समाचार

पूर्णपुष्टि, असोज १७ । उदयपुरमा लगुऔषध सहित २ युवालाई प्रहरीले पक्राउ गरेको छ । पक्राउ पर्नेमा त्रियुगा नगरपालिका–१० बस्ने २० बर्षीय संगम भुजेल र २२ बर्षीय संगम राई रहेको कोशी प्रदेश प्रहरी कार्यालय बिराटनगरले जनाएको छ । कोशी प्रदेश प्रहरी कार्यालय बिराटनगरका अनुसार त्रियुगा नगरपालिका–६ स्थित प्रहरी चौकी लालपत्ताबाट चेकजाँचमा खटिएको प्रहरी टोलीले लहानबाट गाईघाट तर्फ आउँदै गरेको प्र.२–०३–००१ज ०११४ को विङगरलाई चेकजाँच गर्ने क्रममा उनिहरुको साथबाट २७ एम्पुल प्रतिवन्धित लागुऔषध सहित नियन्त्रणमा लिएको छ । पक्राउ परेका दुबै जनाको सम्बन्धमा सम्बन्धित कार्यालयबाट आवश्यक थप अनुसन्धान भईरहेको प्रहरीले जनाएको छ ।...

पूर्णपुष्टि, असोज १६ । जल तथा मौसम विज्ञान विभागको बाढी पूर्वानुमान महाशाखाले कोशी प्रदेशका ९ जिल्लामा बाढीको मध्यम जोखिम रहेको जनाएको छ । आज बिहान जारी गरिएको सूचना अनुसार ताप्लेजुङ संखुवासभा, पाँचथर, तेह्रथुम, धनकुटा, इलाम, झापा, मोरङ र सुनसरी जिल्लामा आगामी तीन दिनसम्म उच्च सतर्कता अपनाउन आग्रह गरिएको छ । महाशाखाका अनुसार ठूला नदीहरूमा बाढीको खतरा नभए पनि साना नदी तथा खोलाहरूमा आकस्मिक बाढीको जोखिम रहेको छ । कन्काई नदीमा जलसतह उल्लेख्य रूपमा बढ्ने भएकोले नदी किनार क्षेत्रमा विशेष सतर्कता अपनाउन सुझाव दिइएको छ । कोशी लगायत अन्य ठूला नदीहरूको जलसतह भने सामान्य घटबढ हुने र सतर्कता तहभन्दा तलै रहने पूर्वानुमान गरिएको छ । साथै भोजपुर, खोटाङ, सोलुखुम्बु र उदयपुर लगायतका जिल्लाका साना नदीहरूको बहाव बढ्न सक्ने भएकोले यी क्षेत्रमा पनि सतर्कता अपनाउन महाशाखाले सुझाएको छ ।...

पूर्णपुष्टि, असोज १६ । यस वर्षको मनसुन सरदर समयभन्दा लामो अवधि रहने भएको छ । मौसम पूर्वानुमान महाशाखाका अनुसार सामान्यतया अक्टुबर २ मा बाहिरिने मनसुन यस वर्ष अक्टुबरको दोस्रो हप्तासम्म रहने देखिएको हो । मौसमविद् प्रतिभा मानन्धरका अनुसार देशका विभिन्न भागबाट क्रमशः मनसुन बाहिरिने क्रम सुरु हुनेछ । सुदूरपश्चिमका जिल्लाहरूबाट शनिबारदेखि नै मनसुन बाहिरिन थाल्ने अनुमान गरिएको छ । तर कोशी प्रदेशमा भने दशैंको टीका (अक्टुबर १२) सम्म मनसुनी प्रभाव कायमै रहने सम्भावना छ । मौसमका अध्येता डा. धर्मराज उप्रेतीले कोशी प्रदेशमा 'हिले दशैं' हुनसक्ने बताए । तर उनका अनुसार अघिल्ला दिनहरूको जस्तो भारी वर्षा भने नहुने अनुमान छ । नेपालमा मनसुनी वर्षाको विवरण राख्न थालिएको सन् १९६८ यताकै रेकर्ड हेर्दा सबैभन्दा ढिलो मनसुन बाहिरिएको वर्ष २०१३ हो, जब अक्टुबर १९ मा मनसुन बाहिरिएको थियो । यस वर्ष मनसुन जुन १० मा भ...

