समाचार

भदौ २४ गते ।  बैदेशिक रोजगारीमा मकाउ पठाउने भन्दै ठगी गरेर दुई महिनादेखि फरार भएका एक व्यक्ति पक्राउ परेको छ । रौतहट चन्द्रपुर नगरपालिका–३ घर भएका (हाल काठमाडौं महानगरपालिका–५) बस्ने विनोद बस्नेत (विनोदमणि) भन्ने ४२ वर्षीय राजु केसी पक्राउ परेको प्रहरीले जनाएको छ । महानगरीय अपराध महाशाखाको टोलीले सोमबार दिउँसो काठमाडौंको हाँडीगाउँबाट केशीलाई पक्राउ गरेको प्रहरीले जनाएको छ । राम्रो तलबमा मकाउ पठाई दिने भन्दै प्रलोभनमा पारेर ६ जनाबाट १९ लाख १० हजार रुपैयाँ लिएर गत जेठदेखि फरार भएको अपराध महाशाखाले जनाएको छ । पक्राउ परेका केसीको साथबाट फरक–फरक नाममा रहेका दुईवटा सवारी चालक अनुमति पत्रसमेत बरामद भएको महाशाखाले जनाएको छ । गोरखा पालुङटार नगरपालिका–८ निबासी रामशरण कोइरालासहित ६ जनाले जेठ १४ गते संयुक्त जाहेरी दिएपछि महाशाखाको टोलीले केसीलाई पक्राउ गरी अनुसन्धान थालेको जनाएको छ ।...

झापा, भदौ २४ गते  झापाका शिवसताक्षीको पश्चिम बस स्टेनमा बसको ठक्करबाट एक जना पैदल यात्रि घाईते भएको छ । शिवसताक्षी नगरपालिका–८ का पश्चिम बस स्टेनको पूर्व पश्चिम राजमार्गमा पैदलयात्री घाईते भएको हो । पूर्वबाट पश्चिमतर्फ जादै गरेको को १ ख ६६९० नम्बरको बसले स्थानिय ६० वर्षीय जदपतिप्रसाद साहलाई दिउँसो १२ बजे ठक्कर दिएको प्रहरीले जनाएको छ । घटनाको जानकारी पाउने वितिकै प्रहरी घटनास्थल पुगी घाईते साहलाई उपचारको लागी लाईफ लाईन अस्पताल दमक पठाएको प्रहरीले जनाएको छ । ठक्कर दिने बस र बस चालकलाई नियन्त्रमा लिएको प्रहरीले जनाएको छ ।...

उदयपुर, भदौ २४ गते । श्री रामजानकी माध्यामिक विद्यालय, मोतिगडाका शिक्षक अष्टबहादुर राई शिक्षा दिवस पदक तथा प्रमाण पत्र–२०७६ द्वारा पुरस्कृत हुने भएका छन् । ४० औं राष्ट्रिय शिक्षा दिवस तथा अन्तराष्ट्रिय साक्षरता दिवसको अवसरमा नेपाल सरकार, शिक्षा विज्ञान तथा प्रविधि मञ्त्रालयले राईलाई पुरस्कृत गर्ने भएको हो । त्रियुगा नगरपालिका ३ मोतिगडाका निमाशि द्वितिय श्रेणीका राई यो वर्ष जिल्लाबाट पुरस्कृत हुने एकमात्र शिक्षक हुन् । मञ्त्रालयले सूचना जारी गर्दै राई लगायत सबै जिल्लाबाट पुरस्कृत हुने शिक्षकहरुको सूचीमा सार्बजनिक गरेको छ । शिक्षण क्षेत्रमा १६ वर्षे अनुभव भएका राई एक कुशल शिक्षकको रुपमा परिचित छन् । शिक्षक राई २०६० सालदेखि शिक्षण सेवामा प्रवेश गरेका हुन् । त्रियुगा नगरपालिका १० घर भएका उनी शिक्षण अघि तत्कालिन जिल्ला विकास समितिमा गरिबी निवारण कोषको कार्यक्रम संयोजक भई काम गरेका थिए ...

