संसार

पूर्णपुष्टि, भदौ २५ भारतको नयाँ दिल्लीमा जनस्वास्थ्यका मापदण्ड पालना गर्न र गराउन प्रहरी परिचालन गरिने भएको छ । हरेक प्रहरी युनिटमा कोभिड १९ को महामारी नियन्त्रण र रोकथामका लागि आवश्यक पर्ने सरकारले जारी गरेका जनस्वास्थ्यका मापदण्ड पूर्णरुपमा पालना गराउने बारेमा एक प्रहरी टिम परिचालन गरिने भएको हो । स्वास्थ्य मापदण्ड पालना नहुने क्रम बढेपछि कडाइका लागि प्रहरी खटाउन लागेको भारतीय सञ्चारमाध्यमले जनाएका छन् । अब स्वास्थ्यका मापदण्ड पालना नगरे कडा कारबाही गरिने दिल्ली प्रहरीले जनाएको छ ।...

पूर्णपुष्टि, भदौ २४ अफगानिस्तानको राजधानी काबुलमा भएको बम विस्फोटमा कम्तीमा १० जनाको मृत्यु भएकोे छ । उपराष्ट्रपति अम्रुल्लाह सालेहलाई लक्षित गरेर गराएको बम विस्फोटमा सालेह र एक अफगानिस्तानको पूर्वगुप्तचर सेवा प्रमुखलाई सामान्य चोट लागेको अन्तराष्ट्रिय संचारमाध्यमले जनाएको छ । मृत्यु हुने र घाइते हुनेहरुमा उपराष्ट्रपति सालेहका अङ्गरक्षकहरु पनि रहेका जनाईएको छ । अफगानिस्तानका अधिकारी र तालिबानले पहिलो औपचारिक वार्ता सुरु गर्न तयारी गरिरहेको बेला बम विस्फोट भएको हो । सालेह तालिबानका मुख्य विरोधीको रूपमा चिनिनुहुन्छ । तर तालिबानले भने आफूले बम विस्फोट नगराएको दाबी गरेको छ । बम विस्फोटपछि उपराष्ट्रपति सलेहले आफ्नो एउटा हात सामान्य जलेको र आफूलाई लक्षित गरी आक्रमण भए पनि राजनीतिक यात्रा नरोकिने बताउनुभएको छ । अफगानिस्तानका अधिकारीहरुले राजनीतिक सहमतिसम्म पुग्नका लागि कतारको दोहामा ...

पूर्णपुष्टि, भदौ २४ बेलायतमा सार्वजनिक स्थानमा ६ जना भन्दा धेरै मानिस भेला भए जरिवाना तिर्नु पर्ने छ । कोरोना भाइरसको सङ्क्रमण रोक्न सरकारले आउँदो सोमबार अर्थात १४ सेप्टेम्बरदेखि ६ जना भन्दा धेरै भेला हुन नपाउने निर्णय कार्यान्वयन गर्न लागेको अन्तराष्ट्रिय संचारमाध्यमले जनाएको छ । सरकारले गरेको निर्णय उल्लङ्घन गर्ने र प्रहरीको आग्रहलाई नटेर्नेलाई एक सय देखि ३२ सय युरोसम्म जरिवाना तिराइने जनाईएको छ । उक्त जरिवाना रकम नेपालीमा चार लाख ४४ हजार रुपैयाँ हुन आउँछ । यसबारेमा थप जानकारी आज प्रधानमन्त्री बोरिस जोनसोनले दिने संचारमाध्यमहरुले जनाएको छ । यसअघि कोरोना संक्रमण रोक्न प्रहरीलाई विशेष रुपमा अधिकार दिएर भेलाहरु रोक्नुपर्ने बारिसले बताएका थिए । बेलायतमा होटल तथा रेष्टुरेन्ट खोल्न पाइने छ । तर एउटै समूहमा ६ जना भन्दा धेरै बस्न पाइनेछैन । ६ जना भन्दा धेरै भेला हुन नपाउने नियम स्कुल, ...

