Author: पूर्णपुष्टि

पूर्णपुष्टि/बेल्टार, फागुन ५ गते -आफ्नो वडाभित्रका विद्यार्थीहरुको शिक्षामा टेवा पुर्याउने उद्देश्यले चौदण्डीगढी नगरपालिका वडा नं. २ ले साईकल वितरण गरेको छ । कक्षा ११ र १२ मा अध्ययनरत निम्न स्तरका ३४ जना छात्रा र १३ जना छात्रलाई साईकल वितरण गरिएको छ । विद्यार्थीहरुलाई क्याम्पस जान धाउन वडा कार्यालयको बार्षिक कार्यक्रम अनुसार साईकल वितरण गरिएको हो । वडा कार्यलयमा विहिबार एक समारोहकाबीच चौदण्डीगढी नगरपालिकाका मेयर खगेन्द्र राई र वडा अध्यक्ष सन्तोष सुवेदीले संयुक्तरुपमा साईकलको चावि विद्यार्थीहलाई हस्तान्तरण गरेका थिए । टाढाटाढाबाट विद्यालय धाउने विद्यार्थीको हितलाई ध्यानमा राखेर साइकल वितरण गरिएको वडाध्यक्ष सुवेदीले बताउनुभयो । मेयर खगेन्द्र राईले विद्यार्थीलाई साईकल वितरण गर्ने कार्यक्रम यसबर्ष २ नम्बर वडाले गरेकोमा आगामीवर्षदेखि नगरक्षेत्रभरी नै लागु गर्ने बताउनुभयो ।...

पूर्णपुष्टि/काठमाडौं, फागुन ३ गते -बिहिबार मुलुकले प्रधानमन्त्री पाएसंगै मुलुकको सातवटै प्रदेशले मुख्यमन्त्री पनि पाएको छ । प्रदेश नं. मा शेरधन राई, प्रेदश २ मा लालबाबु राउत, प्रदेश ३ मा डोरमणी पौडेल , प्रदेश ४ मा पृथ्वीसुब्बा गुरुङ, प्रदेश ५ मा शंकर पोखरेल, प्रदेश ६ मा महेन्द्रबहादुर शाही र प्रदेश ७ मा त्रिलोचन भट्ट मुख्यमन्त्री निर्वाचित भएका हुन् । यसका साथै प्रदेश १ मा मुख्यमन्त्री शेरधन राईको सिफारिसमा एमालेबाट हिक्मत कार्की गृह –आन्तरिक मामिला तथा कानुन), जीवन घिमिरे सामाजिक विकास र जगदीश कुसियत उद्योग, पर्यटन, वन तथा वातावरण मन्त्री गरी तीनजना मन्त्री नियुक्त भएका छन् भने माओवादी केन्द्रबाट इन्द्रबहादुर आङ्बो अर्थ (आर्थिक मामिला तथा योजना) मन्त्री बनेका छन् । मुख्यमन्त्री राई र चारैजना मन्त्रीलाई आजै प्रदेश प्रमुख गोविन्द सुब्बाले पद तथा गोपनीयताको सपथ गराउनुभयो । प्रदेश ...

पूर्णपुष्टि/काठमाडौं, फागुन ३ गते -नेकपा एमालेका अध्यक्ष केपी शर्मा ओली बिहिबार प्रधानमन्त्रीमा नियुक्त हुनुभएको छ । योसंग उहाँ दोस्रोपटक प्रधानमन्त्री बन्नुभएको हो । उहाँलाई राष्ट्रपति विद्यादेवी भण्डारीले प्रधानमन्त्री नियुक्त गर्नुभएको हो । संविधानको धारा ७६ को उपधारा २ बमोजिम राष्ट्रपती भण्डारीले उहाँलाई प्रधानमन्त्रीमा नियुक्त गर्नुभएको हो । निर्वाचन आयोगले बुधबार प्रतिनिधिसभा निर्वाचनको अन्तिम परीणाम बुझाएपछि सरकार गठनको बाटो खुलेको थियो । नवनियुक्त प्रधानमन्त्री ओलीले आजै सपथ लिने कार्यक्रम रहेको छ । दिउँसो ४ बजे शीतल निवासमा सपथ ग्रहण समारोेह रहेको अनलाईन सञ्चारमाध्यमहरुले जनाएका छन् । प्रधानमन्त्री ओलीले ३० दिनभित्र प्रतिनिधिसभाबाट विश्वासको मत प्राप्त गर्नु पर्ने हुन्छ । २७५ सदस्यीय प्रतिनिधिसभामा बहुमतका लागि १३८ सांसद आवश्यक पर्नेमा एमालेका १२१ र माओवादीका ५३ गरी ...

