समाचार

उदयपुर, साउन १३ गते । उदयपुरको बेलका नगरपालिकामा सोमबार नयाँ जातको धानको बीउ छरिएको छ । सुक्खा जमिनमा फल्ने हर्दिनाथ १ र २ नामक धानको विउ छरिएको हो । पालिकाको वडा नं. ८ मेघबारीको खेतमा छरिएको हो । मेयर दुर्गाकुमार थापाका अनुसार हाल परिक्षणको रुपमा ८ कठ्ठाको लागि ब्याड् छरेर नयाँ जातको धान रोपिनेछ । नार्कको सहयोगमा कृषि अनुसन्धान केन्द्र तरहराको प्राविधिक सहयोगमा ब्याड् छर्ने काम भएको हो । हाल गरिएको परिक्षण सफल भएमा पालिकाको सिंचाईको पर्याप्त सुविधा नभएको क्षेत्रमा लगाईनेछ । उत्पादन मा हाम्रो साथ, बस्तिन म खाली हात भन्ने नाराका साथ पालिकाले यो वर्ष उत्पादन वर्ष मनाईरहेको छ ।...

उदयपुर, साउन १३ गते । खाँबुका विपद्मा परेका महिलाहरुलाई आत्मसम्मान सामग्री सोमबार वितरण गरिएको छ । त्रियुगा नगरपालिका १५ खाँबुका ५० जना महिलाहरुलाई वितरण गरिएको हो । आत्मसम्मान सामग्रीमा महिलाहरुले प्रयोग गर्ने सरसफाई तथा दैनिक प्रयोगका सामाग्रीहरु पर्दछन् । त्रियुगा नगरपालिका, जिल्ला विपद् व्यवस्थापन समिति उदयपुर र युएनएफपीएले वितरण कार्यक्रमको आयोजना गरी गाउँमै पुगेर महिलाहरुलाई वितरण गरेका हुन् । जिल्ला समन्वय समिति उदयपुरका प्रमुख खड्ग परियार, उपप्रमुख गंगा राई, त्रियुगा नगरपालिकाका मेयर बलदेव चौधरी, वडाध्यक्ष निरबहादुर मगर लगायतले सामग्री हस्तान्तरण गरेका थिए । आत्मसम्मान सामग्री पाएपछि महिलाहरुले खुसी ब्यक्त गरेका थिए । उनीहरुले प्राप्त सामग्रीको सहि सदुपयोग गर्ने बताएका छन् ।  ...

साउन १३ गते ।  गत वैशाखमा भएको कक्षा १२ को परीक्षाफल सार्वजनिक भएको छ । राष्ट्रिय परीक्षा बोर्डले सोमबार साँझ १२ को नतिजा सार्वजनिक गरेको हो । परीक्षामा नियमिततर्फका २ लाख ९२ हजार १ सय ५३ जना, ग्रेडवृद्धितर्फका ७८ हजार ७ सय ४४ र आंशिकतर्फ ५७ हजार १ सय ७० जनाले परीक्षा दिएका थिए । दिउँसो बसेको परीक्षा बोर्डको बैठकले नतिजा सार्वजनिक गरिएको हो । नियमिततर्फका ३ हजार ६७ जनाले ३.६१ देखि ४.०० सम्म जीपीए ल्याएको छ भने १६ हजार २ सय ४ जनाले ३.२१ देखि ३.६० सम्म जीपीए ल्याएका छन् । ५६ हजार ५ सय ३ जनाले २.४१ देखि २.८० सम्म जिपिए ल्याएको छ भने  ८६ हजार २ सय २७ जनाले २.०१ देखि २.४० जीपीए ल्याएका छन् । त्यस्तै ६२ हजार ६ सय १९ जनाले १.६१ देखि २.०० सम्म जीपीए ल्याएको राष्ट्रिय परीक्षा बोर्डले जनाएको छ । १९ हजार जनाले १.२१ देखि १.६० सम्म जिपिए ल्याएका छन् भने ३ हजार ५ सय २४ जना ०. ८१ देखि १.२...

जयराम पूर्वछाने मगर बेलका, साउन १३ गते । उदयपुरको बेलकामा झोलुङ्गे पुल उद्घाटन भएको छ । बेलाका नगरपालिका – ६ को सिसुवा खोलाको पुल आईतबार उद्घाटन भएको हो । एक सय सात मिटर लम्बाई भएको ३८ लाख ७७ हजार लागतमा बनेको झोलुङ्गे पुलको नगरको मेयर दुर्गाकुमार थापा (स्वतीक)ले उद्घाटन गरेको थियो । पुल सङगै विकास निर्माणका कामहरु तिब्र रुपमा भइ रहेको मेयर थापाले बताए । नगरपालिकाको पहाडी एरियामा रहेका केहि वडाहरुमा विकासको काममा चुनौति आउने गरेको मेयर थापाले बताए । विकासको काममा बाधा र चुनौतीहरुलाई चिर्दै दिगो विकासमा सबै नगरबासी लाग्न मेयर थापाले आग्रह गरेका छन् । उद्घाटन भएका पुलले दुई गाउँलाई बाह्रै महिना जोड्ने र विद्यार्थीहरुलाई विद्यालय आवत जावतमा सहजता ल्याएको बेनपा – ६ का वडाध्यक्ष वसन्त मगरले बताए । वर्षायाममा खोला बाढी आएर मान्छे बगाउने र विद्यार्थीहरु विद्यालय जान नपाउने समस्या ह...

