समाचार

पूर्णपुष्टि, ११ माघ । पूर्व सांस्कृतिक पर्यटन तथा नागरिक उड्यान मन्त्री सुदन किरातीले त्रियुगा नगरपालिका वडा नं १५ बैथुम्की डाँडाँमा हिलस्टेनको सिलन्यास गरेको छ । किरातीले त्रियुगा नगरभित्र पर्ने तिन ओटा वडाहरु १४, १५ र १६ मा निर्माण हुने हिलस्टेनको शुक्रबार एक कार्यक्रमकाबीच सिलन्यास गरेको हो । पर्यटन मन्त्री रहँदा किरातीले उक्त हिलस्टेनका लागि झण्डै तिन करोड बजेट छुटाएका थिए । आज सोही बजेट कार्यन्वयनमा आएर काम अघि बढिसकेको १६ नं वडाअध्यक्ष मान वहादुर राईले जानकारी दिए । २ करोड ९० लाख बजेट रहेकोमा २ करोड ७० लाखमा ठेक्का लागि काम सुरु गरिसकेको अध्यक्ष राईको भनाई छ । त्रियुगाको पहाडी वडाहरुमा पर्यटन भित्राउने लक्ष सहित हिलस्टेनको प्याकेज सहितको निर्माण कार्य सुरु भएको हो । जसमा त्रियुगाको १४ र १५ को सिमानामा पर्ने बैथुम्की डाँडाँमा पिकनिक स्पोर्ट, पार्क, लिँगे पिङ, लगायतका संरचनाहरु...

पूर्णपुष्टि, १० माघ । त्रियुगा नगरपालिका वडा नं १४, १५ र १६ मा बन्ने हिलस्टेशनको सिलन्यास पूर्व मन्त्री तथा माओवादी नेता सुदन किरातीले गर्ने भएको छ । पूर्व सांस्कृतिक पर्यटन तथा नागरिक उड्यान मन्त्री तथा माओवादी केन्द्रका केन्द्रीय सदस्य समेत रहेका राईले उदयपुरको त्रियुगा १५ मा रहेको पर्यटकीय डाँडा बैथुम्की डाँडाँबाट हिलस्टेशनको सिलन्यास गर्ने भएको हो । भोली (शुक्रबार) तिनै ओटा वडाको हिलस्टेशन बाख्खोर बैथुम्की डाँडाँमा एकै साथ गरिने भएको हो । तिनै वडा त्रियुगा १४ साउने, १५ रानिवास र १६ जाल्पा चिलाउनेको संयुक्त आयोजनामा सिलन्यासको काम अघि बढाईएको हो । माओवादी केन्द्र त्रियुगा नगर अध्यक्ष समेत रहेका १६ नं वडाअध्यक्ष मान वहादुर राईले सिलन्यास कार्यक्रममा उपस्थितिका लागि सबैमा आह्वान गरेको छ । त्रियुगा नगरपालिका भित्र पर्ने तिन ओटा पहाडी वडाहरुमा हिलस्टेशन निर्माण गरिने भएको हो । यस स्टेशन...

पूर्णपुष्टि, माघ १० । जलजलेस्थित उदयपुर सिमेन्ट उधोगको परिसरमा रहेको राष्ट्रिय बाणिज्य बैंकको काउन्टर नियमित रूपमा सञ्चालन नहुँदा स्थानीय सेवाग्राही सेवाबाट वञ्चित भएका छन् । हाल बैंकले साताको मात्र दुई दिन काउन्टर खोल्ने गरेको छ, जसले गर्दा स्थानीय बासीहरूले बैंकिङ सेवा लिन कठिनाई भोग्नुपरेको छ । सोमबार बिहान १० बजेदेखि ग्राहकहरू बैंक कार्यालय अगाडि जम्मा भएका थिए । तर मुल गेट बन्द रहेपछि उनीहरू ७ किलोमिटर टाढाको गाईघाट शाखामा कारोबार गर्न बाध्य भए । सुरक्षाकर्मीले कर्मचारी नआएको कारण गेट नखुलेको र काउन्टर बन्द रहेको जानकारी दिए । उद्योगका कर्मचारी तेज प्रसाद ढकालले बैंक कर्मचारीहरूको लापरवाही र गैरजिम्मेवारीको आरोप लगाए । उनका अनुसार, कम्तीमा बाहिरी कम्पाउण्डमा सूचना टाँस्न सकेमा सेवाग्राहीलाई असुविधा हुने थिएन । राष्ट्रिय बाणिज्य बैंक गाईघाट शाखाका प्रबन्धक कृष्ण गोइतले उद्योगम...

