Month: १ वर्ष अगाडि

पूर्णपुष्टि, पुष २४ । उदयपुरको त्रियुगा नगरपालिका–७ की १०४ वर्षीया सुनमाया माझीलाई वडा कार्यालयले विशेष सम्मान गरेको छ । वडाकै सबैभन्दा वृद्ध नागरिक माझीलाई मंगलबार आयोजित एक समारोहमा सम्मान गरिएको हो । वडा कार्यालयमा आयोजित कार्यक्रममा वडा अध्यक्ष अमर बहादुर दनुवारले माझीलाई दोसल्ला ओढाएर सम्मान गरेका थिए । साथै उनलाई नगद पुरस्कार समेत प्रदान गरिएको थियो । कार्यक्रममा बोल्दै वडा अध्यक्ष दनुवारले यति उमेरसम्म पनि स्वस्थ र निरोगी जीवन बिताइरहेकी माझीको दीर्घ आयुको सम्मानमा यो कार्यक्रम आयोजना गरिएको बताए । उनले माझी उदयपुर जिल्लाकै सबैभन्दा वृद्ध नागरिक हुन सक्ने अनुमान समेत व्यक्त गरे ।...

पूर्णपुष्टि, पुष २३ । उदयपुरको उदयपुरगढी गाउँपालिका–१ बाहुनीटारमा तेस्रो राष्ट्रपति रनिङ शिल्ड प्रतियोगिता सोमबारदेखि शुरु भएको छ । धुवाजन माविको आयोजना र गाउँपालिकाको संयोजनमा आयोजित प्रतियोगितामा गाउँपालिकाभरका १६ विद्यालयका विद्यार्थीहरू सहभागी छन् । गाउँपालिका शिक्षा शाखाका प्राविधिक सहायक बविन राईका अनुसार विद्यार्थीहरूले भलिबल, एथलेटिक्सका विभिन्न खेल र छेलो हान्ने लगायतका प्रतिस्पर्धामा भाग लिनेछन् । गाउँपालिका अध्यक्ष मान बहादुर केप्छाकी मगरले एक समारोहका बीच प्रतियोगिताको उद्घाटन गरे । कार्यक्रममा उपाध्यक्ष जितबहादुर खड्का, प्रमुख प्रशासकीय अधिकृत चित्रप्रसाद गुरागाईं, विभिन्न वडाका अध्यक्षहरू, गाउँपालिका प्रवक्ता सहेक विश्वकर्मा, कार्यपालिका सदस्यहरू, विद्यालयका प्रधानाध्यापकहरू र स्थानीय समाजसेवीहरूको उपस्थिति रहेको थियो ।...

पूर्णपुष्टि, पुष २३ । उदयपुर जिल्ला स्तरीय प्रथम महिला (डबल) ब्याटमिन्टन प्रतियोगिताको उपाधि नितिशा रैका मगर र शिला राईले जितेको छ । सोमबार महिला सशक्तिकरण स्रोत केन्द्र उदयपुरको १८ औं वार्षिक उत्सवको अवसरमा जिल्ला ब्याटमिनटन संघको सहकार्यमा आयोजित एक दिने प्रतियोगिताको फाईनलमा सुस्मिता खत्री र समृद्धि राईको जोडीलाई हराउँदै नितिशा र शिलाले उपाधि हात पारेको हो । बोक्से स्थित कवर्डहलमा आयोजित प्रतियोगितामा १६ टिमका ३२ खेलाडीले प्रतिस्पर्धा गरेका थिए । त्यस्तै नानु राई, पूर्णिमा सेन्चुरी र राम कुमारी राई, यशोदा राईको जोडीले संयुक्त तृतीय स्थान हासिल गरे । उपाधि  विजेता नितिशा र शिलाले नगद रु. १० हजार सहित ट्रफी, मेडल र प्रमाण पत्र प्राप्त गरेका छन् । उपविजेता सुस्मिता खत्री र समृद्धि राईले नगद रु. ८ हजार सहित ट्रफी, मेडल र प्रमाण पत्र प्राप्त गरे भने तेस्रो भएका जोडिहरुले नगद रु. ५ हजार...

