धता गरेको छ । कोभिड–१९ का कारण पर्यटन क्षेत्र एकदमै प्रभावित भए पनि यस अवधिमा सबैभन्दा बढी एफडीआई प्रतिवद्धता पर्यटन क्षेत्रमा आएको छ । केही वर्षयता निरन्तररुपमा चीन नेपालमा प्रत्यक्ष लगानी गर्ने पहिलो मुलुक बन्दै आएको छ । पर्यटन क्षेत्रमा चीनले ८९ मिलियन अमेरिकी डलर लगानी गर्ने प्रतिवद्धता गरेको संचारमाध्यलहरुले जनाएका छन् । जुन चीनले नेपालमा प्रतिवद्धता गरेको एफडीआइएको ६६ प्रतिशत हुन आउँछ । यस अवधिमा ब्रिटिश भर्जिन आइल्याण्ड, भारत, ब्रिटेन र मेक्सीकोले पनि लगानीको प्रतिवद्धता गरेका छन् ।...

पूर्णपुष्टि, कात्तिक २४  अजरबैजानले विवादित नागोर्नो–काराबाखको एक सहर कब्जा गरेको दाबी गरेको छ । अजरबैजानका राष्ट्रपति इलहाम अलीयेवले नागोर्नो–काराबाखको शुशा सहर आफ्नो कब्जामा लिएको अन्तराष्ट्रिय संचारमाध्यले जनाएको छ । अर्मेनियाको भाषामा यो सहरलाई शुशी भन्ने गरिन्छ । अर्मेनियाले भने अजरबैजानको यो दाबीलाई अस्वीकार गर्दै लडाइ अझै जारी भएको जनाएको छ । विवादित नागोर्नो काराबाख ४ हजार ४ सय वर्ग किलोमिटर क्षेत्रफलमा फैलिएको पहाडी इलाका हो । जुन सोभियत सङ्घ विघटन हुनुभन्दा पहिला स्वायत्त क्षेत्र बनेको थियो । पहिला यसलाई अजरबैजानका हिस्सा मानिन्थ्यो । तर अर्मेनिया र अजरबैजान दुवैले यसलाई आफ्नो क्षेत्र दाबी गर्ने गरेको जनाईएको छ । यो क्षेत्रमा इसाई अर्मेनीयाली र तुर्क मुसलमानको बसोबास रहेको छ । विवादित यो क्षेत्रलाई लिएर अजरबैजान र अर्मेनियाबीच लामो समयदेखि मतभेद हुँदै आएको छ । सन् १९९० दश...

पूर्णपुष्टि, कात्तिक २३ विश्वमा कोरोना सङ्क्रमितको सङ्ख्या पाँच करोड नाघेको छ । दुई सय १६ देशमा फैलिएको कोरोना भाइरसबाट अहिलेसम्म पाँच करोड तीन लाख ५० हजार भन्दा धेरैमा सङ्क्रमण पुष्टि भएको वल्डोमिटरले जनाएको छ । सङ्क्रमितमध्ये १२ लाख ५७ हजार चार सय भन्दा धेरैको मृत्यु भईसकेको छ भने तीन करोड ५६ लाख भन्दा धेरै निको भइसकेका छन् । विश्वमा अहिले एक करोड ३४ लाख ९१ हजार भन्दा धेरै सक्रिय सङ्क्रमित रहेका छन् । कोरोना भाइरसबाट सबैभन्दा धेरै प्रभावित बनेको अमेरिकामा एक करोड एक लाख ८५ हजार भन्दा धेरैमा सङ्क्रमण पुष्टि भएको छ । अमेरिकामा दुई लाख ४३ हजार भन्दा धेरैको मृत्यु भईसकेको छ भने ६४ लाख ४२ हजार भन्दा धेरै निको भएका छन् । विश्वका नौ वटा देशमा १० लाख भन्दा धेरैमा सङ्क्रमण पुष्टि भएको छ । प्रभावितहरुको दोस्रो सूचीमा रहेको भारतमा ८५ लाख सात हजार भन्दा धेरैमा सङ्क्रमण पुष्टि भएको छ । भारतमा...

