६ बुदेँ माग सहित पूर्व प्रहरीद्धारा जिप्रकामा ज्ञापन पत्र दर्ता
पूर्णपुष्टि, फागुन २४ । नेपाल पूर्व प्रहरी संगठन जिल्ला कार्य समिति उदयपुरले जिल्ला प्रहरी कार्यालयमा ६ बुदेँ माग सहित ज्ञापन पत्र दर्ता गरेको छ । बिहिबार प्रहरी कल्याणकोषको न्यायोचित वितरण भन्ने मुलनाराका साथ देश व्यापी ज्ञापन पत्र बुझाउने कार्यक्रम अन्तर्गत पूर्व प्रहरी संगठन उदयपुरका उपाध्यक्ष बल बहादुर खत्रीको नेतृत्वमा जिप्रकामा ज्ञापन पत्र दर्ता गरिएको हो ।
जिल्ला प्रहरी कार्यालय उदयपुरका प्रमुख प्रहरी नायव निरिक्षक रमेश थापाले ज्ञापन पत्र नबुझ्ने भएपछि संगठनको माग सहितको ज्ञापन पत्र दर्ता गरिएको थियो । उक्त माग ३५ दिन भित्र पूरा नगरिएमा वा सन्तोषजनक मनासिव कदम नचालिएमा नेपाल पूर्व प्रहरी संगठनले आफु माथि संरक्षक बाट पनि न्याय नगरिएको निष्कर्ष निकाल्ने जनाएको छ । माग सम्बोधन नगरे प्रहरी कल्याणकोष व्यवस्थापन संचालक समितिको काम कारर्वाही विरुद्ध देश व्यापी विरोध कार्यक्रमका साथै कान...
