Author: पूर्णपुष्टि

पूर्णपुष्टि, असोज १८ गते । नेकपा एमाले, नेकपा माओवादी केन्द्र र नयाँ शक्ति नेपालबीच हिजो भएको सहमतिलाई नेताहरुले ऐतिहासिक भनेका छन् । आगामी प्रतिनिधिसभा र प्रदेशसभा चुनावमा तालमेल गर्ने र लगतै एउटै कम्युनिष्ट पार्टी बनाउनेसहित गरिएको ६ बुँदे सहमतिलाई सहमतिकर्ता दलका नेताहरुले ऐतिहासिक भनेका हुन् । एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल प्रचण्ड र नयाँ शक्तिका संयोजक डा. बाबुराम भट्टराईले हस्ताक्षर गरेका छन् । तीन पार्टीबीच आगामी चुनाव लगतै एउटै कम्युनिष्ट पार्टी बनाउने सहमति भएको छ । यसका लागि ८ सदस्यीय पार्टी एकता संयोजना समिति गठन गरिएको छ । समितिमा एमालेबाट चार, माओवादीबाट तीन र नयाँ शक्तिबाट एक सदस्य रहनेछन् । सहमति पत्र निम्नबमोजिमको छ ।...

पूर्णपुष्टि, असोज १७ गते । कटारी–सिद्धिचरण राजमार्गको कटारी–घुर्मी सडकखण्डको कटारी नगरपालिका १४ भदौरे र वडा नं. ८ सिरिसेमा मंगलबार छुट्टाछुट्टै दुई दुर्घटनामा दुई जना घाइते भएका छन् । इलाका प्रहरी कार्यालय कटारीका प्रमुख डिएसपी महेन्द्रकुमार श्रेष्ठका अनुसार ना ४ ख ३७९० नम्बरको बसबाट खसेर कटारीका २२ बर्षिय देबेन्द्र अधिकारी घाइते भएका हुन् । कटारीबाट जयरामघाटतर्फ जादै गरेको बसबाट खसेर घाइते भएका अधिकारीको कटारी अस्पतालमा उपचार भईरहेको डिएसपी अधिकारीले बताए । घाइते अधिकारी वसकै स्टाप रहेको जनाइएको छ । कटारी ट्राफिक इन्चार्ज डिबि दियालीका अनुसार कटारीबाट घुर्मीतर्फ जादैं गरेको ना ५ ख ९७९७ को बस र विपरित दिसाबाट आउदै गरेको ना १ ज ३९१९ नम्बरको टाटा सुमोबीच एकआपसमा ठक्कर खाँदा जीपमा सवार एक यात्रु घाइते भएका छन् । विराटनगरमहा नगरपालिका ४ का अन्दाजी ४० बर्षिया दुर्गा पोखरेल घाइते...

पूर्णपुष्टि, असोज १७ गते । आसन्न संघ र प्रदेशसभा निर्वाचनका लागि समानुपातिक तर्फको मतपत्र छपाईको काम सुरु भएको छ । निर्वाचन आयोगले आजबाट मतत्र छपाईको काम सुरु गरेको प्रवक्ता नवराज ढकालले बताए । आयोगले मंसिर १० र २१ गते हुने निर्वाचनका लागि १ करोड ८० लाख हाराहारीमा मतपत्र छाप्न लागेको प्रवक्ता ढकालले बताए । जनक शिक्षा सामाग्री केन्द्रले छपाईको जिम्मा लिएको छ । आयोगले निर्वाचन हुने १ सय ६५ निर्वाचन क्षेत्रमा एक–एक जनाका दरले निर्वाचन अधिकृत नियुक्त गर्ने प्रक्रिया अन्तिम चरणमा पुगेको पनि जनाएको छ ।...