पूर्णपुष्टि, भदौ २४ अमेरिकाको क्यालिफोर्निया राज्यमा लागेको डढेलो तिब्र रुपमा फैलिएको छ । तीन हप्ता अघि शुरु भएको डढेलो २० लाख हेक्टर क्षेत्रमा फैलिएको हो । डढेलोबाट आठ जनाको मृत्यु भईसकेको क्यालिफोर्नियाको वन विभागले जनाएको छ । डढेलोले ३ हजार ३ सयभन्दा धेरै संरचनामा क्षति पुगेको अन्तराष्ट्रिय संचारमाध्यले जनाएको छ । एउटै मौसममा यति ठूलो क्षेत्रमा डढेलो फैलिएको यो पहिलोपटक भएको विभागले जनाएको छ । विभागले हावाहुरीको कारण डढेलो नियन्त्रणमा लिन समस्या भएको जनाएको छ । यस वर्षको डढेलो क्यालिफोर्नियाको इतिहासमै सबैभन्दा खतरनाक रहेको जनाईएको छ । क्यालिफोर्नियाको विभिन्न एक हजार भन्दा धेरै ठाउँमा डढेलो लागिरहेको छ । यस्तै २२ वटा काउण्टीमा बिजुली काटिएको छ । त्यहाँ एक लाख ७० हजार भन्दा धेरै मानिस प्रभावित भएका छन् । डढेलो धेरै लागेको कतिपय ठाउँमा आपतकालीन स्थितिको घोषणा गरिएको छ ।...

पूर्णपुष्टि, भदौ २४ अक्सफोर्ड विश्वविद्यालयले विकास गरेको कोरोना भाइरस विरुद्धको खोप लगाएका एक जना व्यक्ति बिरामी परेपछि क्लिनिकल परीक्षण स्थगित भएको छ । खोपको तेस्रो चरणको परीक्षणमा विश्वविद्यालयले विश्वका विभिन्न ठाउँका करिब ३० हजार मानिसमा परिक्षण गरेकामध्ये एक जना बिरामी परेपछि सबै ठाउँमा भइरहेको परीक्षण रोकेर स्वतन्त्र जाँचको तयारी थालेको अन्तराष्ट्रिय संचारमाध्यमले जनाएको छ । जाँचपछि सुरक्षा मानकको समिक्षा गरेर मात्रै परीक्षण पुनः शुरु गर्ने वा नगर्ने निर्णय हुने जनाईएको छ । यो घटनाले सबैभन्दा पहिले प्रयोगमा आउने र सुरक्षित हुने ठानिएको खोपको परीक्षण नै स्थगित भएपछि कोरोना विरुद्धको अभियानमा धक्का लागेको संचारमाध्यमहरुले जनाएका छन् । अहिले विश्वभरमा करिब एक दर्जन ठाउँमा कोरोना विरुद्धको खोपको परीक्षण भैरहेको छ । तीमध्ये सबैभन्दा अगाडि अक्सफोर्ड विश्वविद्यालयको परीक्षण रहेको...

पूर्णपुष्टि, भदौ २४ विश्वमा कोरोना संक्रममणबाट मृत्यु हुनेको सख्ंया नौ लाख नाघेको छ । गत २४ घण्टामा चार हजार दुई सय सात जनाको मृत्यु भएसँगै संक्रमणबाट मृत्यु हुनेको संख्या नौ लाख सात सय ६३ जना पुगेको हो । गएको २४ घण्टामा दुई लाख ३४ हजार भन्दा धेरैमा सङ्क्रमण पुष्टि भएको छ । योसँगै विश्वमा कोरोना सङ्क्रमितको संख्या दुई करोड ७७ लाख १५ हजार भन्दा धेरै भएको वल्डोमिटरले जनाएको छ । उक्त सङ्क्रमितमध्ये एक करोड ९८ लाख दुई हजार भन्दा धेरै निको भएका छन् भने अहिले संसारमा ७० लाख १२ हजार भन्दा धेरै सक्रिय सङ्क्रमित रहेका छन् । गत २४ घण्टामा भारतमा मात्रै ८९ हजार आठ सय ५२ जना नयाँ सङ्क्रमित थपिएका र एक हजार एक सय सात जनाको मृत्यु भएको वल्डोमिटरले जनाएरको छ । अमेरिका, ब्राजिल, रसिया लगायतका देशमा दैनिक सङ्क्रमण र मृत्यु हुनेको संख्या घट्दै गए पनि भारतमा भने केही दिनदेखी उच्च संख्यामा बिरामी...