पूर्णपुष्टि, कात्तिक २३ संयुक्त राज्य अमेरिकाको राष्ट्रपतीय चुनावमा जो बाइडेन विजयी हुनुभएको छ । योसँगै डेमोक्रेटिक पार्टीका जो बाइडेन अमेरिकाको ४६ औं राष्ट्रपतिमा निर्वाचित हुनुभएको हो । जो बाइडेनले आफ्ना निकटतम प्रतिद्वन्द्वी तथा रिपब्लिकन पार्टीका उम्मेदवार डोनाल्ड ट्रम्पलाई ५९ इलेक्टोरल मतले पछि पार्दै राष्ट्रपतीय चुनावमा जित हात परेको हो । योसँगै भारतीय मूलकी कमला हसन अमेरिकाको उपराष्ट्रपति पदमा निर्वाचित हुनुभएको छ । ह्वाइट हाउससम्म पुग्नको लागि आवश्यक २ सय ७० इलेक्टोरल भोट पार गर्दै बाइडेन विजयी बन्नुभएको अन्तराष्ट्रिय संचारमाध्यले जनाएको छ । महत्वपूर्ण मानिएको पेन्सिल्भेनिया राज्यमा जित हात पारेसँगै जो बाइडेनले २ सय ७३ इलेक्टोरल भोट प्राप्त गर्नुभएको जनाईएको छ । बाइडेनका प्रतिद्वन्द्वी ट्रम्पको भागमा भने २ सय १४ इलेक्टोरल भोट परेका छन् । राष्ट्रपति चयनका लागि अमेरिकामा नोभे...

पूर्णपुष्टि, कात्तिक २२  अमेरिकी राष्ट्रपति चुनावको जर्जियामा फेरि मतगणना हुने भएको छ । जर्जियाको सेक्रेटरी अफ स्टेट ब्रैड रेफेन बर्गरले जर्जियामा फेरि मतगणना हुने घोषणा गर्नुभएको हो । जर्जियामा डेमोक्रेटिक पार्टीका उम्मेदवार जो बाइडेनले एक हजारभन्दा कम मतको अग्रता कायम गर्नुभएको छ । झिनो मतान्तरले निर्णय भएका ठाउँमा फेरि मतगणना हुने गरेको छ । जर्जियाको कानुनअनुसार कुल मतको ०.५ प्रतिशतभन्दा कम अन्तरले निर्णय भएमा हार्ने उम्मेदवारले फेरि मतगणना माग गर्न पाउँछ । त्यस्तो माग नतिजा सार्वजनिक भएको दुई दिनभित्र गर्नुपर्ने हुन्छ । जर्जियामा अझै मतगना चलिरहेको छ । यसैबीच अमेरिकी राष्ट्रपति चुनावको पछिल्लो मत परिणामअनुसार मतगणना भइरहेका पाँच मध्ये चार राज्यमा डेमोक्रेटिक पार्टीका उम्मेदवार जो बाइडेनले मतान्तर बढाउँदै लैजानुभएको अन्तराष्ट्रिय संचारमाध्यले जनाएको छ । बाईडेन नेभाडामा २१ हजा...

पूर्णपुष्टि, कात्तिक २१ अमेरिकामा भएको राष्ट्रपतीय चुनावमा डेमोक्रेटिक पार्टीका उम्मेदवार जो बाइडेनको अग्रता कायमै रहेको छ । दुई उम्मेदवार डेमोक्रेटिक पार्टीका जो बाइडेन र अहिलेका राष्ट्रपति रिपब्लिकन पार्टीका उम्मेदवार डोनाल्ड ट्रम्पबीच कडा प्रतिस्पर्धा छ । जित नजिक पुग्नु भएका डेमोक्रेटिक पार्टीका उम्मेदवार बाइडेनले इतिहासमै सबैभन्दा धेरै लोकप्रिय मत पाउनु भएको छ । उहाँले पूर्व राष्ट्रपति बाराक ओबामाको रेकर्डलाई पनि तोडेको अन्तर्राष्ट्रिय सञ्चार माध्यमले जनाएका छन् । सन् २००८ मा बाराक ओबामाले ६ करोड ९४ लाख ९८ हजार ५ सय १६ मत पाउनु भएको थियो भने अहिले बाइडेनले ७ करोड २७ लाखभन्दा बढी मत पाउनु भएको छ । केही राज्यमा मत गणना भैरहेको छ । फाइनल नतिजा आउन अझै केही समय लाग्ने देखिएको छ । राष्ट्रपतिका लागि आवश्यक पर्ने २ सय ७० इलेक्टोरल मतमा बाइडेन ६ मतले मात्रै पछि हुनुहुन्छ । पछिल्लो ...