सुनसरी, साउन १३ गते ।  सुनसरीको केशलियाबाट लागुऔषध गाँजा सहति भारतिय नागरीक पक्राउ परेको छ । बर्जु गाउँपालिका – ३ केशलिया खोला छेउ नेपाल भारत जोड्ने बाटोमा चेकजाँच गर्ने क्रममा विकेशकुमार राय १२ केजी गाँजा सहित पक्राउ परेको हो । भारतको अररिया जिल्ला हासकोसा ग्रामपंचायत घर बताउने २० वर्षीय रायलाई चेकिङ्मा खटेका प्रहरी टोलीले चेक जाँच गर्दा १÷१ केजी प्याक गरेका अवस्थमा १२ केजी रायको साथबाट लागु औषध गाँजा फेला पारेको प्रहरीले जनाएको छ । लागु औषध सहित पक्राउ परेका रायलाई जिल्ला अदालत सुनसरीबाट म्याद थप गरी अनुसन्धान भईरहेको जिल्ला प्रहरी कार्यालय सुनसरीले जनाएको छ ।...

  मोरङ, श्रावण(१३ गते । नगद चोरी गरी फरार रहेका मोरङ कटहरी गाँउपालिका १ बस्ने २० बर्षीय सुरज कामतलाई प्रहरीले पक्राउ गरेको छ । साउन ७ गते कामतले बिराटनगर १ बस्ने मोतीराज दाहालको घरबाट नगद १३ लाख ५० हजार रुपैया चोरी गरी फरार रहेका थिए । फरार रहेका कामतलाई हिजो बिराटनगर १ स्थितबाट  पक्राउ गरिएको जिल्ला प्रहरी कार्यालय मोरङले जनाएको छ । पक्राउ परेका कामतको साथबाट नगद ३ लाख ८१ हजार रुपैया र १ लाख ५ हजार पर्ने १ थान क्ब्ःक्ग्ल्न् मोबाईल समेतबरामद गरिएको  साथै उनि उपर थप अनुसन्धान भईरहेको उक्त कार्यालयले जनाएको छ ।  ...

  झापा,श्रावण(१३ गते । झापाको कन्काई नगरपालिका २ सेल्फी डाँडाका १९ बर्षीय सोमकिस्कुको करेन्ट लागेर मृत्यु भएको छ । बिहान साढे ८ बजे सोहि स्थानमा रहेको टेकनारायण संग्रौलाको प्लटिङ जग्गामा काम गर्ने क्रममा खेतमा राखेको पानी तान्ने मोटरको नाङ्गो तारमा परी मृत्यु भएको हो । उनको उपचारको क्रममा किस्कुको १० बजे बिर्ता सिटी अस्पताल बिर्तामोडमा मृत्यु भएको ईलाका प्रहरी कार्यालय सुरुङाले जनाएको छ ।  ...

  मोरङ कानेपोखरी गाउँपालिका ५ का ४२  बर्षीय तेजेन्द्र अधिकारीको कुलोमा डुबेर मृत्यु भएको छ । मादक पदार्थ सेवन गरी आज बिहान पउने ११ बजे घर नजिकै रहेको फलैचामा बसिरहेको अवस्थामा सोही फलैचाबाट लडेर कुलोमा डुब्दा मृत्यु भएको ईलाका प्रहरी कार्यालय पथरीले जनाएको छ ।  

साउन १३ गते ।  वैशाखमा संचालन भएको कक्षा १२ को परीक्षाको नतिजा आज सार्वजनिक हुने भएको छ । राष्ट्रिय परीक्षा बोर्डले कक्षा १२ का परीक्षाको नतिजा आज सार्वजनिक गर्ने तयारी गरेको हो । नतिजा प्रकाशितका लागि सबै तयारी पूरा भइसकेको परीक्षा बोर्ड स्रोतले जनाएको छ । परीक्षार्थीले प्राप्त गरेको प्राप्तांक जोडेर रुजु गर्ने कामसमेत सकिएको छ । परीक्षाको नतिजा प्रकाशनका लागि सबै तयारी पूरा भएकाले सोमबार साँझ सञ्चालकहरूको बैठक बोलाइएको छ । बोर्ड बैठकमार्फत निर्णय गराएर मात्र परीक्षाफल प्रकाशित गर्ने प्रचलन अनुसार बोर्ड बैठक आहृवान गरिएको हो । यसपालि सवै विषयका नतिजा एकै पटक प्रकाशन गर्ने भएको छ । अरु बेला जस्तो विज्ञान र अन्य विषयको नतिजा प्रकाशन गर्दै आएको थियो । वैशाखमा संचालन भएको कक्षा १२ को परीक्षामा ४ लाख परीक्षार्थीले परीक्षा दिएको थियो ।...

साउन १३ गते । चिनको दक्षिणी क्षेत्रमा गएको पहिरोमा परी ३६ जना भन्दा बढीको मृत्यु भएको छ । गुईझाउ प्रान्तमा दर्जनौ घरहरु पुरीएको छ भने १५ जना अझै बेपत्ता भएको सरकारी संचार माध्यमहरुले जनाएको छ । पहिरोमा परेका ४० जनालाई उद्धार गरिएको अधिकारीहरुले बताएका छन् ।  अविरल परेको वर्षाले चीनका केही क्षेत्रमा घटना घटेको जनाईएको छ । स्थानिय एक विद्यालयलाई आपत्कालीन स्वास्थ्य तथा उद्दार केन्द्र बनाईएको छ । सरकारले ४४ लाख अमेरिकन डलर उद्दार र विस्थापितहरुको पुनस्र्थापनाको लागि छुट्याएको जनाईएको छ । अविरल वर्षाले दुर्गम पहाडी क्षेत्रमा गएको पहिरोमा परि बालबालिका र एक सन्तानकी आमाको मृत्यु भएको जनाकारी पाएको अधिकारीहरुले जनाएको छ ।...