समाचार

पूर्णपुष्टि, चैत २१ । गाईघाटका केही महिलाहरुले तरकारी खाने पैसाबाट बचाएर लकडाउनको बेला खाद्यान्न अभाव पर्ने विपन्न वर्गका लागि सहयोगस्वरुप प्रदान गरेका छन् । उनीहरुले त्रियुगा नगरपालिकाको विपद् राहतकोषमा जम्मा गरी विपन्न वर्गका लागि सहयोग गरेका हुन् । १९ जना महिलाहरुले पाँच/पाँच सयको दरले र कार्की छापाखानाले पाँच हजार गरी एकमुष्टमा १५ हजार पाँच सय रुपैया नगरपालिकाका मेयर बलदेव चौधरीलाई हिजो प्रदान गरेका हुन् । महिलाहरू अधिकांश गृहिणी हुन् । उक्त रकम नगरपालिकाको विपदु् कोषमा जम्मा गरि विपन्न वर्गका लागि राहत वितरण गरिने नगरपालिकाले जनाएको छ । अहिले कोरोना भाइरसको कारण देश लकडाउनमा छ । यस अवस्थामा जनजीवन र गतिविधि ठप्प छ । घरभित्रै बसेर सुरक्षित रहनुपर्ने भएकाले दैनिक ज्यालामजदुरी गरेर खाइरहेका विपन्न वर्गलाई खाद्यान्न संकट परेको छ । यस विपद्मा परेको समस्यालाई बुझेर महिलाहरुले सहयोग...

पूर्णपुष्टि, चैत २० । सरकारले आजबाट लकडाउनलाई केही खुकुलो पार्दै ग्रामीण क्षेत्रमा बालीनाली लगाउने र उठाउने कृषि कार्यलाई निरन्तरता दिन आग्रह गरेको छ । आज बसेको कोभिड १९ संक्रमण रोकथाम तथा नियन्त्रण उच्चस्तरीय समन्वय समितिको बैंठकले खाद्य सामग्री, इन्धन लगायत दैनिक उपभोग्य बस्तुको ढुवानीलाई सहज बनाउने निर्णयका साथै ग्रामिण भेगमा कृषि कर्मका लागि सहज बनाउने निर्णय गरेको हो । खेतीका लागि बाहिरबाट श्रमिक ल्याउन भने नपाउने भएको छ । स्थानीय रुपमा नै कार्य गर्न र स्थानीय कामदार मात्र लगाउन सरकारको आग्रह छ । उपप्रधान तथा रक्षामन्त्री इश्वर पोखरेलको संयोजकत्वमा रहेको समन्वय समितिको बैंठकले नियमित आपूर्ती भइरहेका दैनिक उपभोग्य बस्तु तथा मुलुकभित्रै हुनसक्ने उत्पादनका विषयमा छलफल गरेको र अव केही सहज बनाउने निर्णय भएको अर्थ र सञ्चार तथा सूचना प्रविधि मन्त्री डा. युवराज खतिवडाले बताउनुभयो ...

पूर्णपुष्टि, चैत २० नेपालमा छैटौं कोरोना भाइरस सक्रमित एक बृद्ध फेला परेकी छिन् । उनी बागलुङकी ६५ वर्षीया बृद्धा भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बिहीबार पुष्टि गर्नुभयो । कोरोना संक्रमणको नतिजा पोजेटिभ आएको बिरामी बागलुङकी ६५ वर्षकी वृद्ध महिला भएको उहाँले जानकारी दिनुभयो । उनी चैत ४ गते बेल्जियमबाट कतारको दोहा हुँदै कतार एयरवेजको विमान क्युआर ६५२ बाट नेपाल आएकी थिइन् । अहिले संक्रमण पुष्टि भएकी बृद्धा र तेस्रो संक्रमित बागलुङकै १९ वर्षीया युवतीकी आफन्त हुन् । दुबै बेल्जियमबाट सँगै नेपाल आएका थिए । यती एयरलाइन्सको विमानबाट पोखरा पुगे । एक दिन आफन्तकहाँ बसेर उनीहरु दुबै जितमा बाग्लुङ पुगेका थिए । ‘घरमा आएपछि सामान्य भेटघाट पछि सँगै आएकी युवतीमा संक्रमण देखिएपछि क्वारेन्टाइनमा बसेको बताइएको छ । बागलुङ अस्पताल स्रोतकाअनुसार उनलाई दमको समस्या थि...