पूर्णपुष्टि, पुष २२ । उदयपुरमा जिल्ला स्तरीय प्रथम महिला (डबल) ब्याटमिन्टन प्रतियोगिता २०८१ सुरु भइरहेको छ । सोमबार महिला सशत्तिकरण स्रोत केन्द्रको आयोजना तथा जिल्ला ब्याटमिन्टन संघ उदयपुरको सहकार्यमा बोक्से स्थित कबड हलमा एक दिने प्रतियोगिता संचालन गरिएको हो । महिला सशत्तिकरण स्रोत केन्द्र उदयपुरका संयोजक सुजता सुवेदीका अनुसार जिल्लाको महिलाहरुलाई खेलकुदद्धारा सशक्त्तिकरण तथा प्रोत्साहन गर्ने उदेश्य सहित एक दिने प्रतियोगिता आयोजना गरिएको हो । उदयपुर जिल्लामा पूरुष ब्याटमिनटनमा धेरै प्रतियोगिताहरु भएतापनि महिला ब्याटमिनटनमा प्रतियोगिताहरु नभएको कारण महिलाहरुलाई प्रोत्साहन गर्न प्रतियोगिता गराईएको संयोजक सुवेदीले जनाए । यस प्रतियोगिताको प्रथमले नगद रु.१० हजार सहित ट्रफी, मेडल र प्रमाण पत्र प्राप्त गर्ने छ । द्धितियले नगद रु. ८ हजार सहित ट्रफी, मेडल र प्रमाण पत्र प्राप्त गर्ने छ भने तृ...

पूर्णपुष्टि, २२ पुष । उदयपुरको सदरमुकाम गाईघाटमा ट्याक्टरले स्कुटरलाई ठक्कर दिँदा स्कुटर चाललको मृत्यु भएको छ । सोमबार गाईघाट बजारको मेनचोक नजिक स १ त ७८ २१ नम्वरको ट्याक्टरले प्रदेश १–०५–००१ प ७६८४ नम्वरको स्कुटरलाई पछाडी बाट ठक्कर दिँदा स्कुटर चालक रौतामाई गाउँपालिका वडा नं ७ मुर्कृचीका ४० बर्षिय बासु खड्काको मृृत्यु भएको हो । करिब १२ बजेको समयमा भएको दुर्घटनामा घाईते खड्कालाई जिल्ला अस्पताल उदयपुरमा उपचारको लागि लगिएकोमा अस्तालले मृत घोषणा गरेको थियो । ठक्कर दिने ट्याक्टर र चालक त्रियुगा नगरपालिका ४ निवासी क्रान्ती चौधरीलाई जिल्ला प्रहरी कार्यालय उदयपुरले नियन्त्रणमा लिएर थप अनुसन्धान गरिरहेको छ ।...

पूर्णपुष्टि, २२ पुष । त्रियुगा नगरपालिका वडा नं १५ तोरीबारीमा पहिरोले क्षती पुराएको स्थानमा भु–गर्भ टोलीले माटो परिक्षण गरेको छ । गत असार २५ गते बर्षाको कारण पहिरोले क्षती पुराएको उक्त स्थानलाई विपद व्यवस्थानको सडक विभाग अन्तर्गत भु–गर्भ टोलीले माटो परिक्षण गरेको हो । वडा अध्यक्ष गणेश तिमिल्सिनाका अनुसार आज टोलीले परिक्षण सकाउने जनाए । तिन दिन अघिदेखी परिक्षणमा निरन्तर खटेको टोलीले आज काम सकाउने र छिट्टै यसको रिजल्ट निकाल्ने जनाए । वडाको निरन्तर प्रयास र वस्ती व्यवस्थापन माग पछि टोलीले काम सुरु गरेको अध्यक्ष तिमिल्सिनाले जनाएको छ । परिक्षणको ७ देखी १० दिन भित्रमा त्यस स्थानो अवस्था पत्ता लगाउने र वस्ती वस्न मिल्ने वा अन्यत्र सार्नु पर्ने टोलीले सिफारिस गर्ने जनाएको छ । उक्त पहिरोको क्षतीमा परी एक बालिकाको ज्यान गएको थियो भने अन्य दुई जना घाईते र अन्य धेरै परिवार विस्थापित बनेका थिए ।...

पूर्णपुष्टि, पुष २२ । उदयपुर र खोटाङ जिल्लालाई जोड्ने सगरमाथा राजमार्ग अन्तर्गत फोक्सिन्टारमा निर्माणाधीन बेलिब्रीज अन्तिम चरणमा पुगेको छ । गाईघाट–दिक्तेल सडक योजना कार्यालयले यही महिनाको २४–२५ गतेभित्र यातायात सुचारु हुने जनाएको छ । गत असोज १२ गते राति सुनकोशीमा आएको को बाढीले १२० मिटर लामो आर्क डिजाइनको पक्की पुल भत्काएपछि स्थानीय समस्यामा परेका थिए । यसपछि विकल्पको रूपमा १ करोड २९ लाख ४६ हजार ७७ रुपैयाँको लागतमा बेलिब्रीज निर्माण थालिएको हो । निर्माणको जिम्मा पाएको आरएन कन्स्ट्रक्सन कटारीले ५० मिटर लामो बेलिब्रीजको ९० प्रतिशतभन्दा बढी काम सकेको छ । योजना कार्यालयका साइट इन्चार्ज इन्जिनियर सुवास तिवारीका अनुसार पहिले पनि यही स्थानमा बेलिब्रीज रहेको र सामग्री उपलब्ध भएकाले निर्माण कार्य छिटो र सहज भएको छ । हाल यात्रुहरूले रसुवाघाटस्थित झोलुङ्गे पुल प्रयोग गर्नुपरेको छ । उल्लेखनीय छ ...