भदौ २४ गते ।  नेपाल–भारत पेट्रोलियम पाईपलाईन नेपालका प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले संयुक्त रूपमा स्विच थिचेर उदघाटन गरेका छन् । ओलीले सिंहदरबार र मोदीले दिल्लीबाट स्वीच थिचेर मंगलबार पाइपलाइनको उदघाटन गरेका हुन् । भिडियो कन्फ्रेन्सबाट दुवै देशका प्रधानमन्त्रिले उदघाटन गरेको थियो । अहिले कार्यक्रमका लागि अहिले दुवै देशका प्रधानमन्त्री भिडियो कन्फ्रेन्समा छन् । उद्घाटन कार्यक्रममा प्रम ओलीले पाइप लाइन सञ्चालनमा आउनु नेपालका लागि उपलब्धिमूलक भएको  बताएको छ । अमलेखगन्जका इन्डियन आयल कर्पोरेसनका अधिकारीले पाइपलाइनबाट आएको तेल बोतलमा थापेर नेपाल आयल निगमका अधिकारीलाई हस्तान्तरण गरेका थिए  । उक्त तेल भण्डारण गृहमा खन्याइएको थियो । उद्घाटनसँगै पाइपलाइनको माध्यमबाट भारतबाट आएको पेट्रोलियम पदार्थ अमलेखगञ्जको डिपोमा भण्डारण हुन थालेको  छ । २०७२ ...

सुनसरी, भदौ २४ गते ।  सुनसरीको धरानमा लागु औषधसहित तीन जना पक्राउ परेका छन् । धरान उप–महानगरपालिका–८ बाट लागु औषध सहित पक्राउ परेका हुन् । ईलाका प्रहरी कार्यालय धरानबाट चेकजाँचमा खटेका प्रहरी टोलीले दिउँसो धरान –१४ निबासी ४० बर्षीय कुमार बस्नेत, धरान–७  निबासी ३२ बर्षीय वसिम खान र ३४ बर्षीय राजेश भनिने नविन भण्डारीलाई दुईवटा मोटरसाईकलसहति पक्राउ गरेको प्रहरीले  जनाएको छ । डाईलक्स डि.सी. १० बोतल, स्पास्मोप्रोक्सिवन प्लस ९० क्याप्सुल, नाईट्रोसन २५ ट्याब्लेट, मोवायल २ थान र नगद २८ हजार सात सय ४० रुपैयासहित उनिहरुले लागु औषध ओसारपसारमा प्रयोग गरेका को ४ प १७३५ र को १० प ४७४७ नम्बरको मोटरसाईकल बरामद गरेको प्रहरीले जनाएको छ । पक्राउहरुको थप अनुसन्धान भईरहेको प्रहरीले जनाएको छ ।...

तेह्रथुम, भदौ २४ गते ।  तेह्रथुमको म्याङलुङमा जंगली च्याउन खाँदा एक जना विरामी परेको छ । म्याङ्लुङ गाउँपालिका–७ जिरीखिम्ती निबासी ३० बर्षीया सुमित्रा नेपाली विरामी परेको हो । जंलबाट ल्याएको च्याउ सोमवार बेलुकी खाना संगै आएका थिए । विरामी नेपालीको जिल्ला अस्पताल म्याङलुङमा उपचार भईरहेको जिल्ला प्रहरी कार्यालय तेह्रथुमले जनाएको छ ।...

उदयपुर, भदौ २४ गते ।  समुदायिक समुत्थान तथा खाद्य सुरक्षाका लागि दिगो विकास कार्यक्रम (सबल) को समिक्षा तथा समापन कार्यक्रम मंगलबार गाईघाटमा सम्पन्न भयो । मानव अधिकार तथा वातावरण विकास केन्द्र (हुरेण्डेक) को आयोजनामा त्रियुगा नगरपालिकाको कार्यक्रम हलमा भएको हो । नगरप्रमुख बलदेव चौधरीको प्रमुख आतिथ्यमा भएको कार्यक्रममा सवल कार्यक्रमका तथ्यांक अधिकृत अप्सरा खड्काले सवलले सन्चालन गरेका कार्यक्रमहरुको बारेमा प्रस्तुती गरेकी थिइन् । स्थानीय कृषक समुहहरु, स्रोत व्यक्ति, महिला स्वयमसेविका, जनप्रतिनिधि, पत्रकार, नगर कर्मचारी लगायतले सबलको बारेमा अनुभव प्रस्तुत गरेका थिए । सबलले आप्mनो कार्यक्रम अवधिमा खाद्य सुरक्षाका लागि कृषि उत्पादनमा जोड दिदै कृषकहरुलाई सबलीकरण गरेको जनाइएको थियो । हुरेण्डेक अध्यक्ष शंकर बहादुर थापाले नगर प्रमुख चौधरीलाई कार्य प्रगति विवरणसहितको पुस्तक हस्तान्तरण गरेका ...