पूर्णपुष्टि, चैत १९ । उदयपुरमा क्वरेन्टाइनमा बस्ने मानिसको संख्या दिनदिनै बढिरहेको छ । यसैक्रममा आज उदयपुरमा थप १६ जना क्वारेन्टाइनमा आएका छन् । जिल्ला जनस्वस्थ्य कार्यालयका प्रमुख मोहन सुवदीका अनुसार रौतामाईमा थप ३ जना, मोतिगडामा ४ जना र बेलकामा ९ जना गरी आज १६ जना आएका हुन् । थपिएसंगै रौतामाईमा ८ जना, मोतिगडामा ८ जना पुगेको छ । बेलकामा भने आज पहिलोदिन एकैचोटी ९ जना क्वारेन्टाइनमा आएका हुन । उता त्रिवेणी बेलसोतमा यसअघि देखिनै २६ जना रहदै आएका छन् । योसंगै जिल्लामा क्वारेन्टाइनमा बस्नेको संख्या ५१ पुगेको छ । स्थानीय प्रशासन, सुरक्षाकर्मीहरु खटिनुका साथै स्थानीय सरकारले विशेष चासो र सक्रियताका साथ विदेशबाट आउने र कोरोना भाइरसको संकास्पद मानिसको खोजी थालेपछि क्वारेन्टाइनमा आउनेको संख्या बढेको जनस्वस्थ्य प्रमुख सुवदीले बताउनुभयो । यसका साथै नागरिकहरुमा पनि विदेशबाट आउने वा संकास्पदले...

पूर्णपुष्टि, चैत्र १९ १ नं. प्रदेश सरकारले स्थापना गरेको कोरोना जनसुरक्षा कोषमा आजसम्ममा ११ करोड रुपैया बढी संकलन भएको छ । कोरोना रोकथाम, प्रतिरक्षा र उपचारका लागि खडा कोषमा यति रकम जम्मा भएको मुख्यमन्त्रीका प्रेस सल्लाहकार ध्रुव सुवेदीले जानकारी दिनुभयो । कोषमा प्रदेश सरकारले १० करोड रुपैया जम्मा गरेको छ । सामाजिक संघ संस्था, बैंक, वित्तिय संस्था र व्यक्तिहरुले एक करोड ९४ हजार रुपैया जम्मा गरेका छन्् । कोषमा मन्त्रिपरिषद्का सदस्यहरु र राज्यमन्त्रीहरुले एक महिनाको पारिश्रमिक जम्मा गर्नुभएको छ । त्यस्तै प्रदेशसभाका सभामुख र उपसभामुखले एक लाख २१ हजार, प्रदेश सभा सदस्यहरुले २२ लाख ३० हजार, राउत कन्ट्रकसन सर्भिसले ११ लाख, हुलास वायरले ११ लाख, अरिहन्त मल्टिफाइवरले ११ लाख, रघुपति जुटमिलले १० लाख रुपैया जम्मा गरेका छन् । त्यस्तै सिद्धार्थ बैङ्कले १० लाख, सिटिजन्स बैङ्क इन्टरनेशनलले ७ लाख, कृषि...

पूर्णपुष्टि, चैत १९ । १ नं. प्रदेश अन्तर्गत धरानस्थित विपी कोइराला स्वस्थ्य विज्ञान प्रतिष्ठानमा कोरोना भाइरस परिक्षण हुन थालेपछि रिपोर्ट छिटो आउन थालेको छ । त्यहाँ प्रयोगशाला स्थापनापछि आजै १२ जनाको रिपोर्ट आएको छ । योसंगै १ नं. प्रदेशमा ४२ जनाको रिपोर्ट आएको छ । ती सबै रिपोर्ट नेगेटिभ आएको छ । जम्मा ५४ जनाको कोरोना भाइरस (कोभिड १९) संक्रमणको आशंका गरिएकोमा ४२ जनाको रिपोर्ट आएको हो । ४२ मध्ये हिजो ३० जनाको रिपोर्ट नेगेटिभ आइसकेको हो । अन्य १२ जनाको रिपोर्ट आउन बाँकी रहेको छ । प्रदेशका विभिन्न अस्पतालबाट ५४ जनाको स्वाब संकलन गरिएको थियो । कोरोना भाइरसको परिक्षण गर्दा ४२ जनाको रिपोर्ट नेगेटिभ आएकाो प्रदेश सामाजिक विकास मञ्त्रालयका प्रवक्ता डा. सुरेश मेहताले जानकारी दिनुभएको छ । ४२ जना मध्ये सापाका ५, मोरङको ९, सुनसरीको २५, धनकुटाको १, तेह्रथुमको २, संखुवासभाको १, भोजपुरको २, सोल...