पूर्णपुष्टि, पुष २१ ।  रोजगार सहायक पदमा नियुक्तिमा अनियमितता भएको भन्दै नेकपा एमालेले लगाएको तालाबन्दी आइतबार खुलेको छ । पौष १८ गतेदेखि प्रमुख प्रशासकीय अधिकृत र सूचना अधिकारीको कार्यकक्षमा लगाइएको तालाबन्दी पाँच बुँदे सहमतिपछि खोलिएको हो । नगरप्रमुख अशोक कार्कीको अध्यक्षतामा बसेको सर्वदलीय बैठकले उपमेयर जीरा राईको संयोजकत्वमा छानबिन समिति गठन गर्ने निर्णय गरेको छ । समितिले पाँच दिनभित्र घटनाको सत्यतथ्य सहितको प्रतिवेदन पेश गर्नेछ । छानबिन समितिको प्रतिवेदन सार्वजनिक नभएसम्म आरोपित प्रमुख प्रशासकीय अधिकृत र सूचना अधिकारीलाई जिम्मेवारीबाट हटाइने र दोषी देखिएकाहरूमाथि कारबाही प्रक्रिया अघि बढाइने सहमति भएको बिज्ञप्तिमा उल्लेख गरिएको छ ।...

पूर्णपुष्टि, पुष २१ । नेपाली सेनाले आइतबारदेखि उदयपुरको पुरानो सदरमुकाम उदयपुरगढीबाट ८५ किलोमिटर लामो पैदलयात्रा सुरु गरेको छ । जिल्लाका ऐतिहासिक, पर्यटकीय तथा सामरिक महत्वका स्थानहरू चिनाउँदै स्थानीयसँग सम्बन्ध सुमधुर बनाउने उद्देश्यले सेनाको पशुपतिप्रसाद गण बोक्सेले पैदलयात्राको आयोजना गरेको हो । गणपति शिवप्रसाद वाग्लेका अनुसार महाभारत श्रृङ्खला पार गर्दै जाने यो यात्रा माघ २८ गते चौदण्डीगढी नगरपालिकाको पर्यटकीयस्थल चौदण्डीगढीमा पुगेर समापन हुनेछ । यात्राको क्रममा जिल्लाको मध्यभाग हुँदै रौतामाई गाउँपालिका र त्रियुगा नगरपालिकाका केही भूभाग पार गरिनेछ । साताव्यापी यात्राका क्रममा विभिन्न गाउँबस्ती, विद्यालय र सार्वजनिकस्थलमा स्थानीयसँग भेटघाट र कुराकानी गरी आत्मीयता बढाउने योजना रहेको छ । यात्रामा स्थानीय तहका नगरप्रमुख, गाउँपालिका अध्यक्ष, जनप्रतिनिधि, होटल तथा पर्यटन व्यवसायी, साइक...

पूर्णपुष्टि, २० पुष । हिजो आज जिवन विमा सबैको लागि महत्वपूर्ण बन्दै गएको छ । बुझेर गरोस या नबुझेरै गरोस तर जिवन विमा गर्ने मानिसहरुलाई कहिल्यै पछुतो हुने छैन् । बिमा पछिल्लो समय मानिसको अपरिहार्य नै बन्दै गएको छ । जिवन विमाले आर्थिक बचत सँगै जिवनको जोखिमलाई आर्थिक पहुँचमा बदल्छ । हालको समय बिमा गराउने व्यक्तिहरु जति क्रियाशिल छ उतिनै गर्नेहरु पनि क्रियाशिल बन्दै गएको छ । बिमा गर्नु पर्छ भन्ने चेतनाको विकास बढ्दै गएपछि मानिसहरुले बिमालाई जिन्दागिको आवश्यकता भनेर बुझ्दै गएको छ । यसरीनै जिवन विमाको आवश्यकता र फाईदालाई बुझेर उदयपुरमा एक जोडिले भने जन्मदिनको अवसर पारेर जिवन विमा गरेको छ । बेलका नगरपालिका ७ मैदामैनी बस्ने पारुहाङ राईले श्रीमती हिरा कुमारी राईको जन्म दिनमा ११ लाखको जिवन विमा उपहार प्रदान गरे । राई दम्पतिले सनलाईफ इन्स्योरेन्स कम्पनी गाईघाट शाखामा गएर श्रीमतिको ४५ औँ जन्म उत्स...