पूर्णपुष्टि, माघ ९ । गृहमन्त्री रमेश लेखकले शप्तकोसी नदीको दीर्घकालीन नियन्त्रणका लागि सरकारले गुरुयोजना बनाउन लागेको बताएका छन् । मंगलबार कोशी क्षेत्रको स्थलगत निरीक्षणका क्रममा उनले कोशी कटान नियन्त्रणका लागि आवश्यक बजेट व्यवस्था गरिने प्रतिबद्धता जनाए । कोशी कटान क्षेत्रमा आयोजित कार्यक्रममा बोल्दै गृहमन्त्री लेखकले भने, ‘कोशी नदी नियन्त्रणका लागि आवश्यक बजेट व्यवस्थापन गर्न अर्थ मन्त्रालयसँग तत्काल छलफल गरिनेछ । यस वर्ष कटान रोकथामका लागि जति बजेट आवश्यक पर्छ, त्यति नै व्यवस्था गरेर काम सुरु गरिनेछ ।’ नेपाली काङ्ग्रेसका केन्द्रीय सदस्य डा. नारायण खड्काले कोसी कटानबाट पीडित जनताको जुनसुकै बेला विस्थापन हुनसक्ने खतरा रहेको बताए । उनले गत वर्ष कोसीको बाढीले तीव्र कटान गरिरहेको बेला तत्काल नियन्त्रणका लागि करिब तीन करोड रुपैयाँ खर्च गरिएको जानकारी दिए । बेलका नगरपालिकाका मेयर अशोक...

पूर्णपुष्टि, माघ ९ । त्रियुगा नगरपालिकाले अति विपन्न वर्गका लागि निर्माण गरिरहेको ८० वटा सुरक्षित आवास निर्माणको काम ८० प्रतिशत सम्पन्न भएको छ । नगरपालिकाको सभाहलमा आयोजित अन्तरक्रिया कार्यक्रममा साझेदार संस्था ह्याबिट्याट फर हुम्यानिटिका प्रतिनिधिले यो जानकारी दिएका हुन् । नगरपालिकाले अन्तर्राष्ट्रिय संस्थासँगको सहकार्यमा वडा नं. २, ३, ४, ५, ७, ८ र १० मा दुई बेडरुम, एक किचेन र शौचालय सहितको भूकम्प प्रतिरोधी आवास निर्माण गरिरहेको छ । प्रत्येक आवास एकाइको निर्माण लागत करिब ५ लाख रुपैयाँ रहेको छ । त्रियुगाका मेयर बसन्त कुमार बस्नेतका अनुसार आवास निर्माणमा स्थानीय सामग्री र जनशक्तिको प्रयोग गरिएको छ । स्थानीय बाँसलाई केमिकल ट्रिटमेन्ट गरी प्रयोग गरिएको र स्थानीय श्रमिकलाई तालिम दिई परिचालन गरिएको छ । खानेपानी, बिजुली र सडकको पहुँच भएका स्थानमा यी आवास निर्माण गरिएका छन् । मेयर बस्नेत...

पूर्णपुष्टि, माघ ८ । धरान उपमहानगरपालिकाका मेयर हर्क सम्पाङले खानेपानीको दीर्घकालीन समाधानको माग गर्दै मंगलबार सिंहदरबारस्थित खानेपानी मन्त्रालयमा धर्ना दिएका छन् । संघीय सरकारमाथि दबाब सिर्जना गर्न भन्दै उनी सोमबार रित्तो गाग्री बोकेर काठमाडौं आएका थिए । सिंहदरबार परिसरभित्र गाग्रीसहित प्रवेश गर्न नपाइने नियमका कारण उनलाई सुरक्षाकर्मीले गाग्रीविना मात्र प्रवेश अनुमति दिएका थिए । मेयर सम्पाङको आजै प्रधानमन्त्री केपी शर्मा ओलीसँग भेटघाटको कार्यक्रम रहेको छ । धरानमा लामो समयदेखि खानेपानीको गम्भीर समस्या छ । २०७७ फागुनमा ४१ वर्षसम्म पानी वितरण गरिरहेको खानेपानी संस्थान विघटन गरी खानेपानी व्यवस्थापन बोर्ड गठन गरिए पनि समस्या समाधान हुन सकेको छैन । यसअघि पनि मेयर सम्पाङले धरानको भानुचोकमा रित्तो गाग्री बोकेर प्रदर्शन गरेका थिए । स्थानीय निवासीहरूले दैनिक पानीको अभाव झेल्दै आएका छन् र य...

पूर्णपुष्टि, माघ ८ । चौदण्डीगढी नगरपालिकाका मेयर कालुमान लामाले सोमबार नगरका पाँच वडामा एकैसाथ कालोपत्रे सडक निर्माणको शिलान्यास गरेका छन् । नगरपालिकाको गौरवको आयोजना अन्तर्गत वडा नं. २, ४, ५, ९ र १० मा कालोपत्रे सडक निर्माण हुने छ । बेल्टारे निर्माण सेवाले निर्माण गर्ने यो परियोजनाको लागि नगरपालिकाले ६६ लाख ४३ हजार रुपैयाँ विनियोजन गरेको छ । वडा नं. ९ मा ३.७५ मिटर चौडाई र ३१० मिटर लम्बाईको सडक निर्माण हुनेछ भने अन्य वडाहरूमा समान चौडाईको २९५ मिटर लामो सडक बन्नेछ । नगरपालिकाले हरेक वर्ष दश वटै वडामा क्रमिक रूपमा ग्रामीण सडकहरूको स्तरोन्नति गर्ने लक्ष्य राखेको छ । यस अनुरूप सोमबार बसाहा गुम्बा (त्रिशक्ति) चोकमा मेयर लामाले आयोजनाको शिलान्यास गरेका हुन् ।...