पूर्णपुष्टि, चैत १९ । कोरोना भाइरसको निरन्तर खबर अपडेटको क्रममा अहिलेसम्म १ नं. प्रदेशमा सुखद खबर नै रहेको छ । अहिलेसम्म भाइरस संक्रमित नभेटिएको सुखद खबर रहेपनि संक्रमितको आशंका अझै रहेकाले ढुक्क हुने स्थिति छैन । ढुक्क हुने भन्दा सतर्कता अपाउनु पर्ने आवश्यकता नै रहेको छ अझपनि । १ नं. प्रदेश सरकार, सामाजिक विकास मञ्त्रालयका प्रवक्ता डा. सुरेश मेहतालाई उद्धृत गर्दै सञ्चार माध्यमहरुले जनाए अन’सार हालसम्म १ नंं प्रदेशबाट कोराना भाइरस (कोभिड ं१९) को आशंकामा नमुना संकलन गरिएका ३० जनाको रिपोर्ट नेगेटिभ आएको छ । अर्थात ती तीस जनामा कोरोना भाइरसको संक्रमण देखिएको छैन । अन्य १६ जनाको रिपोर्ट आउन बाँकी रहेको छ । यस अवधिमा १० महिलासहित ४६ जनाको नमुना संकलन गरिएको हो । प्रवक्ता डा. मेहताका अनुसार सुनसरीबाट २५ जना, झापाबाट ५ जना,  मोरङगबाट ७ जना, धनकुटाबाट १ जना, र्तेहथुमबाट २ जना, सोलुखुम्वुब...

पूर्णपुष्टि, चैन १९ । आजसम्म विश्वमा कोरोना भाइरसका कारण मृत्यु हुनेको संख्या ४२ हजार नाघेको अन्तराष्ट्रिय सञ्चार माध्यमहरुले जनाएका छन् । हिजोसम्मको कोरोना भाइरसका कारण मर्नेको संख्या ४२ हजार १ सय ७ पुगेको हो । हिजो मंगलबार एकैदिनमा ४ हजार ३ सय ३४ जनाको मृत्यु भएको हो । एक लाखभन्दा बढी मानिस संक्रमि रहेको इटलीमा एकैदिनमा ८ सय ३७ जनाको मृत्यु भएको सञ्चारमाध्यमहरुले जनाएका छन् । अहिलेसम्म त्यहाँ १२ हजार ४ सय २८ जनाको ज्यान गइसकेको छ । स्पेनमा कारोना संक्रमणका कारण आठ हजार ४ सय ६४ जनाको मृत्यु भइसकेको छ । पछिल्लो समय संक्रमण निकै बढिरहेको अमेरिकामा हिजो ७ सय १९ जनाको ज्यान गयो । यो संगै अमेरिकामा मृत्यु हुनेको जम्मा संख्या ३ हजार ८ सय ६० जना पुगेको छ । भारतीय सञ्चार माध्यमहरुका अनुसार भारतमा भने हिजो थप ३ जनाको मृत्यु भएको छ । त्यहाँ मृत्यु हुनेको संख्या ३५ पुगेको छ । यता, चाइ...

पूर्णपुष्टि, चैत १९ । हिमाली यातायात व्यवसायी केन््द्र गाइघाटले गरीव तथा विपन्नलाई लकडाउनमा खाद्य संकट टार्न सहयोग स्वरुप आर्थिक सहयोग गरेको छ । केन्द्रले सो उद्देश्यका लागि त्रियुगा नगरपालिकाको विपद् राहत कोषमा ५० हजार रुपैया सहयोग गरेको हो । नगरपालिकाले यसरी प्राप्त रकमहरुबाट खाद्य सामग्री खरिद गरी वडाहरुका विपन्न वर्गको पहिचान गरी राहत वितरण गरिरहेको छ । निर्माण व्यवसायी संघले पनि सो नगरपालिकालाई २५ हजार रुपैया राहत कोषमा सहयोग गर्ने निर्णय गरेको छ । साथै संघले जिल्लाका अन्य सबै पालिकाहरुलाई पनि सहयोग रकम प्रदान गर्ने निर्णय गरेको छ । नगरपालिकालाई २५ र गाउँपालिकालाई २० हजारका दरले सहयोग प्रदान गर्ने जनाइएको छ ।...