संसार

बैशाख २ अमेरिकी राष्ट्रपति जो बाइडेनले अफगानिस्तानमा रहेका अमेरिकी सेना मे १ देखि फिर्ता बोलाउने घोषणा गर्नुभएको छ । मे १ देखि फिर्ता हुन थाल्ने र आउँदो सेप्टेम्बर ११ सम्ममा सबै अमेरिकी सैनिकले अफगानिस्तान छाड्ने राष्ट्रपति बाइडेनले बताउनुभएको अन्तराष्ट्रिय संचारमाध्यमले जनाएका छन् । सन् २००१ मा अमेरिकामा रहेको विश्व व्यापार संगठनको भवनमा भएको हमलाको २० औं वार्षिकीसँगै आतङ्कवादविरुद्ध लड्न अफगानिस्तान पठाएका आफ्ना सेना फिर्ता बोलाउन थाल्ने राष्ट्रपति बाइडेनले घोषणा गर्नुभएको जनाईएको छ । २० वर्षदेखि जारी युद्धमा २५ सयभन्दा धेरै अमेरिकी  सैनिकहरूले ज्यान गुमाएका छन् । विश्वभर आतङ्कवादविरुद्ध लड्ने भन्दै अमेरिकाले अफगानिस्तानमा आफ्ना सेना पठाएको थियो । अफगानिस्तानमा अहिले २५ सय अमेरिकी सेना रहेका छन् । यसअघि पूर्व राष्ट्रपति डोनाल्ड ट्रम्पले पनि अफगानिस्तानमा शान्ति वार्ता गरेर...

वैशाख २  अमेरिकामा एक अश्वेत युवकलाई गोली हान्ने प्रहरी अधिकृत पक्राउ परेकी छन् । मिनिसोटामा  ट्राफिक नियम उल्लंघन गरेको आरोपमा एक अश्वेत युवकलाई गोली हान्ने प्रहरी अधिकारी किम पोटरलाई पक्राउ गरिएको हो । उनीमाथि गैरन्यायिक हत्या (सेकेन्ड डिग्री म्यानस्लटर) को मुद्दा चलाउने तयारी भइरहेको छ । सो मुद्दा अनुसार उनी दोषी ठहर भएमा बढीमा १० वर्ष कैद र २० हजार डलरसम्म जरिवाना हुन सक्ने अन्तराष्ट्रिय संचारमाध्यमले जनाएका छन् । ट्राफिक नियम उल्लंघन गरेको आरोपमा प्रहरी अधिकारीको हातबाट गोली चल्दा २० वर्षीय डन्टे राइटको मृत्यु भएको थियो । उनलाई हत्कडी लगाउन खोज्दा प्रहरीसँग घम्साघम्सी भएको थियो । त्यही क्रममा दुर्घटनाबस गोली चलेको प्रहरीले जनाएको थियो । यो घटनापछि प्रहरी प्रशासनविरुद्ध स्थानीय प्रदर्शनमा उत्रिँदा तनाव भएको थियो । स्थिति नियन्त्रणमा लिन मिनियापलिस र सेन्ट पलमा रात्रिकालीन क...

बैशाख २ भारतमा पछिल्लो २४ घण्टामा झण्डै दुई लाख जनामा कोरोना संक्रमण पुष्टि भएको छ । योसँगै कोरोना संक्रमितको संख्या एक करोड ४० लाख ७० हजारभन्दा धेरै पुगेको छ गत २४ घण्टामा भारतमा कोरोना संक्रमणबाट एक हजारभन्दा धेरै जनाको ज्यान गएको छ ।  योसँगै कोरोनाबाट मृत्यु हुनेको संख्या एक लाख ७३ हजार १ सय ५२ जनाको ज्यान गएको जनाइएको छ । कोरोना भाईरसको संक्रमण तिब्र रुपले फैलिदै गएपछि भारतका विभिन्न सहरमा लकडाउन र कर्फ्यु लगाइएको छ । विश्वमा अमेरिकापछि भारत कोरोेनाका कारण सबैभन्दा धेरै प्रभावित भएको छ । सङ्क्रमण फैलिएसँगै भारतको राजस्थानमा बेलुका ६ बजेदेखि बिहान ५ बजेसम्म रात्रिकालीन कर्फ्यु लागेको छ । त्यहाँका शिक्षण संस्थाहरु सबै बन्द छन् । यस्तै, विवाहका लागि अनुमति लिनु पर्ने भएको छ । सरकारी कार्यालयहरूमा ५० प्रतिशत मात्रै कर्मचारीले सेवा दिने छन् । राजस्थानसँगै दिल्ली, मध्यप्रदेश, ...

