Breaking News 1

पूर्णपुष्टि, माघ १६ । झापा ११ फुटबल क्लब १० औँ नारदमुनि थुलुङ स्मृति गोल्ड कप फुटबल प्रतियोगिताको सेमीफाइनलमा पुगेको छ । बुधबार चौदण्डिगढी नगरपालिका बसाहास्थित नारदमुनि थुलुङ रंगशालामा भएको दोस्रो क्वाटर फाईनल खेलमा आयोजक बसाहा क्लबलाई शून्यको विरुद्ध एक गोल गर्दै झापा सेमीफाइनलमा प्रवेश गरेको हो । झापाका लागि जर्सी नम्बर १८ का (कप्तान) पेमा तामाङले ७९ औँ मिनेटमा गोल गरे । उनले गरेको गोल नै जितका लागि निर्णायक गोल बन्यो । भोली हुने तेस्रो क्वाटर फाईनल खेल सलहेश युवा क्लब (सिराहा) र एलएक्स सिटी फुटबल क्लब (मोरङ्ग) बिच हुनेछ । भोली हुने तेस्रो क्वाटर फाईनलको विजेताले बागमति युवा क्लब (सर्लाही) सँग सेमिफाईनल खेल्नेछ भने न्यु त्रियुगा स्पोर्टस क्लब (सप्तरी) र एभरेष्ट फुटबल क्लब (सुनसरी) बिचको चौँथो क्वाटरफाईनलको विजेताले झापासँग सेमिफाईनल खेल्नेछ । उपाधि विजेताले नगद रु. ५ लाख सहित ट्रफी...

पूर्णपुष्टि, माघ १६ । उदयपुर जिल्लाको त्रियुगा नगरपालिकामा सामुदायिक वन क्षेत्रभित्र रहेको व्यावसायिक माछा फार्मबाट १५ लाख रुपैयाँ बराबरको माछा चोरी गरेको आरोपमा तीन जना पक्राउ परेका छन् । पक्राउ पर्नेमा त्रियुगा नगरपालिका–१ जोगिदहस्थित मैनाहा केन्द्रीय टोलका ५६ बर्षीया कलावती चौधरी, ५० बर्षीय राम किसुन चौधरी र नवज्योति टोलका ४० बर्षीय शिव शंकर चौधरी रहेका छन् । उनीहरूले जागृति सामुदायिक वन क्षेत्रमा रहेको ‘कृषी चाम्लिङ फर्म’ का तीनवटा पोखरीबाट गत पुष २८ गते दिउँसो १ बजे माछा चोरी गरेको पीडित लिल बहादुर राईले प्रहरीमा दिएको उजुरीमा उल्लेख गरिएको छ । पीडित राईका अनुसार चोरी भएका माछाहरूमा कोमल, विकेट, रौ, ग्रासकार र भाकुर जातका छन्, जसको प्रति गोटा तौल ४ केजीसम्म रहेको र कुल मूल्य १५ लाख रुपैयाँ बराबर रहेको छ । उजुरीमा उल्लेख भए अनुसार घटनामा संलग्न अन्य ८–९ जना फरार रहेका छन् । पीडित...

पूर्णपुष्टि, माघ १५ । उदयपुरमा १० औँ नारदमुनि थुलुङ स्मृती गोल्डकप फूटबल प्रतियोगिता २०८१ सुरु भएको छ । मंगलबार बसाहा युवा क्लबद्धारा आयोजित १० औँ नारदमुनि थुलुङ स्मृती गोल्डकपको उद्घाटन एमाले कोशी प्रदेश इन्चार्ज तथा कोशि प्रदेशका पूर्व मुख्यमन्त्री शेरधन राइले गरेका हुन् । चौदन्दीगढी नगरपालिका बसाहास्थित नारदमुनि थुलुङ रंगशालामा भएको पहिलो उद्घाटन खेलमा डिफेन्डिङ्ग च्याम्पियन बागमती युबा क्लब सर्लाहीले संकटा फूटबल क्लब काठमाण्डुलाई १–० गोल अन्तरले हराएको हो । बागमतिका लागी जर्सी नं. १४ का सनम धिमालले ७२ औँ मिनेटमा गोल गरे । उनको त्यहि गोल नै जितका लागी निर्णायक गोल बन्यो । ८ टिमको सहभागी रहेको गोल्डकप यहि माघ २२ गते सम्म संचालन हुनेछ । भोली हुने दोस्रो क्वाटरफाईनल खेल आयोजक बसाहा क्लब र झापा फुटबल क्लबबिच हुनेछ । उपाधी बिजेताले नगद ५ लाख सहित ट्रफी, मेडल र प्रमाणपत्र प्राप्त गर्नेछ...

