पूर्णपुष्टि /काठमाण्डौँ, कार्तिक २५ गते ।
काठमाडौं महानगरपालिकाका मेयर बालेन शाहले पनि पार्टी खोल्ने भएको छ । आफ्नै सचिवालयका सदस्यमार्फत नयाँ राजनीतिक दल खोल्ने तयारीमा बालेन अघि बढेको स्रोतको दाबी छ । मेयर बालेननिकट एक सदस्यले ‘कुलमान घिसिङबाट पार्टीमा आउनु भनेर पटक–पटक हाम्रा साथीहरूलाई नागरिकतालगायत कागजात माग गरिएको थियो, तर कोही पनि गएनन् ।’
कुलमान घिसिङसँग कुरा नमिलेपछि बालेनको सचिवालय सदस्यको संयोजकत्वमा ुदेश विकास पार्टीु दर्ता गर्ने तयारी भइरहेको छ । बालेनले आगामी संसदीय निर्वाचनमा भाग नलिने तर जेनजी आन्दोलनको समर्थन गर्ने बताइएको छ ।
‘उज्यालो नेपाल’ पार्टी खोल्ने तयारी गरेका बेला ऊर्जामन्त्री कुलमान घिसिङसँग कुरा नमिलेपछि मेयर बालेनेको सचिवालयकै एक सदस्यको संयोजकत्वमा पार्टी दर्ता गर्ने तयारी भएको बुझिएको छ ।
अब बालेनको नेतृत्वमा ‘देश विकास पार्टी’ नामक नयाँ दल दर्ता हुने प्रक्रियामा रहेको स्रोत दाबी गर्छ । उक्त पार्टी सुदीप ढकालको संयोजकत्वमा दर्ता हुने तयारीमा छ भने चुनाव चिह्न ‘लौरो’ प्रस्ताव गरिएको छ । यद्यपि यो चुनाव चिह्न अहिले ‘हामी नेपाली पार्टी’सँग छ ।