बाढीमा दाउराको जोहो : आवश्यकता र जोखिमबीच स्थानीयको दौडधुप
पूर्णपुष्टि, असार १७ । उदयपुरको गाईघाट बजार नजिकैको बरुवा खोलामा वर्षायाममा आउने बाढीसँगै बगेर आएका दाउरा र काठ संकलन गर्न स्थानीयहरू जोखिम मोल्न बाध्य भएका छन्।
बर्षेनि देखिने यो दृश्यमा बालबालिकादेखि वृद्धवृद्धासम्म बाढीको जोखिम मोलेर दाउरा र काठ निकाल्न तम्सिएका देखिन्छन् । स्थानीयहरूका अनुसार जंगलबाट दाउरा ल्याउन दिनभर लाग्ने भएकाले बाढीले बगाएर ल्याएको दाउरा संकलन गर्नु सजिलो विकल्प बनेको छ ।‘बाढीमा दाउरा निकाल्दा जोखिम त छ, तर घरमा चुलो बाल्न यो नै सजिलो उपाय हो, ‘एक स्थानीय महिलाले भनिन् । यद्यपि, यो प्रक्रिया निकै खतरापूर्ण छ। बाढीको बहावमा बग्न सक्ने र डुब्ने जोखिम उच्च रहन्छ ।
स्थानीय प्रशासनले बारम्बार सचेत गराउँदा पनि आर्थिक विवशताका कारण स्थानीयहरू यस्तो जोखिम मोल्न बाध्य भएको देखिन्छ। स्थानीय प्रहरी चौकीका एक अधिकारीले भने, ‘हामी सकेसम्म सुरक्षित तरिकाले दाउरा संकलन गर्...