पूर्णपुष्टि, १५ माघ । प्रेस सेन्टर नेपाल उदयपुरले जिल्ला हस्पिटल उदयपुरका बिरामीहरुलाई फलफुल वितरण गरेको छ । संस्थाको २१ औँ स्थपना दिवसको अवसरमा सेन्टरको उदयपुर शाखाले विरामीहरुलाई फलफुल वितरण गरेको हो । मंगलबार उदयपुर शाखा अध्यक्ष अभिमन्यु लामिछानेको नेतृत्वमा केन्द्रीय सदस्य यदु ढकाल, हरि कुमार राई, पूर्व प्रदेश सदस्य गजेन्द्र राई लगायत जिल्ला कार्यसमितिको उपस्थितिमा फलफुल बितरण गरेको हो । हस्पिटलमा भएका सबै बिरामीहरुलाई स्याउ, केरा, सुन्ताला, फ्रुटी लगायतका सामाग्री वितरण गरिएको हो । अध्यक्ष लामिछानेले उदयपुर शाखाले स्थापना दिवसको अवसरमा सँधै यसरीनै सामाजिक काम गर्दै आएको जनाए ।...

पूर्णपुष्टि, १५ माघ । उदयपुरको उदयपुरगढी वडा नं ७ अधेरी छेउ जोगिटोलमा एक पुरुष मृत फेला परेको छ । जिल्ला प्रहरी कार्यालय उदयपुरका अनुसार सोही वडाका बर्ष ४६ को नयन्त्र घले मृत अवस्थामा फेला परहेको हो । डिएसपी राजन चापागाईका अनुसार घटना हिजो बेलुकाको भएपनि स्थानीयहरुले बिहान १० बजेमात्रै थाहा पाएका थिए । ढुँगैढुँगा भएको आसपासमा घले मृत अवस्थामा फेला परेको छ । घटनाबारे प्रहरीले थप अनुसन्धान सुरु गरेको छ । घटनाबारे सर्जिमन मुचुल्का उठाईरहेको छ । तालिम प्राप्त कुकुर ल्याएर मात्रै लाश उठाउन भएको छ ।...

पूर्णपुष्टि, १५ माघ । स्वास्थ्य कार्यालय उदयपुरले महिलाहरुमा हुने पाठेघरको मुखको क्यान्सर विरुद्धको ह्युमन प्यापुला भाईरस (एच.पिभी.) खोप लगाउने भएको छ । उदयपुरमा पहिलो र दोस्रो चरण गरी यहि माघ २३ गतेदेखी फागुनको ७ गते सम्म पाठेघरको मुखको क्यान्सर विरुद्धको खोप लगाउने तयारी भएको स्वास्थ्य कार्यालय उदयपुरका खोप सुपरभाईजर चिरन्जीवी निरौलाले जनाए । निरौलाका अनुसार पहिलो चरणमा त्रियुगा नगरपालिका, बेलका नगरपालका, लिम्चुङबुङ गाउँपालिका र रौतामाई गाउँपालिकामा २३ गतेदेखी पहिलो चरणको खोप लगाईने भएको छ भने दोस्रो चरणमा कटारी नगरपालिका, चौदण्डीगढी नगरपालिका, ताप्ली गाउँपालिका र उदयपुरगढी गाउँपालिकामा लगाईने भएको छ । जसमा विद्यालयमा २८३, स्वास्थ्य संस्थामा ९२ समुदाय तथा खोप केन्द्रमा २१ गरी जिल्लामा ३९६ ओटा खोप केन्द्रहरु तोकिएको निरौलाले जनाएको छ । बिषेशगरी १० देखी १४ बर्ष उमेरका किशोरीहरुलाई लक्षित ...

पूर्णपुष्टि, १५ माघ । त्रियुगा नगरपालिका वडा नं १६ ले वडावासीहरुलाई न्यान्यो कपडा र आरान मेशिन प्रदान गरेको छ । सोमवार त्रियुगा नगरपालिका १६ वडा कार्यालयको आयोजनामा तथा २०८१÷२०८२ को स्वीकृत ७५ हजार वडागत बजेटबाट ८० बर्ष माथिका जेष्ष्ठ नागरिक र (क) बर्गका अपाङगता भएका व्यक्तिहरु गरी ६२ जना र यता दलित लक्षित ५० हजार बजेटबाट एक ग्रेण्डर मेशिन र ९ आरान मेशिन सहित १० ओटा स्थानीय परम्परागत आरान मेशिन प्रदान गरिएको हो । वडाअध्यक्ष मान वहादुर राईका अनुसार वडा सरकारले वडामा रहेको जेष्ठ नागरिक र अपाङ्गता भएकाहरुको संरक्षण गर्ने उदेश्य सहित जाडोबाट जगाउन न्यानो कपडा प्रदान गर्नुका साथै व्यवसायबाट आर्थिक पार्जनमा टेवा पुराउन दलित परिवारलाई आरान मेसिन वितरण गरेको हो । वडाले विगतदेखि नै यस किसिमको कार्यक्रमलाई निरन्तरता दिदै आएको पनि अध्यक्ष राईले जनाए । वडा कार्यालयले लक्षित वजेट तथा कार्यक्...