पूर्णपुष्टि, भदौ २३ जरिवाना तिर्न नसक्दा नेपाल एअरलाइन्समा स्वदेश फर्कन टिकट काटेका ७० जना यूएईमै रोकिएका छन् । समय अवधिभित्र स्वदेश फर्कन नपाउँदा लागेको ओभरस्टे बापतको जरिवाना तिर्न नसक्दा टिकट काटिसकेका ७० जना यूएईमै रोकिएको नेपाल एअरलाइन्सले जनाएको छ । कोरोना भाइरसको महामारीका कारण समय अवधिभित्र स्वदेश नफर्कंदा भिसा सकिएपछि जति दिन बसेको हो त्यसअनुसार प्रत्येक दिन बापतको जरिवाना तिर्न नसक्दा उनीहरु रोकिएको जनाईएको छ । टिकट काटेर घर फर्कन विमानस्थल पुगिसकेका नेपालीहरु यूएईको अध्यागमनमा जरिवाना बापतको रकम बुझाउन नसक्दा बिमानस्थलमै अड्किने क्रम बढेको छ । यूएईबाट हिमालय एअरलाइन्स, फ्लाई दुबई र एअर अरेबियाले पनि उडान भरिरहेका छन् । यी एअरलाइन्समार्फत घर फर्कन टिकट काटेकाहरु पनि जरिवाना तिर्न नसक्दा फर्कन पाएका छैनन् । यूएईले मार्चभन्दा अघि भिसाको अवधि सकिएकालाई जरिवाना मिनाह गरि...

पूर्णपुष्टि, भदौ २३ रुसमा बन्दै गएको कोरोना भाइरसविरुद्धको खोप भारतमा पनि परीक्षण हुने भएको छ । स्पुनिक पाँच नाम दिइएको खोप भारतसहितका केही देशमा यही महिनामा परीक्षण गर्न लागिएको रुसी अधिकारीले बताएका छन् । भारत, साउदी अरब, युनाइटेड अरब इमिरेट्स (यूएई), फिलिपिन्स, ब्राजिलमा पनि खोपको परीक्षण हुन लागेको जनाईएको छ । यो खोपको पहिलो र दोस्रो चरणको परीक्षण रुसमै भएको थियो । अब तेस्रो चरणको परीक्षण गर्न लागिएको जनाएको छ । यो परीक्षणको नतिजा आउँदो अक्टोबरदेखि नोभेम्बरसम्ममा प्रकाशित हुनसक्ने जनाएको छ ।...

पूर्णपुष्टि, भदौ २२ अष्ट्रेलियासँगको टी–२० क्रिकेट श्रृङ्खलामा इंग्ल्याण्डले जित हात पारेको छ । गतराति भएको दोस्रो खेलमा ६ विकेटले जित हात पारेको हो । साउथह्याम्टनमा पहिले ब्याटिङ गरेको अष्ट्रेलियाले २० ओभरमा ७ विकेट बनाएर एक सय ५७ रन बनाएको थियो । ३ रन बनाउँदा २ विकेट गुमाएको अष्ट्रेलियाले निकै खराब सुरुवात गरेको थियो । तर एरोन फिन्चको ४० र मार्कुस स्टोनिसको ३५ रन मद्दतमा एक सय ५७ रनको मध्यम स्कोर बनाएको थियो । तर एक सय ५८ रनको लक्ष्य इंल्याण्डले चार विकेट गुमाएर ७ बल अघि नै भेटायो । जोस बटलरले नटआउट ७७ रन बनाए । पहिलो खेल इंल्याण्डले दुई रनले जितेको थियो ।...

पूर्णपुष्टि, भदौ २१ बेलायतको बर्मिङ्घम सिटी सेन्टरमा चक्कु आतंक भएको छ । सिटी सेन्टरमा कैयौँ व्यक्तिमाथि चक्कु प्रहार भएको हो । यस घटनालाई स्थानीय प्रहरीले ठूलो घटनाको संज्ञा दिएको अन्तराष्ट्रिय संचारमाध्यमले जनाएको छ । यो आक्रमण कसले गराएको र आक्रमणमा कति जना, कुन हदसम्म घाइते भए भन्ने कुरा अहिलेसम्म खुलिनसकेको जनाईएको छ । घटनामा कैयौँ व्यक्ति घाइते भएको खबर प्राप्त गरेको प्रहरीले जनाएको संचारमाध्यमहरुले जनाएका छन् । तर कति जना घाइते भए र कस्तो अवस्था छ भन्ने स्थितिमा थाहा नभएको जनाईएको छ । प्रहरीले घटनास्थलमा आपत्कालीन सेवाको प्रबन्ध गरिएको र घाइतेहरुको उपचार सुरु गरिएको जनाएको छ । प्रहरीले स्थानीयहरुलाई शान्त र सतर्क रहन आग्रह गरेको जनाईएको छ ।...