चैत ३१ विश्व स्वास्थ्य संगठन (डब्ल्यूएचओ)ले विश्वमा कोरोना महामारीको अन्त्य हुन समय लाग्ने जनाएको छ । विश्वमा कोरोना सङ्क्रमित थपिने क्रम बढ्दै गएको र सङ्क्रमितहरुले ज्यान गुमाएकाले स्वास्थ्य मापदण्डको पालना र आत्मसंयमता कायम गर्न डब्ल्यूएचओले आग्रह गरेको छ । कोरोना महामारी अन्त्य हुन धेरै समय लाग्ने भएकाले स्वास्थ्य मापदण्डका उपायहरु पालना गर्न सुझाव दिईएको छ । समाज, अर्थतन्त्र, व्यापार, यात्रा जस्ता क्रियाकलाप पुनः सुरु भएको देख्ने सबैको चाहना भए पनि महामारी नियन्त्रणको विकल्प स्वास्थ्य मापदण्डका पालना गर्नु नै रहेको जनाइएको छ । कोरोनाको सङक्रमण दर पछिल्लो हप्ता ९ प्रतिशत र मृत्युदर ५ प्रतिशतले बढेको डब्ल्यूएचओले जनाएको छ । कोरोना महामारीबाट सबैभन्दा प्रभावित अमेरिका रहेको छ । त्यसपछि भारत विश्वमा दोस्रो सबैभन्दा धेरै सङ्क्रमित रहेको सूचीमा छ । गत २४ घण्टामा भारतमा १ लाख ६० ह...

पूर्णपुष्टि, चैत ३०  भारतमा एकैदिन एक लाख ६८ हजार ९ सय १२ जनामा कोरोना संक्रमण पुष्टि भएको छ । पछिल्लो २४ घण्टामा कोरोना संक्रमण पुष्टि हुनेको यो संख्या अहिलेसम्मकै धेरै हो । गत २४ घण्टामा थप ९ सय ४ जनाको कोरोना संक्रमणबाट मृत्यु भएको भारतको स्वास्थ्य मन्त्रालयले जनाएको छ । योसँगै भारतमा कोरोनाबाट संक्रमित हुनेको संख्या एक करोड ३५ लाख नाघेको छ । त्यस्तै संक्रमणबाट एक लाख ७० हजार १ सय ७९ को मृत्यु भइसकेको छ । भारतमा कोरोनाका सक्रिय संक्रमितको संख्या पनि १२ लाख नाघेको छ । भारत संक्रमित संख्याको आधारमा पुनः दोस्रो सबैभन्दा प्रभावित मुलुक बनेको छ । ब्राजिलमा एक करोड ३४ लाख ८० हजार संक्रमित फेला परेका छन् । सबैभन्दा प्रभावित अमेरिकामा अहिलेसम्म तीन करोड ११ लाखभन्दा धेरै कोरोना संक्रमित फेला परिसकेका छन् ।...

पूर्णपुष्टि, चैत २९ तीव्र गतिमा कोरोना भाइरसको सङ्क्रमण बढ्दै गएपछि भारतको दिल्ली सरकारले कडा मापदण्ड लागू गरेको छ । घोषणा भएको प्रतिबन्धात्मक नियमअनुसार अब सामाजिक, राजनीतिक, मनोरञ्जन, खेलकुद प्रतियोगिता र सार्वजनिक कार्यक्रमहरु बन्द भएका छन् । त्यस्तै राष्ट्रिय र अन्तर्राष्ट्रिय प्रतियोगितामा भाग लिने खेलाडीबाहेक अरुलाई सार्वजनिक स्विमिङ पुलमा प्रतिबन्ध लगाइएको छ । त्यस्तै विवाह समारोहमा ५० जनाभन्दा धेरै र अन्तिम संस्कारमा २० जनाभन्दा धेरै सामेल हुन नपाउने भएको छ । सबै कलेज र कोचिङ सेन्टरहरु पनि बन्द गर्ने निर्णय भएको छ भने रेष्टुरेन्ट तथा बारहरुमा पनि प्रतिबन्ध लगाइएको छ । बस र गाडीहरुमा पनि सिट क्षमताभन्दा ५० प्रतिशत कम मानिस राख्नुपर्ने भएको छ । त्यस्तै महाराष्ट्रबाट हवाइमार्फत दिल्ली पुग्नेहरुका लागि पीसीआर परीक्षणको रिपोर्ट अनिवार्य गरिएको छ । रिपोर्ट नलिइ दिल्ली जानेहरु...