पूर्णपुष्टि, असोज १५ ।  सुनकोसी नदीमा निर्माण गरिएको २२ करोड ६७ लाख लागतको फोक्सिङटार पुल बाढीले बगाएपछि खोटाङवासीको दैनिक जीवन कष्टकर बनेको छ । २०७८ कात्तिक ९ देखि सञ्चालनमा आएको १२० मिटर लामो उक्त पक्की पुलले खोटाङलाई उदयपुर, सुनसरी, मोरङ लगायत तराईका जिल्लासँग जोडेको थियो । पुल निर्माणअघि खोटाङवासीले दैनिक उपभोग्य वस्तुका लागि तीन दिनसम्म हिँडेर उदयपुरको गाईघाट र बेलटार बजार पुग्नुपर्थ्यो । सडक सञ्जालमा नजोडिएकाले जिल्ला पूर्वको 'कालिकोट'को रूपमा चिनिन्थ्यो । तर पुल बनेपछि धरान, विराटनगर, इटहरी, झापा र धनकुटासम्म सजिलै पुग्न सकिन्थ्यो । दिक्तेल रुपाकोट मझुवागढी नगरपालिकाका मेयर तीर्थ भट्टराईका अनुसार पुल निर्माणले स्वास्थ्य उपचार, उच्च शिक्षा र व्यापार-व्यवसायमा सहजता ल्याएको थियो । साथै पर्यटक आगमन र निजी लगानी पनि बढ्न थालेको थियो । तर तीन वर्ष नबित्दै पुल बगाएपछि जिल्लावासीको खुसी ...

पूर्णपुष्टि, असोज १५ ।  कोशी प्रदेश मुख्यमन्त्री तथा मन्त्रिपरिषद्को कार्यालय आफैंले घोषणा गरेका अधिकांश कार्यक्रमहरू कार्यान्वयन नै नभएको पाइएको छ । कार्यालयले भर्खरै सार्वजनिक गरेको आर्थिक वर्ष २०८०–०८१ को वार्षिक समीक्षा तथा प्रगति विवरणले यस्तो देखाएको हो । प्रदेश सरकारले मुख्यमन्त्री कार्यालय र मातहतका अन्य कार्यालयका लागि विनियोजन गरेको कुल ५८ करोड ४९ लाख ३५ हजार रुपैयाँमध्ये चालूतर्फ मात्र ३५.६७ प्रतिशत अर्थात् १८ करोड ७९ लाख ६४ हजार रुपैयाँ खर्च भएको छ । त्यस्तै पुँजीगततर्फ अत्यन्त न्यून २ करोड २४ लाख ७४ हजार रुपैयाँ मात्र खर्च भएको छ । विकास र सुशासनसँग जोडिएका महत्त्वपूर्ण कार्यक्रमहरू कार्यान्वयन नभएको प्रतिवेदनले देखाएको छ । क्षमता विकास कार्यक्रम, कानुनी साक्षरता, सुशासन प्रवर्द्धन सम्बन्धी कार्यक्रम, प्रदेश समन्वय परिषद्को बैठक र नवीनतम सोच खोजी कार्यक्रम जस्ता महत्त्वपूर्ण...

पूर्णपुष्टि, असोज १५ ।  बुधबारदेखि कोशी प्रदेशमा दुई दिन लगातार वर्षा हुने सम्भावना रहेको छ । त्रिभुवन विश्वविद्यालयको जल तथा मौसम विभागका सहप्राध्यापक डा. विनोद पोखरेलका अनुसार कोशी प्रदेशमा भारी वर्षाको सम्भावना रहेको छ भने बागमती र गण्डकी प्रदेशमा पनि केही प्रभाव पर्ने देखिन्छ । हावापानी विज्ञ डा. धर्मराज उप्रेतीले काठमाडौं उपत्यकामा मंगलबार अपराह्नदेखि नै वर्षाको प्रभाव देखिन सक्ने बताए । उनका अनुसार अघिल्लो वर्षाले कमजोर बनाएको भूमिमा हल्का वर्षा हुँदा पनि पहिरोको जोखिम रहेकाले विशेष सतर्कता अपनाउनुपर्ने देखिन्छ । जल तथा मौसम विज्ञान विभागको मौसम पूर्वानुमान महाशाखाले मंगलबार बिहान जारी गरेको बुलेटिनमा कोशी, बागमती र गण्डकी प्रदेशका पहाडी भूभागमा मेघगर्जन र चट्याङसहित हल्कादेखि मध्यम वर्षा हुने उल्लेख छ । महाशाखाले यस वर्षाका कारण कृषि, स्वास्थ्य, पर्यटन र यातायात क्षेत्रमा प्रभाव प...

पूर्णपुष्टि, असोज १४ ।  आजदेखि काठमाडौंबाट विभिन्न जिल्लाका लागि लामो दूरीका सार्वजनिक बस सेवा पुनः सञ्चालन हुन थालेको छ । शुक्रबारदेखिको लगातार वर्षा र राजमार्गमा भएका अवरोधका कारण रोकिएका बस सेवाहरू अब क्रमशः सुचारु हुँदैछन् । नयाँ बसपार्क व्यवस्थापन गरिरहेको ल्होत्से बहुउद्देश्यीय प्रालिका अनुसार अरनिको राजमार्ग बाहेकका अधिकांश जिल्लाका लागि बस सेवा सुरु हुनेछ । बसहरू आज  दिउँसो करिब ४ बजेपछि छुट्न थाल्ने जनाइएको छ । त्रिभुवन राजपथ, पृथ्वीराजमार्ग, नारायणगढ-मुग्लिन र पूर्व-पश्चिम राजमार्ग हुँदै विभिन्न जिल्लामा जाने यात्रुवाहक सवारी साधनहरू सञ्चालनमा आउनेछन् । तर, बिपी र अरनिको राजमार्गमा भएको क्षतिका कारण ती मार्गका सवारी सेवाको पुनः सञ्चालन अझै अनिश्चित छ । महानगरीय ट्राफिक प्रहरीले सडकमार्गमा सवारी र यात्रुको सुरक्षा सुनिश्चित गरेर मात्र बसहरू पठाउने जनाएको छ । मौसम र सडकको अवस्था ...

