संसार

पूर्णपुष्टि, साउन ३२ कोरोना विरुद्धको पहिलो खोप तयार भएको रुसले जनाएको छ । यो खोप यसै महिनाको अन्त्यसम्म बजारमा जाने रुसको स्वास्थ्य मन्त्रालयले जनाएको छ । हिजोमात्रै खोप उत्पादन सुरु भइसकेको बताएको रुसले त्यसको केही समयमै खोपको पहिलो खेप तयार भएको जनाएको हो । खोपलाई भर्खरै तेस्रो चरणको परीक्षणका लागि स्वीकृति दिइएको छ । यस चरणमा हजारौं मानिसमा परीक्षण गरिने भएकाले खोप उत्पादनको लागि यो चरणलाई महत्वपूर्ण मान्ने गरिएको छ । रुसले खोपलाई ’स्पुतनिक ५’ नाम दिइएको छ । रुसी राष्ट्रपति भ्लादिमिर पुटिनले यो खोप सुरक्षित रहेको दाबी गर्नुभएको छ ।  उहाँले खोप आफ्नी छोरीलाई दिइएको र खोप लगाएपछि सञ्चो भएको बताउनुभएको अन्तर्राष्ट्रिय सञ्चारमाध्यमले जनाएका छन् । यो खोप  विकास गर्ने गामेलिया इन्स्टिच्युटले आउँदो डिसेम्बर–जनवरीसम्म प्रति महिना ५० लाख डोज खोप उत्पादन गर्न सक्ने दाबी गरेको छ । ...

पूर्णपुष्टि, साउन ३२ दक्षिण कोरियामा सरकार विरुद्ध प्रदर्शन भएको छ । स्वास्थ्य अधिकारीको चेतावनीपछि राजधानी सोलमा भएको प्रदर्शनमा दशौँ हजार नागरिक सहभागी भएका थिए । त्यहाँ हिजोमात्रै १ सय ६६ जनामा कोरोना सङ्क्रमण पुष्टि भएको थियो । गत पाँच महिनामा एकैदिन कोरोना सङ्क्रमित धेरै थपिएको यो पहिलोपटक भएको अन्तराष्ट्रिय संचारमाध्यमहरुले जनाएको छ । सोल सहर प्रशासनले कोरोना भाइरस रोकथाम तथा नियन्त्रणको लागि लगाइएको प्रतिबन्ध उल्लघंन हुने भन्दै प्रदर्शनको लागि अनुमति दिएको थिएन । राष्ट्रपति मून जेई इनको नीतिको विरोधमा प्रदर्शन भएको जनाईएको छ ।...

पूर्णपुष्टि, साउन ३२ च्याम्पियन्स लिग फुटबलको सेमिफाइनलमा लियोन प्रवेश गरेको छ । राति भएको खेलमा म्यानचेस्टर सिटीलाई ३–१ गोलले पछि पार्दै लियोन लिगको सेमिफाईनलमा प्रवेश गरेको हो । खेलको २४ औं मिनेटमा कोर्नेटले गोल गर्दै लियोनलाई अग्रता दिलाए । ६९ औं मिनेट म्यानचेस्टर सिटीका डि ब्रयोनले गोल गर्दै खेल बराबरीमा पुर्याएको थियो । डेम्बेलेले ७९ र ८७ मिनेटमा गोल गरेपछि लियोन जित हात पारेको थियो । योसँगै च्याम्पियनसिपको सेमिफाइनल समीकरण पूरा भएको छ । अब पहिलो सेमिफाइनलमा पर्सि राति आरबी लेइप्जिग र पेरिस सेन्ट जर्मेन खेल्नेछन् भने बुधबार राति लियोन र बार्यन म्युनिखबीच प्रतिस्पर्धा हुनेछ । लिगको उपाधिको लागि अर्को आइतबार राति खेल हुनेछ ।...