पूर्णपुष्टि, माघ १४ । उदयपुरको पहाडी क्षेत्रमा रहेको ताप्ली गाउँपालिकामा पहिलो पटक हुलाक कार्यालय स्थापना गरिएको छ । सरकारको ‘एक पालिका एक हुलाक कार्यालय’ कार्यक्रम अन्तर्गत रुपाटारमा स्थापना गरिएको यो कार्यालयको आज जिल्ला हुलाक कार्यालयका सुब्बा खिलराज बस्नेतले एक समारोहका बीच उद्घाटन गरे । कार्यालय प्रमुख उमा विकका अनुसार तीन जना कर्मचारीको टोलीले सेवा प्रवाह सुरु गरिसकेको छ । कार्यालयले चिठीपत्र वितरण, हुलाक टिकट बिक्री लगायतका आधारभूत हुलाक सेवाहरू प्रदान गर्नेछ । ‘पहाडी क्षेत्रका बासिन्दाले लामो समयदेखि हुलाक सेवाको माग गर्दै आएका थिए । अब स्थानीय स्तरमै सहज रूपमा हुलाक सेवा उपलब्ध हुने भएको छ,’ कार्यालय प्रमुख विकले बताइन् । यस अघि ताप्ली गाउँपालिकाका बासिन्दाले हुलाक सेवाका लागि टाढा जानुपर्ने बाध्यता थियो । नयाँ कार्यालय स्थापनासँगै स्थानीयवासीलाई सरकारी हुलाक सेवा सहज रूपमा ...

पूर्णपुष्टि, माघ १४ । राष्ट्रिय योजना आयोगले स्थानीय तहलाई सात वर्गमा विभाजन गरी नयाँ समपूरक अनुदान वितरण प्रणाली लागू गरेको छ । यो नयाँ व्यवस्था अनुसार स्थानीय तहको राजस्व संकलन क्षमताको आधारमा २० देखि ८० प्रतिशतसम्म अनुदान प्राप्त हुनेछ । यस अघि सबै स्थानीय तहले पूर्वाधार निर्माणका लागि ५०÷५० प्रतिशतको साझेदारीमा समपूरक अनुदान पाउँदै आएकोमा अब राजस्व स्रोतको आधारमा २० देखि ८० प्रतिशतसम्म अनुदान पाउने व्यवस्था गरिएको छ । जसअनुसार कम आय भएका स्थानीय तहले बढी र धेरै आय भएकाले कम अनुदान प्राप्त गर्नेछन् । उदयपुर जिल्लामा ताप्ली र लिम्चुङबुङ गाउँपालिकाले सबैभन्दा बढी ८० प्रतिशत अनुदान पाउने छन् भने रौतामाई र उदयपुरगढी गाउँपालिकाले ७० प्रतिशत पाउनेछन् । त्यसैगरी बेलका नगरपालिकाले ५० प्रतिशत, चौदण्डीगढी र कटारी नगरपालिकाले ४० प्रतिशत र जिल्लाकै सबैभन्दा ठूलो त्रियुगा नगरपालिकाले भने मात्र...

पूर्णपुष्टि, माघ १३ । उदयपुर जिल्लाको चौदण्डीगढी नगरपालिकामा महत्वपूर्ण पूर्वाधार विकासको योजना अघि बढेको छ । नगरपालिकाको लगातारको पहलमा संघीय सरकारले हडिया र ज्यामिरे क्षेत्रलाई जोड्ने त्रियुगा नदीमा झोलुङ्गे पुल निर्माणका लागि ५ करोड ९१ लाख ५० हजार रुपैयाँको बजेट सुनिश्चित गरेको छ । नगर प्रमुख कालुमान लामाका अनुसार पुल स्थानीय जनताको दीर्घकालीन यातायात समस्या समाधानमा महत्वपूर्ण भूमिका खेल्ने छ । गत वर्षदेखि नै यस योजनामा लगातार प्रयास जारी रहेको थियो । शुरुमा कोशी प्रदेश सरकारले डिपिआर तयार गरेको भए पनि कार्यान्वयन हुन नसकेपछि संघीय सरकारले यसलाई अगाडि बढाएको हो । प्राविधिक विवरणअनुसार पुलको कुल लम्बाई २७८.२ मिटर हुनेछ र यसमा एकतर्फी रूपमा टेम्पो सञ्चालन गर्न सकिने छ। स्थानीय पूर्वाधार विकास आयोजना कार्यालय इटहरीका प्राविधिक टोलीले पहिले तयार भएको डिपिआर अनुसार नै पुल निर्माण गर्न...