एजेन्सी –अमेरिकी तीन वैज्ञानिक जेफरी हल, माइकल रोबास र माइकल योङले यसबर्षको चिकित्सातर्फको नोबेल पुरस्कार पाउने भएका छन् । ती तीन वैज्ञानिकले फलफूलका झिंगाको ‘अग्र्यानिज्म’लाई नमूना बनाएर मानव शरीरको जैविक घडीको लय नियन्त्रण गर्ने वंशाणुमाथि गरेको अनुसन्धानका लागि पुरस्कार दिइएको अन्तराष्टिय सञ्चारमाध्यमहरुले जनाएका छन् । समितिका अनुसार उनीहरूले फलफूलमा लाग्ने झिंगाको जैविक क्रियाकलापलाई नमुना बनाएर हाम्रो शरीरको दैनिक जैविक घडी वा लय नियन्त्रण गर्ने वंशाणु (जिन) पहिल्याउन सफल भएका छन्। अनुसन्धानमा जैविक घडी नियन्त्रण गर्ने वंशाणुमा रहेको प्रोटिन राति कोषमा संग्रह हुने र दिउँसो घट्ने पत्ता लागेको थियो। सबै वनस्पति तथा प्राणीमा हुने ‘सर्काडियन रिद्म’ जसलाई जैविक घडी पनि भनिन्छ, ले सबैको सुत्ने, बानी व्यहोरा, हर्मोन स्तर, शरीरको तापक्रम र पाचन क्रियामा प्रभाव पर्छ। बर्सेनि नोबेल पु...

पूर्णपुष्टि, असोज १६ गते । उदयपुरजिल्लाको सदरमुकाम गाईघाट जोड्ने कदमाहा–गाईघाट सडकको देउरी सडकखण्डमा पक्की सडकबीच ठूलो भ्वाङ परेको देखिएपछि दुर्घटनाको जोखिम बढेको छ । त्रियुगा नगरपालिका ४ देउरीको पुलभन्दा अन्दाजी ४ सयमिटर पूर्व सडकबीचमा बाहिरबाट १२ इन्चजतिको प्वाल देखिएको र उक्त प्वालबाट टर्च बाली हेर्दा ठूलो भ्वाङ देखिएको जिल्ला प्रहरी कार्यालय उदयपुरले जनाएको छ । यसबाट दुर्घटनाको जोखिम बढेकोले उक्त स्थानमा सावधानीका लागि सांकेतिक घेरा लगाईएको प्रहरी नायव उपरिक्षक मेघराज अधिकारीले बताए । जिल्ला ट्राफिक इन्चार्ज सैलेन्द्र गच्छदारका अनुसार उक्त स्थानमा अहिले रुखको हाँगा गाडेर संकेत गरिएको छ । संकेतका कारण सवारी साधन भ्वाङ भएको साईडतिर नजाने भएकोले राखिएको उनले बताए । स्थानीयहरुका अनुसार उक्तस्थानमा केही दिन अघि नै प्वाल देखा परेको थियो । सामान्य प्वालको रुपमा लिइए पनि प्रहरीले ह...

पूर्णपुष्टि, असोज १४ गते । उदयपुरको त्रियुगा नगरपालिका १२ पुरानो गाईघाटमा घरको पिलरले किचेर शुक्रबार एक बालकको ज्यान भएको छ । जिल्ला प्रहरी कार्यालय उदयपुरका अनुसार स्थानीय कोपिला खड्काका ६ बर्षिय छोरा सन्देश खड्काको ज्यान गएको हो । छिमेकीको निर्माणाधिन घरको पिलर लडेर खेल्दै गरेको बालकलाई किचेको थियो । किच्दा घाइते भएका बालकलाई उपचारार्थ जिल्ला अस्पताल उदयपुर लैजादा लैजादै बाटैमा मृत्यु भएको प्रहरीले जनाएको छ ।...

पूर्णपुष्टि, असोज १४ गते । गाईघाट–उदयपुरको सदरमुकाम गाईघाट बजारबाट शुक्रबार प्रहरीले छापामारी तास खेलिरहेका सात जनालाई पक्राउ गरेकोमा एकपटकका लागी माफी दिएको भन्दै प्रहरीले छाडेको छ । त्रियुगा नगरपालिका वडा नंं ११ स्थित एक होटलबाट शुक्रबार राती पक्राउ परेका विष्णुकुमार श्रेष्ठ, दुर्गाबहादुर श्रेष्ठ, शुरेश पराजुली, राजु तुलाधर, अरबिन खत्री, हिराकाजी राई र प्रमोद पोखरेललाई पक्राउ गरी छाडेको हो । प्रहरीले ५२ पत्ती तास र १ लाख ५६ हजार ४ सय ८५ नगदसमेत बरामद गरेको जनाएको छ । जिल्ला प्रहरी कार्यालय उदयपुरका प्रमुख नवराज भट्टका अनुसार उनीहरु पेशेवर नदेखिएको र दशैंको बेला भएकोले एकपटकका लागि माफी दिई छाडिएको थियो ।...