पूर्णपुष्टि, साउन ३१ युगान्डाका धावन जोसुवा चेप्टेगेईले ५ हजार मिटर दौडमा नयाँ विश्व कीर्तिमान बनाएको छ । फ्रान्सको मोनाकोमा शुक्रबार आयोजना भएको डाइमण्ड लिगमा जोसुवाले १६ वर्ष पुरानो कीर्तिमान तोडेको हो । २३ वर्षीय जोसुवाले १२ मिनेट ३५.३६ सेकेन्डमा निर्धारित दूरी पूरा गर्दै आफ्नो नाममा कीर्तिमान बनाएको हो । उनले करिब २ सेकेण्डले कीर्तिमान आफ्नो बनाएको थियो । यसअघि इथिओपियाका केनेनिसा बेकेलेले ५ हजार मिटर १२ मिनेट ३७.३५ सेकेन्डको कीर्तिमान राखेका थिए । इथिओपिउन लेजेण्डले सन् २००४ मा उक्त कीर्तिमान बनाएका थिए । मोनाकोका जोसुवाले गत फेब्रुअरीमा ५ किलोमिटर रोड रेसमा पनि कीर्तिमान बनाएका थिए ।...

पूर्णपुष्टि, साउन ३० विश्वका विभिन्न देशमा कोरोना भाइरसबाट मृत्यु हुनेको संख्या साढे ७ लाख नाघेको छ । विश्वका विभिन्न देशमा अहिलेसम्म २ करोड १० लाख जनामा कोरोना संक्रमण पुष्टि भईसकेको छ । उक्त संक्रमित मध्ये ७ लाख ५७ हजारभन्दा धेरैको मृत्यु भएको वल्ड्रोमिटरले जनाएको छ । उक्त संक्रमित मध्ये एक करोड ३९ लाख जना उपचारपछि निको भएका छन् । अहिले आइसोलेशनमा रहेका ६३ लाख ९० हजारमध्ये एक प्रतिशत अर्थात साढे ६४ हजारको अवस्था जटिल रहेको र बाँकी ६३ लाख २६ हजारको अवस्था सामान्य रहेको जनाईएको छ । सबैभन्दा धेरै संयुक्त राज्य अमेरिकामा ५४ लाखभन्दा धेरैमा कोरोना पुष्टि हुँदा १ लाख ७० हजारको मृतयु भएको छ । त्यस्तै ब्राजिलमा ३२ लाख २९ हजारमा संक्रमण पुष्टि हुँदा १ लाख ५ हजारको मृत्यु भएको छ । त्यस्तै भारतमा २४ लाख ६१ हजारमा कोरोना संक्रमण पुष्टि हुदा ४८ हजारको मृत्यु भईसकेको वल्डोमिटरले जनाएको छ ।...

पूर्णपुष्टि, साउन ३० इजरायल र संयुक्त अरब इमिरेट्स (यूएई)बीच एतिहासिक शान्ति सम्झौता भएको छ । सम्झौता भएसँगै अब मध्यपूर्वी एसियामा शान्ति बढ्ने दुई देशका नेतृत्वले विश्वास गरेका छन् । त्यस्तै वेष्ट बैंकको ठूलो हिस्सा मिलाउने आफ्नो योजना स्थगित गरेको इजरायलले जनाएको छ । इजरायल र यूएईले यो सम्झौतालाई ऐतिहासिक र शान्तिको दिशामा एउटा सफलता भनेका छन् । इजरायलको खाडीका अरब देशसँग कुनै कूटनीतिक सम्बन्ध थिएन । अमेरिकी राष्ट्रपति डोनाल्ड ट्रम्पले ट्वीट गरेर दुई देशबीच शान्ति सम्झौता भएको जानकारी दिनुभएको हो । यो सम्झौता गराउन उहाँले मध्यस्थकर्ताको भूमिका खेल्नुभएको थियो । इजरायलका प्रधानमन्त्री बेन्जामिन नेता न्याहुले ऐतिहासिक दिन भएको उल्लेख गर्नुभएको छ । यसअघि इजरायलसँग इजिप्ट र जोर्डनले यस्तैखाले सम्झौता गरिसकेका छन् । केही दिनपछि इजरायल र यूएईका प्रतिनिधिहरू द्विपक्षीय सम्झौताहरू...

पूर्णपुष्टि, साउन २९ भारतमा एकै दिन ६७ हजार जनामा कोरोना संक्रमण पुष्टि भएको छ । पछिल्लो २४ घण्टामा ६६ हजार ९ सय ९९ जनामा संक्रमण पुष्टि भएको हो । योसँगै भारतमा सङ्क्रमितको संख्या २३ लाख ९६ हजार नाघेको त्यहाँको स्वास्थ्य मन्त्रालयले जनाएको छ । त्यस्तै कोरोनाका कारण ४७ हजारभन्दा धेरैको  मृत्यु भएको छ । भारतमा अहिलेसम्म १६ लाख ९५ हजारभन्दा धेरै निको भएका छन् भने ६ लाख ५३ हजारको उपचार भइरहेको पनि मन्त्रालयले जनाएको छ ।...