विश्वमा पछिल्लो २४ घण्टामा सात लाख ८५ हजार आठ सय ९६ जना कोरोना सङ्क्रमित थपिएका छन् । यस्तै विश्वभर १३ हजार दुई सय ६८ जनाले ज्यान गुमाएका छन् । विश्वमा कोरोना सङ्क्रमितको संख्या १३ करोड ५२ लाख ८९ हजार आठ सय ६९ पुगेको वर्ल्डओमिटरको तथ्याङ्कले देखाएको छ । कोरोना सङ्क्रमणबाट विश्वमा अहिलेसम्म ज्यान गुमाउनेको सङ्ख्या २९ लाख २७ हजार ६ सय ८४ पुगेको छ । गत २४ घण्टामा सबैभन्दा धेरै भारतमा एक लाख ४४ हजार आठ सय २९ जना नयाँ सङ्क्रमित थपिएका छन् भने सात सय ७३ जनाको ज्यान गएको छ । त्यसैगरी ब्राजिलमा ८९ हजार ९० जना सङ्क्रमित थपिँदा तीन हजार ६ सय ४७ जनाको ज्यान गएको छ । गएको २४ घण्टाभित्र ब्राजिलमा ज्यान जानेको संख्या विश्वमै सबैभन्दा धेरै हो ।...

पूर्णपुष्टि, चैत २४  रुसका राष्ट्रपति भ्लादिमिर पुटिनले अवको दुई कार्यकालको पनि नेतृत्व गर्न पाउने अधिकार प्राप्त भएको छ । एक विधेयकमा हस्ताक्षर गरेसँगै राष्ट्रपति पुटिनले सन् २०३६ सम्म अर्थात अबको दुई कार्यकालसम्म नेतृत्व गर्न पाउने संवैधानिक अधिकार प्राप्त भएको हो । करिब दुई दशकदेखि सत्तामा रहनुभएका राष्ट्रपति पुटिनले यो कार्यकाल ६ वर्ष चलाइसक्नुभएको छ । गत वर्ष पुटिनको कार्यकाल बढाउने गरेर संविधान संशोधनका लागि रसियामा जनमत सङ्घर्ष गरिएको थियो । त्यहाँका मानिसहरुले पुटिनको समर्थनमा मत दिएका थिए । गत महिना यो सम्बन्धी विद्येयक सांसदहरुले संसदबाट अनुमोदन गरेका थिए । त्यसै विधेयकमा राष्ट्रपति पुटिनलाई हस्ताक्षर गरेसँगै उहाँलाई आफ्नो कार्यकाल बढाउने संवैधानिक अधिकार प्राप्त भएको हो ।...

पूर्णपुष्टि, चैत २२  भारतमा एकैदिन ९२ जार ९ सय ९४ जनामा कोरोना संक्रमण पुष्टि भएको छ । भारतमा साढे ६ महिनाको अवधिमा यति धेरै संक्रमित फेला परेको यो पहिलो पटक भएको भारतीय मिडियाहरुले जनाएका छन् । यसअघि १९ सेप्टेम्बरमा ९२ हजार ५ सय ७४ जनामा कोरोना संक्रमण पुष्टि भएको थियो । भारतमा कोरोना संक्रमणबाट मृत्यु हुनेको संख्या पनि लगातार दुई दिन पाँच सयभन्दा बढी पुगेको छ । यसअघि गत शुक्रबार ७ सय १३ जनाको ज्यान गएको थियो । भारतमा अहिलेसम्म १ करोड २४ लाख जनामा कोरोना संक्रमण पुष्टि भएको छ । भारतमा कोरोनाबाट सबैभन्दा धेरै महाराष्ट्र, पन्जाब, दिल्ली, मध्यप्रदेश, गुजरात र राजस्थान राज्य प्रभावित भएका छन् ।...

पूर्णपुष्टि, चैत २१  म्यानमारबाट आएका शरणार्थीहरुलाई खाना र औषधि उपचारको व्यवस्था गर्न भारत तयार रहेको जनाएको छ । भारत म्यानमारबाट आएका शरणार्थीहरुलाई खाना र औषधिको व्यवस्था गर्न तयार रहेको तर अवैध घुसपैठलाई भने प्रोत्साहित गर्न नसक्ने जनाएको छ । म्यानमारमा दैनिक जसो हिंसात्मक प्रदर्शन भएसँगै त्यहाँका नागरिकहरु अवैध रुपमा भारत प्रवेश गरिरहेको भन्दै अवैध प्रवेशलाई रोक्नुपर्ने तर भारत आएकाहरुलाई आवश्यक व्यवस्थापन गर्न आफूहरु तयार रहेको अन्तराष्ट्रिय संचारमाध्यमले जनाएका छन् । म्यानमारबाट आएका नागरिकहरुलाई खाना र स्वास्थ्यको समस्या भएको छ । उनीहरुलाई शिविर स्थापना गर्न र आवश्यक सहयोग गर्न तयार रहेको जनाएको छ ।...