भदौ २४ गते । एसीसी अन्डर १९ एसिया कप क्रिकेटको तेस्रो खेलमा नेपालले युएईलाई २ सय ८६ रनको लक्ष्य प्रस्तुत गर्दै जित हात पारेको छ । श्रीलंकामा जारी क्रिकेट खेलमा टस हारेर पहिलो ब्याटिङ गरेको नेपालले निर्धारित ५० ओभरमा ९ विकेटको क्षतिमा २ सय ८५ रन बनाएको हो । नेपालका कप्तान रोहित कुमार पौडेलले सर्वाधिक ६७ रनको योगदान दिएका थिए । उनले यसक्रममा ८ चौका र १ छक्का बजाएको थियो । नेपालका दुवै ओपनर शुन्य रन बनाएर पभोलियन फर्केपछि उनले आशिफ शेखसँग ७१ रनको महत्त्वपूर्ण साझेदारी गर्दै नेपाललाई जितहा धकेलेको थियो । शेखले ५४ बलमा आठ चौकाको मद्दतले ४५ रनको योगदान बनाएको थियो । खेलको अन्तिम तिर आएर कमलसिंह ऐरीले नेपाललाई विशाल स्कोर तर्फ धकेलेको थियो । उनले मात्र २५ बलमा ४१ रन बनाउँदा ५ चौका र २ छक्का बजाएको थियो । उनले रसिद खानसँग ७० रनको योगदान दिएका थिए भने खानले ४४ रन बनाएको थियो । त्यस्तै स...

भदौ २४ गते ।  अफगानिस्तानमा १८ वर्षदेखि जारी युद्ध समाप्त गर्ने उद्देश्यले तालिबानसँग कुराकानी भएपनि मरेको अमेरिकाका राष्ट्रपति डोनल्ड ट्रम्पले बताएका छन् । आफुसँग भएको त्यो कुराकानी मरिसकेको ह्वाइट हाउसमा पत्रकारसँग ट्रम्पले बताएका हुन् । क्याम्प डेभिडमा आईतबार तालिबानका एक प्रतिनिधि मण्डलसँग कुरा गर्ने कार्यक्रम रहेपनि उक्त दिन भन्दा पहिला नै ट्रम्पले बैठक रद्द गरेका छन् । वार्ताका लािग दुबै पक्ष निकै नजिक पुगिसकेका थिए । अमेरिकी राष्ट्रपति ट्रम्प बार्ताबाट पछि हटेपछि त्यसको आलोचना गर्दै तालिबानले अमेरिकालाई नै हानी हुने बताएका थिए । ट्रम्पले अफगानिस्तानबाट १४ हजार आफ्ना फौज फिर्तालाई विदेश नीतिलाई एउटा महत्वपूर्ण लक्ष्य बनाएको छ । कुराकानी समाप्त गर्ने अमेरिकाको निर्णयको स्वागत गदै यसलाई सही समयमा र सही कदम उठाएको अफगानिस्तान सरकारले बताएका छन् ।...

उदयपुर, भदौ २४ गते । सानो तिनो प्रहारले संघियलोकतन्त्र परिवर्तन नहुने नेपाली काँग्रेसका केन्द्रिय सदस्य तथा पूर्व मन्त्रि अर्जुननरसिंह केशीले बताएकाछन् । नेपाल प्रस युनियको आयोजनामा मंगलबार भएको पत्रकार सम्मेलनमा बोल्दै केशीले बताएका हुन् । दोस्रो जागरण अभियानको क्रममा केशी उदयपुर आईपुगेको छ । नेपालकै पहिलो सर्वशक्तिशाली सरकार नेकपाको निर्माण भएकाले केशीले बताए । तर लोकतान्त्रिक मनोबृति र संघियता भन्दा अलग प्रवितिले अगाडी बढेकाले आरोप लगाएको छ । बहुमतको सकार भएकाले कुनै प्रकारको तेस्ता चुनौति नआएको र चुनौती आयो भन्न लजास्पद भएको उनले बताए । चुनैति नभएको होईन गरिबी, असम्पन्नता र भ्रष्टचारको चुनौति भन्दा बाहेक चुनौति सरकारलाई नभएको उनले औल्याएको छ । सरकारले केहि प्रतिपक्षिको नेताको टाउकोमा आरोप लगाएर आफु उम्कन खोजेको आरोपसमेत लगाएको छ । सरकारसँग तागत र आँट भए जो कोहि भ्रष्टारीलाई...