पूर्णपुष्टि, साउन २९ आफुले बनाउको कोरोना भाइरसविरुद्ध खोपको बारेमा अन्तर्राष्ट्रिय चिन्ता निराधार भएको रुसले दाबी गरेको छ । पहिलो चरणमा अबको दुई हप्तामा नै डाक्टरलाई खोप दिने रुसी स्वास्थ्य मन्त्री मिखाइल मुराश्कोले जानकारी दिनुभएको छ । परीक्षण बिना नै प्रयोगमा ल्याउन लागेको भन्ने अन्तर्राष्ट्रिय चिन्ता निराधार भएको उहाँले बताउनुभएको हो । अक्टोबर महिनाबाट ठूलो संख्यालाई खोप दिन थाल्ने योजना रहेको छ । कोरोनाविरुद्ध खोप तयार पारेको रुसी राष्ट्रपति भ्लादिमिर पुटिनले घोषणा गरे पनि विश्व स्वास्थ्य संगठनले भने प्रश्न उठाएको छ । विश्वभर ६ वटा खोप परीक्षणको तेस्रो चरणमा पुगेको तर रुसले दाबी गरेको खोप त्यसभित्र नपरेको भन्दै प्रश्न संगठनले उठाएको हो । रुसको खोपमा विशेषगरी अमेरिका र यूरोपमा प्रश्न उठेको अन्तराष्ट्रिय संचारमाध्यमहरुले जनाएको छ ।...

पूर्णपुष्टि, साउन २९ च्याम्पियन्स लिग फुटबलको सेमिफाइनलमा पेरिस सेन्ट जर्मन (पीएसजी) प्रवेश गरेको छ । गतराति भएको खेलमा एटलान्टालाई २–१ ले पछि पार्दै पीएसजी फाईनलमा प्रवेश गरेको हो । खेलको २६ औं मिनेटमा एटलान्टाका पासालिगले गोल गरेको थियो । खेलको ९० मिनटमा थप गरिएको ३ मिनेटमा पीएसजीका मार्किन्होस र चाउपो मोटिङले गोल गरेर खेल आफ्नो पक्षमा पारे । योसँगै पीएसजी २५ वर्षमा पहिलो पटक च्याम्पियन्स लिगको सेमिफाइनलमा प्रवेश गरेको छ ।...

पूर्णपुष्टि, साउन २८ भारतका पूर्वराष्ट्रपति प्रणव मुखर्जीको स्वास्थ्य अवस्था जटिल बन्दै गएको छ । उनको स्वास्थ्य अवस्था गम्भीर बन्दै गएपछि छोरी शर्मिष्ठा मुखर्जीले भावुक सन्देश लेखेकी हुन् । शर्मिष्ठाले ट्विटरमा भगवानले आफ्नो लागि सही निर्णय गर्ने र अब जे हुन्छ त्यसलाई स्वीकार गर्न आफूलाई हिम्मत दिने लेखेकी छिन् । शर्मिष्ठाले बुवा प्रणव मुखर्जीको स्वास्थ्य लाभको कामना गर्दै एक वर्ष पुरानो प्रसङ्गको सम्झना पनि गराएकी छिन् । उनले ट्वीट गर्दै गत वर्ष यही समयमा प्रणव मुखर्जीलाई सर्वोच्च नागरिक सम्मान र भारत रत्न पुरस्कारबाट सम्मान गरिएको थियो ।,  यो वर्ष उन गम्भीर बिरामी हुनुहुन्छ ।’ गत वर्षको अगस्ट ८ तारिखमा बुवा प्रणव मुखर्जी भारत रत्न पुरस्कारबाट सम्मानित हुँदा आफू निकै खुसी भएको भन्दै शर्मिष्ठाले यसपालिको अगस्ट १० तारिखमा गम्भीर रुपमा बिरामी भएको उल्लेख गरेकी छिन् । पूर्वराष्ट्र...