पूर्णपुष्टि, असोज १४ ।  कोशी प्रदेश सरकारले आगामी माघ महिनामा प्रदेशको पहिलो लगानी सम्मेलन आयोजना गर्ने भएको छ । माघ ११, १२ र १३ गते हुने यो सम्मेलनको उद्देश्य प्रदेशमा लगानीको वातावरण सिर्जना गर्नु र औद्योगिक विकासको सन्देश दिनु रहेको छ । प्रदेश सरकारको मन्त्रिपरिषद् बैठकले सम्मेलनको अवधारणा पारित गरी मिति तय गरेको हो । चालू आर्थिक वर्षको बजेटमा यस कार्यक्रमका लागि करिब ३ करोड रुपैयाँ छुट्याइएको छ । प्रदेश लगानी प्राधिकरणले सम्मेलनको समन्वय, सहजीकरण र लगानीका क्षेत्रहरू निर्धारण गर्नेछ । नेपाल, भारत र अन्य देशका लगानीकर्ताहरूलाई सम्मेलनमा आमन्त्रण गरिने योजना रहेको छ । मुख्यमन्त्रीका आर्थिक सल्लाहकार मोहन सुवेदीका अनुसार सार्वजनिक-निजी साझेदारी (पीपीपी) मोडलमा निजी क्षेत्रलाई प्रदेश विकासमा अधिकतम रूपमा संलग्न गराउने लक्ष्य राखिएको छ । सम्मेलनको तयारीका क्रममा प्रदेश सरकारले आवश्यक कानु...

पूर्णपुष्टि, असोज १४ ।  जल तथा मौसम विज्ञान विभागको मौसम पूर्वानुमान महाशाखाले आगामी बुधबारदेखि कोशीदेखि गण्डकी प्रदेशसम्मका जिल्लामा वर्षा हुने पूर्वानुमान गरेको छ । विशेषगरी कोशी प्रदेश, मधेश, बागमती र गण्डकी प्रदेशका पहाडी भू-भागमा हल्कादेखि मध्यम वर्षाको सम्भावना रहेको जनाइएको छ । कोशी प्रदेशका केही स्थानमा भारी वर्षाको समेत चेतावनी दिइएको छ । त्रिभुवन विश्वविद्यालयका मौसम विज्ञान केन्द्रीय विभागका सहप्राध्यापक डा. विनोद पोखरेलका अनुसार यो वर्षाको प्रभाव बुधबारदेखि शनिबारसम्म रहने अनुमान छ । हाल देशभर मनसुनी वायुको प्रभाव कायमै रहेको र बंगालको खाडीबाट आएको जलवाष्पयुक्त वायु मिसिएको कारण यस्तो मौसमी अवस्था सिर्जना भएको विभागले जनाएको छ । यसअघि असोज ११ र १२ गते भएको भारी वर्षाले ठूलो जनधनको क्षति गराएको स्मरण गराउँदै विभागले सतर्कता अपनाउन आग्रह गरेको छ । मंगलबार अपराह्नदेखि नै कोशी प...

पूर्णपुष्टि, असोज १४ ।  नेपाल रेडक्रस सोसाइटी कटारीले कटारी नगरपालिका वडा नं. २ का बाढी पीडित कुमार राईलाई राहत सामग्री वितरण गरेको छ । असोज १२ गते शनिबार अविरल वर्षापछि तावा खोलाको बाढीले राईको घरमा क्षति पुर्‍याएको थियो । रेडक्रस सोसाइटी कटारी नगर उपशाखाका सभापति राजिव तामाङको नेतृत्वमा एक टोली राईको घरमै पुगेर राहत सामग्री हस्तान्तरण गरेको हो । टोलीमा उपाध्यक्ष प्रमिला श्रेष्ठ र कोषाध्यक्ष दिनेश गिरी लगायत सदस्यहरू सहभागी थिए । राहत सामग्रीमा कम्बल, बाल्टिन, भाँडाकुँडा, साबुन, ओछ्याउने, भात पकाउने भाँडा, आरी, थाल र बटुका लगायतका दैनिक उपयोगका सामानहरू रहेका छन् । रेडक्रसका उपसचिव तिलक कटुवालले यस सहयोगले बाढी पीडित परिवारलाई राहत मिल्ने विश्वास व्यक्त गरे । रेडक्रसले प्राकृतिक प्रकोपबाट पीडित अन्य परिवारहरूलाई पनि सहयोग गर्ने प्रतिबद्धता जनाएको छ ।...