पूर्णपुष्टि, माघ ७ । उदयपुरको चौदण्डीगढी नगरपालिकामा छैटौं संस्करणको मेयर कप फुटबल प्रतियोगिता आजदेखि सुरु हुँदैछ । नगरको वडा नम्बर ६ स्थित कालिका माध्यामिक विद्यालयको मैदानमा हुने उद्घाटन खेलमा वडा नम्बर ९ र वडा नम्बर ३ बीच प्रतिस्पर्धा हुने छ । नगर खेलकुद विकास समितिका अध्यक्ष नन्दु मगरका अनुसार प्रतियोगितामा नगरका १० वडामध्ये वडा नम्बर १ बाहेक ९ वटा वडाले सहभागिता जनाउँदैछन् । आजदेखि सुरु हुने प्रतियोगिता माघ १२ गतेसम्म चल्नेछ । विजेताले नगद ५५ हजार रुपैयाँसहित शिल्ड, मेडल र प्रमाणपत्र प्राप्त गर्नेछन् भने उपविजेताले नगद ३५ हजार रुपैयाँसहित शिल्ड, मेडल र प्रमाणपत्र पाउनेछन् । प्रतियोगितामा दैनिक म्यान अफ दि म्याच घोषणा गरिनुका साथै विभिन्न विधाका उत्कृष्ट खेलाडीलाई नगद, मेडल र प्रमाणपत्रद्वारा सम्मान गरिने छ । यस वर्षदेखि नगर खेलकुद विकास समितिले प्रतियोगितामा उत्कृष्ट खेल प्रद...

पूर्णपुष्टि, माघ ७ । निर्माण व्यवसायी संघ उदयपुरले १४ सुत्रीय माग सहितको ज्ञापनपत्र आइतबार जिल्ला प्रशासन कार्यालय मार्फत प्रधानमन्त्री केपी शर्मा ओलीलाई बुझाएको छ । संघका अध्यक्ष कौशल आचार्यको नेतृत्वमा गएको पदाधिकारी र व्यवसायीको टोलीले प्रमुख जिल्ला अधिकारी हरि प्रसाद घिमिरेलाई ज्ञापनपत्र हस्तान्तरण गरेका हुन् । ज्ञापनपत्रमा निर्माण कार्य सुरु हुने सिजनमा सिमेन्ट उद्यमीहरूले बिना ठोस कारण गरिरहेको कालोबजारी, सिमेन्ट तथा फलामे डन्डी लगायतका निर्माण सामग्रीमा भएको चर्को मूल्यवृद्धि, भुक्तानी अभाव र सार्वजनिक खरिद नियमावलीको १३औं संशोधनमा देखिएको म्याद थप सम्बन्धी कानुनी जटिलताको विषय समावेश गरिएको छ । यसैगरी राष्ट्र बैंकबाट निर्माण व्यवसायीहरूलाई ऋणमा दिइएको सुविधा कटौती, विगतका सहमति कार्यान्वयन र निर्माण आयोग गठन लगायतका १४ बुँदे माग राखिएको छ । व्यवसायीहरूले माघ १५ गतेसम्म सरकारल...

पूर्णपुष्टि, माघ ७ । लहानमा बसको ठक्करबाट उदयपुरका एक युवाको आईतबार मृत्यु भएको छ । त्रियुगा नगरपालिका–५ देउरी निवासी ४२ वर्षीय योगेन्द्र (किरण) थापाको स्कुल बसको ठक्करबाट मृत्यु भएको प्रहरीले जनाएको छ । स्वस्तिका बोर्डिङ स्कुलमा लेखापाल रहेका थापा श्रीमती र छोरीसहित बा १८ प ८३२५ नम्बरको मोटरसाइकलमा सिरहाको मिर्चैयाबाट घरतर्फ फर्किंदै गर्दा लहान नगरपालिका–१२ स्थित बाटिका होटल अगाडि विपरीत दिशाबाट आएको संकल्प बाटिका स्कुलको प्र २००१ नम्बरको बसले ठक्कर दिएको थियो । दुर्घटनामा परी गम्भीर घाइते भएका परिवारका सदस्यहरूलाई तत्काल हेलिकप्टरमार्फत काठमाडौंस्थित मेडिसिटी अस्पताल लगिएको थियो । मृतकका भाइ ज्योति थापाका अनुसार श्रीमती सुधाको अवस्था सामान्य रहेको छ भने छोरी शैलजाको अवस्था गम्भीर रहेकोले भेन्टिलेटरमा राखिएको छ । चिकित्सकले योगेन्द्र थापालाई मृत घोषणा गरेका हुन् । इलाका प्रहरी का...