पूर्णपुष्टि/उदयपुर, माघ १६ गते -शहीद दिवससंगै उदयपुर जिल्ला मंगलबारदेखि पूर्णखोप सुनिश्चितता जिल्ला घोषणा भएको छ । जिल्लाका आठ स्थानीयतहका जन्मेदेखिको १ बर्षभित्रका सबै बालबालिकाहरुलाई पूर्णखोप लगाउनुका साथै अव जन्मने बाबालिकालाई पनि खोप लगाईने सुनिश्चिततासहित घोषणा गरिएको हो । एक समारोहकाबीच प्रदेश नं. १ को प्रमुख डा. गोविन्द तम्बाहाङले उक्त उमेर समुहका जिल्लाका ७ हजार ८ सय ८९ बालबालिकाले विभिन्न रोग विरुद्धको सबैकिसिमका खोप पुरा गरेको भन्दै जिल्लालाई पूर्णखोप सुनिश्चितता जिल्ला घोषणा गर्नुभयो । देश रक्षार्थ सहादत् प्राप्त बीर शहीदहरुको सम्मान र स्मरण गर्दै आयोजना गरिएको पूर्णखोप सुनिचितता जिल्ला घोषणा समारोहलाई सम्बोधन गर्दै प्रमुख अतिथि प्रदेश प्रमुख तम्बाहाङले जिल्लालाई पूर्णखोप सुनिश्चिततामा योगदान पुर्याउने सबैलाई धन्यवाद ज्ञापन गर्नुभयो । शहीदहरुको स्मरण गर्दै उहाँले शहीद दिवस...

पूर्णपुष्टि/उदयपुर, माघ १५ गते । -भोली अर्थात माघ १६ गते शहीद दिवससंगै उदयपुर जिल्लालाई पूर्ण खोप सुनिश्चितता जिल्ला घोषणा गरिदैछ । सोमबार पत्रकार सम्मेलन गरी शहीद दिवससंगै प्रदेश नं. १ को प्रमुख डा. गोविन्द तम्बाहाङको प्रमुख आतिथ्यमा भब्यरुपले घोषणा कार्यक्रम गरिने जिल्ला खोप समन्वय समितिका अध्यक्ष एवम् जिल्ला समन्वय समिति उदयपुरका प्रमुख खड्गबहादुर परियारले जानकारी दिनुभयो । “स्थानीय स्वमित्व र सहभागिता, पूर्णखोप सुनिश्चितता हाम्रो प्रतिबद्धता” भन्ने नाराका साथ बृहद र्याली तथा सभाको तयारी रहेको भन्दै प्रमुख परियारले सरोकारवाला सबैलाई सक्रिय सहभागिताको आग्रह गनुभयो । साविकको ४० गाविस र ३ नगरपालिका, हालको ४ गाउँपालिका र ४ नगरपालिका गरी ८ स्थानीय तहका ७ हजार ८ सय ८९ जना १२ देखि २३ महिनाका बालबालिकाहरुलाई पूर्ण खोप दिलाई घोषणा कार्यक्रम तय गरिएको बताइएको छ । स्वस्थ्य सेवा विभा...